نظرية قديمة نفضت عنها الغبار (فيديو) تجربتي..

[كاسكوكيه]

السلام عليكم و رحمة الله و بركاته... :D

أخباركم؟ و اخبار ببغاواتكم..؟

اليوم يبت لكم موضوع بصراحه.. احس انه بيحدث انقلاب كبير في عالم تدريب الببغاوات..

الموضوع بحثت عنّه بنفسي.. و صار لي قريب الأربع شهور وأنا اقرى عنّه.. بس من يومين.. قدرت اني اربطه بأحد أكبر نظريات التعلّم المعروفه على مر التاريخ.. و هالنظريه معروفه بنظرية.. التعلم الشرطي الاجرائي.. :12:

تحمّلوني شوي.. وخلوني اخبركم شوي عنها..

التعلم الشرطي الاجرائي << يحدث التعلّم نتيجة وجود مثير .. و استجابه لهذا المثير..

اشهر الباحثين في هذه النظريه هو العالم بافلوف.. و هاليومين بتصير كاسكوكيه..

:88:

اخونا بافلوف جرّب تجربة من زماااااااااان.. و جاب كلب.. و جرس و أكل.. كل ما دق الجرس حط الأكل.. بعد تكرار العمليه.. صار الكلب يسيل لعابه (استجابه) كل ما يسمع صوت الجرس.. لانه يعرف أن الأكل بيوصل له..

طيّب لو صار و أن الجرس دق.. ولكن ما قدّم بافلوف الأكل للكلب؟؟ بتكرار اختفاء احد المثيرين.. سيتم تقليل فرص تكرّر الاستجابه عند الكلب.. فهمنا يا توزو؟؟ =) نقلل تقديم المثير عند الرغبه في تقليل حدوث سلوك معيّن (غير مرغوب فيه)

طيّب.. ألحين راح نطبّق هالكلام كلّه على ببغاواتنا.. و لكن باسلوب مقنّن..

كل ما نحتاج أليه هو التالي:

1) هدف = عصا تدريب
2) المنبه = الكليكر أو في تجربة بافلوف كان الجرس
3) مثير = الحبوب أو المكافأه
4) استجابه متوقعه = السلوك المستهدف


الفكره هذي مطبقة في الخارج بشكل كبير.. ^^" اول شي.. التدريب يتم على مراحل معينه..و الفيديو مشروح بالكاااااااامل من شرحي انا كاسكوكيه لكم... مع تجارب في شامبيه وبوشهاب..


بينتهي الفيديو.. وبتلاحظون كيف استخدمت هالنظريه عشان اعزز سلوك المصافحه من قبل شامبيه.. بنجاح.. :12:

اخليكم مع الفيديو.. الجزء الأول.. :)


Ja-hNz2jinA



الجزء الثاني.. :)
اسمحوا لي الفيديو بدون صوت.. لاني كنت اسولف مع شامبيه.. خصوصن عشان اعطيه امر المصافحه.. :D

qMnMW_0zKBA



ممكن استخدام هالطريقه للكلام ... ما جربتها.. ولكن وجدت هالفيديو.. ولاحظو معانا القالا كيف صارت تكرر الكلام في وجود صاحبتها بشكل كبير.. :)

بتلاحظون ان الحرمه في الفيديو تعزز الكلمات الي تريدها.. و على طول تضغط على الكليكر.. و تعطي مكافأه :)

9-8RvGo21mk&feature=related





أتمنى ان الموضوع يفيدكم.. و اسمحوا لي على طول الفيديوهات.. بصراحه.. صورتها اليوم.. و نفعت معاي.. و ما حبّيت اني اطوّل عليكم.. و حبّيت انكم تستفيدون منها مثل ما انا استفدت

[yasser2ysh]

مشكووووووورة
ماشاء الله تبارك الله
موضووع اكثر من رائع
وان شاء الله الجميع يستفيد

[houston]

ماشاء الله عليج ياكاسكوكيه
من جد ذكرتينى بالمدرسه والنظريات
ومن جد هالنظريه مرت على قبل
وبجربها هالاسبوع مع تاكو

[كاسكوكيه]

مشكووووووورة
ماشاء الله تبارك الله
موضووع اكثر من رائع
وان شاء الله الجميع يستفيد


:) العفو.. تسلم..

