بغبغائي خايف من الالعاب

[هاااايز]

السلام عليكم ورحمة الله وبركاته

اخواني زي ماهو واضح من العنوان عندي بغباء كاسيكو عمره اقل من السنه توه تحت الترويض يعني جعرته خفيفه مره اذا كان خايف والا اذا كان داخل القفص اليوم شريت له لعبتين عباره عن جرس واشكال هندسيه خشبيه ملونه وعلقتها معه بالقفص ومن اليوم خايف منه ويجعر وحالته حاله وانا مخليه على وضعه وش اسوي فبه وتحياتي لكم

[ميو ميو هو هو]

عليكم السلام ورحمة الله وبركاته

مبروك عليك الطـير

طبيعي بيخاف من الالعاب لانها شي غريب عنده

خلها داخل القفص كم يوم ويتعود عليها وبتشوفه ينتفها نتف

انا صار لي مثلك اول ماحطيتها يخاف ولا يقرب منها

صارت اللعبه بزاوية وهو بزاوية

والحين مايستغني عنهـــا

اتمنى إني قدرت افيدك

[ابو محمــد]

ميو ميو هو هو ما قصر افادك.

[نوني..]

نفس جواب اللي فوقي بس انا رحمته وطلعت الالعاب ^_^ ماتسوى عليه

[هاااايز]

مشكورين جميعا والله يجعلها في موازين حسناتكم ومشكورين تحياتي لكم

[نوني..]

^^^^

امين ماسوينآ الا الواجب

وكلهآ اسبوع وبيتعود عليهم ان شاءالله الا اذا كان قلبك رهيف مثلي وبتطلعهم قبل خخخـ

[naasooh]

أصبر عليه
مع الوقت راح يتعود وتلقاه يتسلى بألألعاب

[بووسلطان]

انا حطيت العاب للكاسكو اللي عندي وهو اليف جدا وهولندي واستغربت انه قام يجعر اول مرة يخاف ويجعر خليت الالعاب تقريبا اسبوع ولافاد معه خايف مرة والحل هو انك تغير شكل الالعاب وتخليها بشكل ثاني غير اللي عندك وتحاول تصغرها لانه يخاف من الالعاب الكبيرة وهذا هو الحل تغير شكل الالعاب تخليها اصغر وتشوف الفرق بنفس اليوم زي ماصار معي انت الالعاب اللي حاطها اكيد كبيرة وتخوف الطير حاول تغيرها بالعاب صغيرة

[hassn1402]

انا اقول انك تخليها برى القفص
تكون جنب او ملامسه الى القفص من الخارج حتى يتعود عليها ثم قم بادخالها

[هاااايز]

شااااااااااااكر لكم جميعا وما قصرتوا والله تفاعل غير مستغرب على اعضاء تو زو اللي بصراحه استفدت منهم كثير ولا زلت استفيد بالنسبه للبغبغائي اليوم وضعه غير امس خواف اليوم متوحش قاعد يعضعض بالالعاب ويكسر بالخشب واشوووفه ناوووي على الجرس يبي يقضي عليه امس خايف بقووه قمت خليت لعبه وحده بدال الثنتين وخليت الصغيره وتعود عليها ومن اليوم يلعب فيها ( قصدي يكسر فيها ) تحياتي لكم