مسآعده بالنسبه للسآسكو

[ريإن]

بسم الله الرحمن الرحيم ..

آلسلآم عليكم ورحمه الله وبركـآته ...

بصراحه حآب اشكر القائمين على هالمنتدى الاكثر من رائــع بصراحه تابعت المنتدى اكثر من يووم وعجبتني الموآضيع وحسن التعاون والتجاوب ..

إبغى اطرح موضوعي وكلي امل ان تفيدوني ..


طبعا انا لدي ساسكو تقريبآ هو عندي من قرابه الـ 6 شهـور .. وهو صغير بالسن وليس بالكبير اتوقع الان عمره قرابه الـ 10 شهور او 11 او سنه ..

الان بكتب الموضوع وهو جآلس يصفـر ...:D


مشكله الجعير للآن مازالت موجوده برغم كل مااعمله ,, مهئئ له جميع سبل الراحه من الغذاء ونظافه القفص ..

يقوم بالصفيرر ويردد اصوات للحيوان مثل القطط ولكن على شكل صفير دائما مايردد كلمه ولكن غير مفهومه ..


احيان ياكل من ايدي وخصوصا اللوز .. يقوم باخذه ولكن بخوف شديد ..


يقوم بعمل حركات بهلوانيه بالقفص :D ..



فاانا اريد نصحكم بحكايه الجعير والخوف الذي هوا فيه مع اني لا اتعرض له واحاول دائما اتجاهله عشان ياخذ راحته ...

فا أنا خايف ان يظل على هذا الحال فقط يقوم بالصفيررر .. ويخاف من اي شي ..

وشكرا لكم مقدمـآ ..

[xX7oSaMXx]

اخوي مسألت الجعير شي طبيعي


واذا انت تبيها تروح عن الطير يبيلها وقت واذا قربت من الطير ويجعر خلك لا ترجع كأنك ماتسمع شي


هو بيجعر شوي بعدين بيسكت اذا سكت وخر عنه ويمكن يجعر اثناء رجوعك لا يهمك

ودائما كل ماجعر لا ترجع بالعكس اقرب عنده

هو ليه يجعر ؟

على شان يبيك تنزعج من الصوت وتروح عنه وانت خلك كأنك ماتسمعه ابدا

وعلى شوي شوي مع الوقت تخف تخف لييييين ينساها


وحاول انك تأكله من يدك على شان يقل خوفه . يمكن تقولي ماياكل من يدي

انا اقولك شل الاكل عنه مدة 3 ساعات و جب الاكل واكله بيدك يمكن اول شي ياخذها ويرميها

وانت ماعليك كررها عطه وهو بيرمي كم مره لين ياكلها

وان شاء الله راح يخف التجعر عنده

واي شي تبيه احنا في الخدمه وحياك الله عضو جديد معنا نورت ياهلا وسهلا

سلام

[DoVe]

وعليكم السلام ورحمة الله وبركاته

أخوي بالنسبة لطيرك أنت وين حاطه ؟؟
يفضل تحطه بمكان بحيث ما يكون معزول يعني يمرون من عنده الاهل

ويا أخوي لا تتجاهله مره يعني حاول يومياً تشيله على يدك وحاول تحك على راسه

إذا يعض أنا جربتها حط بيدك عسل و أول مره بيعض وبعدين يخفف وخلاص تنتهي المشكلة

حاول تطلعه من القفص يفرفر شوي

ملاحظة : أنا صارت معي هالمشكلة بسبب الأطفال أنتبه من الأطفال
يتجمعون حوله وذا يخوفه وذا يرمي عليه شي وذا يناظر فيه نظرة ثاقبة

ترى مره يصير يخاف

وملاحظة مهمة : إذا شلت الطير ولا قربت منه وكنت متوتر ترى الطير مره يتوتر ويجعر ويمكن يعض وإذا عض لا تعصب وتصيح وخر يدك بهدوء لأن لما تطلع صوت يدري أنه ألمك فيشد زيادة

أتمنى أكون أفدتك

[ريإن]

:(

وحاول انك تأكله من يدك على شان يقل خوفه . يمكن تقولي ماياكل من يدي

انا اقولك شل الاكل عنه مدة 3 ساعات و جب الاكل واكله بيدك يمكن اول شي ياخذها ويرميها

وانت ماعليك كررها عطه وهو بيرمي كم مره لين ياكلها

وان شاء الله راح يخف التجعر عنده

واي شي تبيه احنا في الخدمه وحياك الله عضو جديد معنا نورت ياهلا وسهلا

سلام

عزيزي انا زي ماذكرت فووق انه ياكل من يدي خصوصا اللوز اكتشفت انه يحبه يآخذه مني ولكن بخووف وهو بياخذها يصدرر صوت الجعيرر ونافخ ريشه يبي يضارب ..

ونفس الحكايه مع بذور دوار الشمس ياخذها من ايدي ولكن بخوف .. :(

وتسلم ياغالي على التعليمات والله يبقيك ياعسل ماقصررت ..

[ريإن]

وعليكم السلام ورحمة الله وبركاته

أخوي بالنسبة لطيرك أنت وين حاطه ؟؟
يفضل تحطه بمكان بحيث ما يكون معزول يعني يمرون من عنده الاهل

ويا أخوي لا تتجاهله مره يعني حاول يومياً تشيله على يدك وحاول تحك على راسه

إذا يعض أنا جربتها حط بيدك عسل و أول مره بيعض وبعدين يخفف وخلاص تنتهي المشكلة

حاول تطلعه من القفص يفرفر شوي

ملاحظة : أنا صارت معي هالمشكلة بسبب الأطفال أنتبه من الأطفال
يتجمعون حوله وذا يخوفه وذا يرمي عليه شي وذا يناظر فيه نظرة ثاقبة

ترى مره يصير يخاف

وملاحظة مهمة : إذا شلت الطير ولا قربت منه وكنت متوتر ترى الطير مره يتوتر ويجعر ويمكن يعض وإذا عض لا تعصب وتصيح وخر يدك بهدوء لأن لما تطلع صوت يدري أنه ألمك فيشد زيادة

أتمنى أكون أفدتك

بالنسبه للطير ياغالي بغرفتي .. وبخصوص المكان الغير معزول مااقدر لان عندي بنت وولد اخواني الصغار لا شافهم يجلس يجعرر طبعا انا قريت انه مايحب الاطفال .. احاول اطلعه بالاوقات لما يكونون بالمدرسه ولا نايمين :D

مقدر ياغالي اشيله على يدي ولا احك راسسه معصصي وربي :D اخاف على ايدي انا .. هو للآن مااتروض مااقدر احط يدي يعضها تقريبا عمره حوالي السنه اللحين ومنقاره ما شاء الله شكله مرعب :o


عالعموم يعطيك الف الف عافيه ياعسل على المعلومات

جزاك الله الف خير وربي يوفقك