:rolleyes:

[كاسكوكيه]

ماشاء الله عليج ياكاسكوكيه
من جد ذكرتينى بالمدرسه والنظريات
ومن جد هالنظريه مرت على قبل
وبجربها هالاسبوع مع تاكو



:12: الله يرحم ايااااااااااام .. ههههه

يالله جربيها و انتظر النتايج.. :cool:

[ابو سفر]

الله يعطيك الف عافيه

[houston]

حبيبتى الفيديو موطالع معاى ؟؟؟؟؟

[كاسكوكيه]

حبيبتى الفيديو موطالع معاى ؟؟؟؟؟


هذا شكله الفيديو الثاني صح؟ :)

من شوي رفعته على يوتيوب و على طول حطيته في الموضوع.. :D << كان طوله 11 دقيقه.. و انجبرت اقصر الوقت.. واحذف لقطات.. و الحين اوكي.. بس دقايق و بيطلع :)

[راينو]

عجبني الموضوع شيق جدا
بس حظي ما طلع لي الفيديو
ع عالموم كلامك مفهوم
شكرا

[kag]

ماشاءالله عليك مجهود تشكرين عليه

الفيديو الثاني ما اشتغل

[kag]

ماشاءالله عليك مجهود تشكرين عليه

الفيديو الثاني ما اشتغل

[عاشــ الطيور ــق]

ماشاء الله عليك

مبدعة كعادتك

ننتظر جديدك

[بندولة حب]

تسلم يدينك مجهود تشكرين عليه صراحه

[كاسكوكيه]

ماشاءالله عليك مجهود تشكرين عليه

الفيديو الثاني ما اشتغل



ألحين اشتغل :)

[اسيد]

مشكوره اختي الكريمه كاسكوكيه موضوع جميل ومفيد جدا جدا
وانا اتبع هذه الطريقه في التدريب منذ 12 سنه وهي تعتبر من اقوى الطرق الغربيه
في تدريب الببغاوات وهي معتمده من قبل المدربين الاجانب للببغاوات وجميع الحيوانات الاليفه

[ابو محمــد]

كاسكوكيه طريقه الكليكر ممتازه وانا استخدمتها لما كان سكر متوحش,,

والطير بنصاع ويربط صوت الكليكر بالعصا وبالمكافأه,,

ولو جربتي كاسكوكيه الطريقه داخل القفص لكان انبهرتي اكثر,,

لأن الطير داخل القفص يكون بالنسبه له في امان ويفعل ما تأمرين ,,

موضوعك متعوب عليه ويستحق الاشاده,,

[عبووووووودي]

مشالله عليك يااختي من تقدم الي تقدمـ

جد الواحد يفرح يشوفـ اعضاء مثلك بالمنتدي

موفقهـ

[راينو]

طلعت الفيديوهات
روعه
يعطيج العافية >>>>>>>> مسوي اماراتي
يعطيك العافية >>>>>>>> الحين سعودي
مشكورة

[علوش999]

كلامك ممتاز جداً وهذي الطريقه انا اتبعها شخصياً شكراً لكي أختي وفي إنتظار جديدك

[meejoo911]

يعطيك الف الف الف عافيه

بصراااااااااااااحه دورت على الكليكر في كل السعوديه ما لقينه
واستخدم الحين الولاعة الفاضيه بس ما يزال صوتها واطي بالنسبه
للكليكر الخاص بالتدريب

معليش الي يعرف فين يباع في الرياض يقول لي و اكون شاكر

يعطيك العافيه مررررررررررره ثانيه

[أبو حمزة.]

