المساعد الشخصي الرقمي

مشاهدة النسخة كاملة : أرجو المساعده مع الرمادي الأفريقي

فارس مجهول
30-10-2006, 06:30 PM
السلام عليكم
يأخوان انا عندي ببغاء رمادي افريقي فرخ توه ماكمل سنه عيونه لونها رمادي ماكمل سنه
انا قصيت جناحه وأطلعه على ستاند القفص بس مو أنا اللي قصيت الجناح انا وديته المحل
أنا يعذبني إذا جيت أدخله القفص لا زم ارمي المنشفه عليه وأمسكه وأدخله فكيف أخليه يدخل لحاله والمشكله الثانيه أبي أتخلص من العض
وانا الحين إذا طلعته فوق القفص يخليني المس اصابعه ونادر مايخليني أمسح خفيف على جناحه :)
والحمدلله يصفر وبدا يقلد اصوات مثل صوت البوسه وأجراس اللعبه ماشاء الله عليه
أتمنى أنكم تجيبوني
على اسئلتي
زيكوو
31-10-2006, 12:23 AM
اخي الكريم طيرك مثل الي عندي تماما

وانا انصحك لاتدخله القفص بهذه الطريقة لأنه سيخاف

ولو ضل خائف لمده طويله يمكن بعد شهرين لو 3 يموت

بتحصله بعد فتره مريض وتعبان تالي يموت

لذلك ابتعد عن تخويفه اليومي

اما عن الحل فعندك خياران:

الأول انك ماتطلعه منالقفص خاصة انه صغير وتخليه فتره طويله داخل القفص الى ان يحب الطير القفص ويعدن عليه ثم بعد ذلك تخرجه

الثاني ان تفعل مثلي أدعه خارج القفص طوال الوقت حتى ينام وهو خارج القفص!!

لايدخله الا اذا اراد شرب الماء

وطائري الان يجعلك تمسح على ارجله ومنقاره ويسلم اذا مددت اليه اصبعك

لكنه مايقلد الاصوات فقط يصفر


والسلام
سماوي الجبه
31-10-2006, 01:54 AM
يعطيكم العافيه،، انا عندي اضافه بسيطه اخي مثل ماقال زيكو لاتخرجه من القفص،، ثاني شي ياخي فرخ وبيخاف غريبه،، المهم عامله برفق وسوف ترى العجب اذا كان فرخ،،، عامله مثل الطفل كل شي بهداوه جدا،،اتركه في القفص اسبوع فقط وشوف ترا الفرق وبعدين اخرجه من القفص ،، وشكرا.
فارس مجهول
01-11-2006, 02:26 PM
شكرا لكم على ردودكم لكن اتمنى الأخ تاكو ومستر ميمو يردوا
Exotic
22-11-2006, 01:29 AM
حط الاكل داخل القفص طبعا اكل يحبه على طول يدخل " مجربه" ......................
the snipr
22-11-2006, 01:50 AM
a7san shaii ennek tsawe al6erega althania
elle gal 3aleha ala5 zekoo
w 7atta ana asaweha
صاحبة وفا
22-11-2006, 03:25 AM
والاحل الامثل اذا عودته يركب على ايدك بتقدر تدخله القفص
fr3on
22-11-2006, 07:57 AM
حبيبى اقولك طريقه اتغلى الطير يصير على كيف كيفك :
1- اول شى خله على الاستاند وحاول تمسح على راسه حتى لو كان اصارخ مايهم على الاقل باليوم نص ساعه
2- لاتحاول تلمس جناحه ابهلفتره لانه يخاف من هذا المكان
3- لا تحاول تمسكه ابفوطه لانه راح يخاف ويكرهك ويمكن يحقد عليك
4- جيب عصايتين وحاول اتخليه يصعد عليهم ودخله بالقفص
5-حاول اتخليه يصعد على العصا الاولى ثم الثانيه وكرر هالعمليه عده مرات
بعد اسبوع او اسبوعين على حسب فتره التدريب تلقاه يكون طير عجيب وادعيلى