ابي اشتري ببغاء ابي مساعده الخبراء

[مسافرللجفا]

السلام عليكم ورحمة الله وبركاته
أخواني أعضاء المنتدى الرائع بصراحه ابي فزعتكم انا توني طايح في الطيور وحاب اشتري طير
بس مادري وش تنصحوني فيه لاني بصراحه ماعندي خبره فيها بس عندي شروط طرار ويتشرط خخخ
المهم يكون اليف وشكله حلووو وسعره رخيص يعني من 500 الى 1000 بالكثير لايتعدى تخبرون توني جديد في هاالمور وخايف يصير فيه شي واتحسف
;)
اتمنى اهتمامكم
توني اعرف فيه منتدى للطيور ولله انكم رهيبين

[هاي توز و]

شف احسن شي خذلك فرخ ببغاء غيني

[الله اكبر]

ببغاء سنغالي كبير من 350 الى 500

[ابراهيم فهد]

هذاالمنتدى الشامخ يحفل بفطاحلة الخبرة وتربية الطيور ولن يقصروا في التوجيه تقبل مروري

[xX7oSaMXx]

اخوي اول شي ياليت تحدد ميولك لأي ببغا اذا ماعندك ميول ياليت تروح لليوتيوب وتدور وتشوف او في المنتدى


الطير الي يعجبك يمكن تشتري دره مثلن ويعجبك الافريقي وتتحسف


وقبل لا تشتري اي طير اقر عنه وخل عندك خلفيه ورح لسوق او المحل الي بتشتري منه مرتين الى ثلاث على

شان تتأكد من صحت الطير ( يفضل )

واذا انت تبي ببغا يتكلم عندك الغيني خذلك فرخ وولفه انت لأنه اذا صار فرخ راح يكون سهل تدريبه

ولا تقول للي يبيعك ابي غيني فرخ يمكن يلعب عليك

بحطلك صوره تعلمك عمر الطير الافريقي او الغيني كلها نفس الشي


http://www.2zoo.org/get-1-2010-2zoo_org_u8irqtdz.jpg (http://www.2zoo.org)



شف اول صوره على اليسار هذا فرخ صغير مره وهذا مهدد بالمرض في اي وقت لانه صغير ومناعته ضعييفه


الصوره الثانيه هذا حلو ولسا فرخ تقدر تروضه في يوم يمكن او يومين والصوره الثالثه بعد اذا شفت طير غيني

وعينه مثل كذا خذه لكن اذا هي بيضا انصحك ماتاخذه لأنه بيكون عمره سنه تقريبا وتقدر تروضه لكنه بيتعبك شوي


الفرخ سهل في الترويض والتدريب


وهذي صوره للغيني


http://www.2zoo.org/get-1-2010-2zoo_org_iju0h30s.bmp (http://www.2zoo.org)


واذا تبي تتأكد ان صحته كويسه شف خشم الطير اذا هو مسدود فيه مرض او فيه سائل اتركه


وشف البراز الله يكرمك اذا هو اخضر وفيه بياض خفيف وغير سائل فهذا هو البراز الطبيعي

واذا شفته سائل والطير نافش رايشه ومايتحرك هذا برضو فيه مرض


واذا شفت الطير يتحرك ومانفش ريشه وخشمه مفتوح مع الجهتين ولا فيه سهال ولا شي

فهذا صحته عال العال ان شاء الله ولا تستعجل في اختيارك الصبر زين :)

والله يوفقك بالطير الي تبيه وتميل له


ونصيحتي لك تاخذ الغيني على حسب ميزانيتك طبعا ولو تزودها شوي وتشتري كاسكو افضل


والكاسكو والغيني كلهم يتكلمون بس الكاسكو افضل وهذي صوره له


http://www.2zoo.org/get-1-2010-2zoo_org_i3fsvxq9.bmp (http://www.2zoo.org)


والفرق بين الكاسكو والغيني في الشكل المنقار ولون الذيل والكاسكو احلى شكل


سلام

[طير جارح]

ما قصرو الاخوان لاكن حسب ميزانيتك عندك خيارين يالدرة يالغيني .
الغيني حلو خذ لك فرخ مولف وجاهز يمكن تلقاه 600 الى 800 .
او انك تاخذ وحش فرخ يمكن تلقاه 350 الى 550 .

[صمت الأمل]

شوف هالرابط راح يساعدك على تحديد شخصية الطير اللي يعجبك .


http://www.2zoo.com/vb/showthread.php?t=134561


وبالنسبة لأسعارها أنت حدد اللي تبيه وعلى حسب وضع البيت عندك وماراح نقصر معك إن شاء الله .



http://www.2zoo.org/get-1-2010-2zoo_org_kzfkfrha.gif (http://www.2zoo.org)