ما شاء الله

إبدااااااااااااع منقطع النظير

موضوع متعوب عليه

بارك الله فيكي

[طير جارح]

الف شكر على الموضوع اللي استفدت منه كثير كثير

[no0La]

ماشاء الله تبارك الله
ماشاء الله تبارك الله

مشكــــــوره يالغلا موضوع بجد رأإأئــع بكل معنى الكلمه
ومفيد للغايه استفدت منه كثير وحملته بجهازي علشان اتقنه مع كاسوو اللي مجنني


بصرأأحه عاجزه عن الكلام بحقك لانك مميزهـ فديت قلبك
جهد تشكرين عليه من قلب


تقبلي احترامي وتقديري

اختك نولا

[0030879]

يعطيك العافية


طريقة حلوة وان كنت اختلف معك في طريقة تنفيذها

شكرراً

[xX7oSaMXx]

ياسلالالالالالالالالام ياليت فيه ثنتين كاسكوكيه في الدنيا كان نصير بخير خخخخخخخخخ


موضوع راااااااائع ويعطيك العافيه



وننتضر مواضيعك الشيقه

سلام

[كاجو]

يعطيك العافيه على العمل والمجهود المبذول في الموضوع

[naasooh]

موضوع جدا رائع
و
الكاسكو طير ذكي جدا
و
هذا طير سابق عندي أتبعت معاه نفس ألأسلوب
وشوف شلون يميز الكلمه من عدة كلمات
وهالتمرين خطوته ألأخيره هو نطقه بالكلمه مع سلامه عليك

الله يبارك لصاحبه


-lQyApTps1Y

وللعلم
موكل ألكاواسكو ينفع معاها هالتدريب
و
العيب من ألطير ماهو من المربي

[lll_o]

ماشاء الله

والله طلعتي حقت نضريات و حركات هع

فكره حلوة بس احس انو تطبيقها صعب

و انشاء الله بجرب هاذي الطريقه مع الكاسكو حقي و انشاء الله تزبط

و لكي رساله على الخاص هع

[فوفو_20]

ماشاء الله كاسكوكيه
صايره برافسووره
والله كفوووووووووو

لا هنتي يالغلا على الموضوع المتعوب عليه

[كاسكوكيه]

يعطيك العافية


طريقة حلوة وان كنت اختلف معك في طريقة تنفيذها

شكرراً



ياليت تشاركني بالطريقه الي بتنفذ فيها الموضوع.. :)

[هاي توز و]

الله يعطيك الف عافيه

[xX7oSaMXx]

يااااسلام موضوع في غاية الروعه وانا دايم اسأل نفسي وش سالفت العصا هذا والصوت ! ! !



ان شاء الله راح اطبقها والكلك( الجهاز ) راح ابحث عنه

ولو تاخذين عصا الذره الطويل اتوقع احلى من المزاز

يعطيك الف عافيه وكلمة شكرا ماتوفي بحقك وننتضر مواضيعك الجديده والناجحه :)


سلام

[ProOoF]

ماشاء الله , تمكن كبيررر , من مربي خبيرر

من أفضل الطرق لدى الغرب تعليمهم بأسلوب الربط , لكن المهم بالموضوع

والي يدل ع التمكن والخبره , سرعة إستجابه طيرك للتدريب بغض النظر عن ذكاءه هذا يُسجل لك ويدل ع تمكنك الكبير بالتدريب

بجد قليلة كلام لكن فعلك يُعبر عن الكثير من التمكن , ويكفي جهدك بالربط بالنظريات

بارك الله فيك

, فاصله ,

الجنرال للمعلوميه وقت المشاهدة حسبالي طير جالس أدورهـ مكان السهم , ولا أنتبهت لكمة مكيف , فصلتي المخ


لايغرك أبو شهاب وإستعراضه بريشه , المقطع فيه ميزه لشامبيه لو أبو شهاب يصل القمر مايصلها بغض النظر عن مزاجيته وعناده< خارج الموضوع انتبه لها



00000000000

بارك الله فيك ,

[كاسكوكيه]

مشكوره اختي الكريمه كاسكوكيه موضوع جميل ومفيد جدا جدا
وانا اتبع هذه الطريقه في التدريب منذ 12 سنه وهي تعتبر من اقوى الطرق الغربيه
في تدريب الببغاوات وهي معتمده من قبل المدربين الاجانب للببغاوات وجميع الحيوانات الاليفه


