اسماكي يموتون مادري وش فيهم؟؟

[بنوته الشرقيه]

السلام عليكم
كيفكم؟

اسماكي كل يوم 3 او 4 يموتون ورا بعض مادري وش جاهم كانو كويسين وفجاءه يموتون اللي عمرهم 6 شهور والحين الفجر مات الذكر الكبير اسمه مهند ومهند ماات واشوف زوجاته مساكين كل وحده بزاويه كسرو خاطري وخايفه عليهم مادري شنو فيه الحوض نظيف وامس طلعتهم ونظفته من جديد ونفس الشي بسم الله عليهم مدري وش جاهم وش السواه درجه الحراره مضبوطه والاكل صرت اعطيهم مرتين بليوم لانهم مشاء الله أكولين لين ينتفخ بطنهم وهم بعد يبون والصغار انقرضو بعد ماكانو 56 بيبي صارو 20 خلال يومين بس مادري وش جااااااهم حزنانين عليهم كثير انا وماما :(

[عاشق البحـار]

خيتو
حطي كل المعلومات عن حوضك
وايش عملتي بالخوض في الاونه الاخيره

والاخوان بيفيدونك لاني طالع

[بنوته الشرقيه]

درجه الحراره 28 درجه

وصورت الحوض موجوده بمواضيعي

واعطيهم اكل رقائق صرت اشك انه مسموم او فيه شي لان الاسماك اللي تموت بصحه كويسه ومافيها اي امراض ظاهره عليها وتكون نشيطه حتى بلحوض بس فجئه تصير تتقلب وتموت :(

بحاول أكلهم بس دود لمده اسبوع حتى اعرف البلا من الاكل وللا ايش؟..

[عاشق البحـار]

تقريبا بعد مانظفت ماء الحوض كله ماتو الاسماك
لانو من درجة حراره الى اخرى هنا المشكله الي صادفتني بالسابق
واتمنى افدتك
انتظري الاخوان

[انجل مان]

شوفي اختي ..

السب احد الامرين .؟؟؟ الاول ارتفاع نسبه الامونيا بالحوض .؟؟؟ هذا اولا .. ؟؟ وتلاحظين اصفرار الماء

والسبب الثاني الغذاء .. بأمكانك استبدال الغذاء بأخر او عطيهم فتات خبز او خس او اي شي .. لكن لا تعطينهم من الاكل اللي انتي شاكه فيه ..

لان ممكن يكون منتهي الصلاحيه ..

[بنوته الشرقيه]

اخوي البحار الموت قبل تغير الماي وانا كل يوم اغير شي بسيط مفي اي اصفرار في الماي بلعكس مره نظيفه
بس الظاهر حسبي الله عليهم من الاكل قطيته واستبدلته..