كوكي مات

[abulana]

السلام عليكم ورحمة الله وبركاتة

اخواني اعضاء تو زوو

كان عندي كاسكو عمرة 11شهر بدا يتكلم من شهرين

وكان نشيط واليف

فجأة يوم امر من جنبة ما ينادي رحت اشوف السبب

والا رجل مشلوله وما ياكل

هرعت فية لعند بيطري يبعد 190 كيلو اعطاني ادوية ومشيت على العلاج بس بدون فائدة

لفيت فيه كل بياطرة الدولة بدون فايدة مع استغراب الشلل

وبعد اسبوعين صار عندة اسهال مع ظهور دم في المحيض كلمت الدكتور قالي ما في مشكلة قاعد يطلع المرض استمر على العلاج

وفجأة طاح وما يقدر يوقف على رجوله رحت فية على دكتور وكتبلب مضاد وبنفس الوقت طلعت من عندة ورحت دكتور ثاني بس ما عندة حل

ورحت على دكتور ثالث ثالي خلاص بيموت
قلت له شو فية قالي ما اعرف قلت له عالجة قلي بتخسر فلوس عالفاضي قلت له عالجة

اعطاه 5 ابر في صدرة

وثاني يوم مات

وهذا الكاسكو الثاني وانا خايف اجيب الثالث ويروح علي شو تنصحوني وكيف اختارة فالمرة القادمة

[hazemk]

احضري قط اليف .. حظك مع الكاسكو ليس بجيد... و بالتوفيق

[ولد ابو متعب]

اختار كاسكو صحته حلوه ولا تحطه عند البرد

ترا البرد ينهيهم علطول

او اشتر لك دره مطوقه عندها مناعه من البرد لانها طائر بري

[ابو محمــد]

الله يعوضك,,

الطير اذا انشلت رجله خلاص ما فيه طب والبيطرين يعرفون ,,

شوف افضل حل انك تشتري طير مصيود وتولفه لأن مناعته ممتازه,,

اول تفريخ مزارع لكن يكون عمره فوق السنه وابدأ بالمضادات والفتامينات,,

ومضاد الدود ,,

الله يوفقك.

[@الزير@]

لا تشترين محجل ابدا على اني شريت قبل فتره ومات والحين اودي اشري ثاني انا احب المحجل وش اسوي مادري ... وناظري مكانك وش فيه بارد حار امام تيار هوائي او كذا

[ميو ميو هو هو]

الاعمار بيد الله

قدر الله وما شاء فعـل

والله يعوضك خيـر إن شاء الله

وإذا انك هاوي ولك رغبه بالكاسكو

اشتر ثالث وتوكل على الله

والي الله كاتبه بيصـير والحمد الله على كل حال

ولا تيآس وانا اخوك

اللهم لك الحمد حتى ترضى ولك الحمد اذا رضيت ولك الحمد بعد الرضا

[kag]

ما اقول الا الله يعوضك باحسن منه

وللاسف نادرا تلاقي دكتور فاهم في الطيور وفي دكتور عندنامن كثر شهرته في الطيور اللي ماتو من ادويته سموه الجزار ولا احد يبي يجيه

[هاوي ولكني جديد]

الله يعوضك أخويه وأنصحك أنك تاخذ كاسكو من واحد من ربعك ومكمل عنده فتره طويله بدل ما تاخذ من السوق .

[عاشــ الطيور ــق]

الله يعوضك باحسن منه

[abulana]

اشكركم اخواني على المواساه وعلى مروركم واهتمامكم

[عاشق البلابل]

الله يعوضك بأحسن منه وانا كان عندي واحد ومات بنفس الحركة رجلة مشلوله مع اني مهتم فيه شريت له غطا

حامي من البرد (ما اعتقد مات من البرد)و وديته لبيطري قالي امله في الحياة ضعيف قال وده للمستشفى

وديناه قالوا اذا عاش لبكره زين <<< كيف التحطيم ماعندهم احساس

والله يعوضنا وياك

[s-k-o]

الله يرحمة ويغفر له

انا متاكد انو الي موته هو الي عطاه 5 ابر

[hassn1402]

والله يعوضك خيـر إن شاء الله
خد واحد عمره كبير شوي يعني 11 شهر او سنه
وخله داخل البيت او الغرفه احسن عن البرد
وقبل ما تجيبه الى البيت اعطه البيطري يعمل فحص له
واتبع نظام تغذيه قوي وعلى دراية منك بفوائد ومضار بعض انواع الاغدية