العفو اخوي اسيد.. فعلن الطريقه سريييعه وفعّاله.. بسبب تركيزها على السلوك المستهدف مباشره.. و شفت فيديوهات للأرانب يدربوها على هالطريقه.. :88:

ما شاء الله .. 12 سنه.. ليتك تشاركنا بفيديوهات.. او حتى صور.. :) ولا تبخل علينا فيهم.. :rolleyes:

كاسكوكيه طريقه الكليكر ممتازه وانا استخدمتها لما كان سكر متوحش,,

والطير بنصاع ويربط صوت الكليكر بالعصا وبالمكافأه,,

ولو جربتي كاسكوكيه الطريقه داخل القفص لكان انبهرتي اكثر,,

لأن الطير داخل القفص يكون بالنسبه له في امان ويفعل ما تأمرين ,,

موضوعك متعوب عليه ويستحق الاشاده,,



هلا اخوي ابومحمد.. :)
غريبه ما خبرتنا عن الطريقه.. دايمن تكون من السبّاقين.. :D

جرّبت داخل القفص.. و ما نفعت.. قعد بوشهاب ينتظر الحب بدون ما يسوي شي.. :D يظن كل شي بيوصله و هو مستريح..

وبالنسبه لشامبيه.. القفص = المقر الرئاسي.. يعني ممنوع اللّمس.. و قمّة عناده و هوه في القفص او حتى عليه.. :rolleyes:

مشالله عليك يااختي من تقدم الي تقدمـ

جد الواحد يفرح يشوفـ اعضاء مثلك بالمنتدي

موفقهـ

تسلم اخوي عبوودي.. و تعليق افتخر فيه.. :o

طلعت الفيديوهات
روعه
يعطيج العافية >>>>>>>> مسوي اماراتي
يعطيك العافية >>>>>>>> الحين سعودي
مشكورة

ربي يعافيك.. :D

يمال العافيه.. << اظن بحريني.. :shy:

العفو.. و اهم شي طلعت الفيديوهات.. :rolleyes:

[كاسكوكيه]

كلامك ممتاز جداً وهذي الطريقه انا اتبعها شخصياً شكراً لكي أختي وفي إنتظار جديدك

شاركنا لحظات التدريب.. :D
العفو.. اخوي علوش.. ^^"

يعطيك الف الف الف عافيه

بصراااااااااااااحه دورت على الكليكر في كل السعوديه ما لقينه
واستخدم الحين الولاعة الفاضيه بس ما يزال صوتها واطي بالنسبه
للكليكر الخاص بالتدريب

معليش الي يعرف فين يباع في الرياض يقول لي و اكون شاكر

يعطيك العافيه مررررررررررره ثانيه

انا طول هالاربع شهور انتظر القى الكليكر.. تقدر تستعيض عنه بقلم.. صوته عالي.. صدقني بتفيدك.. :rolleyes:

ما شاء الله

إبدااااااااااااع منقطع النظير

موضوع متعوب عليه

بارك الله فيكي

و يبارك فيك اخوي ابو حمزه.. مرورك اسعدني.. :)


الف شكر على الموضوع اللي استفدت منه كثير كثير

و أهم شي اخوي طير جارح الفايده.. و مرورك اسعدني جدا.. :rolleyes:

ماشاء الله تبارك الله
ماشاء الله تبارك الله

مشكــــــوره يالغلا موضوع بجد رأإأئــع بكل معنى الكلمه
ومفيد للغايه استفدت منه كثير وحملته بجهازي علشان اتقنه مع كاسوو اللي مجنني


بصرأأحه عاجزه عن الكلام بحقك لانك مميزهـ فديت قلبك
جهد تشكرين عليه من قلب


تقبلي احترامي وتقديري

اختك نولا


تسلمين فديت روحج.. و أي شي مع الكاسكو الي مجنّنّج.. خبريني و بنتعاون عليه.. :12:

[كاسكوكيه]

ياسلالالالالالالالالام ياليت فيه ثنتين كاسكوكيه في الدنيا كان نصير بخير خخخخخخخخخ


موضوع راااااااائع ويعطيك العافيه



وننتضر مواضيعك الشيقه

سلام

سلااااامي عليك.. ههههههههههه لو صاروا ثنتين كاسكوكيه كان ما اشتكى اي احد من ببغاواته << مصدقه عمري.. :D



يعطيك العافيه على العمل والمجهود المبذول في الموضوع

الله يعافيك اخوي العزيييييز كاجو.. :rolleyes:


موضوع جدا رائع
و
الكاسكو طير ذكي جدا
و
هذا طير سابق عندي أتبعت معاه نفس ألأسلوب
وشوف شلون يميز الكلمه من عدة كلمات
وهالتمرين خطوته ألأخيره هو نطقه بالكلمه مع سلامه عليك

الله يبارك لصاحبه



وللعلم
موكل ألكاواسكو ينفع معاها هالتدريب
و
العيب من ألطير ماهو من المربي


صدقني مرات المربي ما يكون له صبر.. ولا حتى يرتّب برنامج تدريبه للطير.. فيطلع العيب من المربي.. بالعكس الطير دايمن بيحاول يرضيك و يبذل كل جهده عشان يوّنسك.. لانه اكيد حاس انه ماله غيرك.. بس المشكله في بعض المربين الي يسييؤون معاملة الطيور بسبب قلة الخبره او الجهل باساسيات التدريب.. و ما شاء الله الفيديو ابداع.. و الله يبارك في الطير و يحفظه... :)


ماشاء الله

والله طلعتي حقت نضريات و حركات هع

فكره حلوة بس احس انو تطبيقها صعب

و انشاء الله بجرب هاذي الطريقه مع الكاسكو حقي و انشاء الله تزبط

و لكي رساله على الخاص هع

خخخخ شفت عاد..

:rolleyes:

انتظر تطبيق الطريقه و النظريه.. :cool:

لك رد في الخاص خخخخخ :88:

ماشاء الله كاسكوكيه
صايره برافسووره
والله كفوووووووووو

لا هنتي يالغلا على الموضوع المتعوب عليه

من يومي والله.. :D

تسلم اخوي فوفو ع المرور.. :)

[كاسكوكيه]

يااااسلام موضوع في غاية الروعه وانا دايم اسأل نفسي وش سالفت العصا هذا والصوت ! ! !



ان شاء الله راح اطبقها والكلك( الجهاز ) راح ابحث عنه

ولو تاخذين عصا الذره الطويل اتوقع احلى من المزاز

يعطيك الف عافيه وكلمة شكرا ماتوفي بحقك وننتضر مواضيعك الجديده والناجحه :)


سلام

:D ألحين عرفت وش سالفة العصا؟! .. بصراحه الفكره ابداع.. من جد لمن شفتها قلت وش ذي الخرابيط.. بس لمن جربتها.. طلعت وااااو شويه فيها.. :rolleyes:

بصراحه هالفيديو كان وانا اجرب لأول مره الفكره و الطريقه.. و ان شاء الله بييب ادوات احسن للتدريب.. تسلم اخوي حسام.. :rolleyes:

ماشاء الله , تمكن كبيررر , من مربي خبيرر

من أفضل الطرق لدى الغرب تعليمهم بأسلوب الربط , لكن المهم بالموضوع

والي يدل ع التمكن والخبره , سرعة إستجابه طيرك للتدريب بغض النظر عن ذكاءه هذا يُسجل لك ويدل ع تمكنك الكبير بالتدريب

بجد قليلة كلام لكن فعلك يُعبر عن الكثير من التمكن , ويكفي جهدك بالربط بالنظريات

بارك الله فيك

, فاصله ,

الجنرال للمعلوميه وقت المشاهدة حسبالي طير جالس أدورهـ مكان السهم , ولا أنتبهت لكمة مكيف , فصلتي المخ


لايغرك أبو شهاب وإستعراضه بريشه , المقطع فيه ميزه لشامبيه لو أبو شهاب يصل القمر مايصلها بغض النظر عن مزاجيته وعناده< خارج الموضوع انتبه لها



00000000000

بارك الله فيك ,


أخجلت تواضعي المتواضع.. :o من جد أشكرك من كل قلبي أثلجت صدري بكلامك..

<< خخخخخخخخخ اهم شي جنرال و البلاي ستيشن..

<< حبّيت الاضافه في الرد.. و تحليل استعراض بوشهاب.. :D ..

بس بالعكس.. بوشهاب يا قلبي عليه سريع التعلم.. بس دلّوع.. يفاجئني بتعلمه لكلمات ما تكون تكررت امامه غير مرات قليله و جريء

اما شامبيه.. صح نابغه.. بس ياخذ وقتــــــــــــــه.. :D ,, و مرضي << يرضيني بسرعه.. :rolleyes: لبى قلبه

ربي يسعدك امين... ^_^

[ابو محمــد]

هلا اخوي ابومحمد..
غريبه ما خبرتنا عن الطريقه.. دايمن تكون من السبّاقين..



الطريقه موجوده في مجموعه الرمادي في قسم التدريب اول صفحه ,,

وموثقه في مقطع فيديو وانا من الناس اللي استفاد بشكل كبير ,,

خاصه الطيور الغير اليفه لكن مو كل شيء نقدر نتذكره ونضيفه,,

والا ما كان ابدعتي وشفنا المقاطع الجميله المتعوب عليها,,

اخوك/ابو محمــد

[بدايااتي]

مـا شاء الله
الصـــراحه موضوع جداً جداً رائع وكل ما تعنيه كلمة رائع

وأشكرك أخوي على جهودك لتبرية أفضل
ولا يحرمنا ربي من إبداعاتك

ــتحيااتيــ

[ابو ياسـر]

ما شالله مبدعه كالعاده شكرا لك كاسكوكيه

دمتي وطيورك بود

سي يو,,

[ســـمـــا]

ماشاء الله عليكِ كاسكوكية
دوم تتحفينا بكل مفيد ونافع
تسلم الايادي
تحياتي

[عاشق الطيور a t]

واااااااااااو كاسكوكية موضوع وااااااااايد جميل ربي يسعدك ياانااايس

وبصرااااحة انتي تحفة وتنفيذك تحفة انتي قنبلة مفيدة في قسم الببغااوواات

والبلاي ستيشن خخخخخخخخخخخ انا قاعد اوقف الصورة ابغا اشوووف شنو الشريط

ياناااااااايس مووووووووووضوووووووووع مثلك في قمة الروعة والجمااااااااال

ماقصرتي يانااااااااااااايس




ويسعدك ربي

[الكاكي]

برضه لااحد يسألني ؟؟؟؟؟؟؟؟؟؟؟؟؟؟؟
بصراحه موضوع مميز من شخص مميز بأمانه وبدون مجامله

[mshabandar]

موضوع جميل
بالنسبة للكليكر فانا اشتريته اليوم بعد ما شفت هذا الموضوع
تشتريته من النت بدولار واحد فقط

http://cgi.ebay.com/Dog-Cat-Pet-Clicker-Training-Trainer-Aid-Wrist-Strap_W0QQitemZ260535593609QQcmdZViewItemQQptZPDA_Accessories?hash=item3ca921aa89

[كاسكوكيه]

واااااااااااو كاسكوكية موضوع وااااااااايد جميل ربي يسعدك ياانااايس

وبصرااااحة انتي تحفة وتنفيذك تحفة انتي قنبلة مفيدة في قسم الببغااوواات

والبلاي ستيشن خخخخخخخخخخخ انا قاعد اوقف الصورة ابغا اشوووف شنو الشريط

ياناااااااايس مووووووووووضوووووووووع مثلك في قمة الروعة والجمااااااااال

ماقصرتي يانااااااااااااايس




ويسعدك ربي

تسلم اخوي عاشق الطيور.. :D

اهم شي البلاي ستيشن ههههههههه و الشريط هو Call of Duty 6 :cool:

[كاسكوكيه]

برضه لااحد يسألني ؟؟؟؟؟؟؟؟؟؟؟؟؟؟؟
بصراحه موضوع مميز من شخص مميز بأمانه وبدون مجامله



:88: يعني لاحظت هههههههههه


تسلم.. :)