مساعده في ترويض ببغاء أفريقي

[#عبدالرحمن#]

بسم الله الرحمن الرحيم

السلام عليكم ورحمة الله وبركاته

كيف حالكم وشخباركم

شباب أنا عندي ييغاء أفريقي

شريته من بعد أجازة عيد الأعضاء بثلاثة أيام تقريبا

شبه أطرم نادر مايطلع أصوت باليوم يطقع مره بعض الأحيان يمر يومين مايطلع شيء

مايطلع على اليد كل ماأجي لمه يحاول يعض جعير ماله جعير هادي

اليوم تهاوشت أنا وياه ابي يطلع على يدي عضضني الين فكيت السقف الشبك وخليته يركب

عليه ورميته بشبكه جابلي المرض أفكر أبيعه مليت منه

هذي صوره لعينه
http://img192.imageshack.us/img192/2899/02022010119.jpg

صور أخرى
http://img138.imageshack.us/img138/8687/02022010100.jpg
http://img694.imageshack.us/img694/3807/02022010109.jpg
http://img35.imageshack.us/img35/9385/30122009066.jpg

اتمنى منكم المساعده

[صمت الأمل]

أخوي أول شيء أنت وش سويت معه بالتدريب ؟؟

ووين موقعه بالبيت .؟؟

ثاني شيء اذا ما عندك أي خبرة بالتدريب في الطيور أو الببغاوات الكبيرة ليش تشتريه ؟؟

لأن هالطيور يبي لها اهتمااام وحب من المربي .. ماينفع تخليه لحاله بالغرفة وتقول يالله اركب وتكلم ..

معليش بس والله حرام لأن صحته ممتازه ماشاء الله وعمره كمان ممتاز ..

لو تشد حيلك معه شوي راح يتدرب معك في أقل من شهر ..

لاتيأس وتقول خلاص طفشت .. هالأمور يبي لها وقت وصبر ..

طيب أنت وش سميته ؟؟ وحاولت تناديه باسمه ؟؟

وفيه عندي طريقة تدريب سهله ونتائجها أكيدة بإذن الله ..

بس قل لي وش سويت التدريب معه ووين مكانه بالبيت ..

وحراااااام حرام انك تلعن .. تعوذ من ابليس ..


http://www.2zoo.org/get-1-2010-2zoo_org_6csktozj.gif (http://www.2zoo.org)

[#عبدالرحمن#]

اخوي
اول أنا مهتم فيه أنضف الشبك حقه كل يومين

أغر الماء حقه كل يوم الشبك جايب له شبك كبير بحيث يقدر ياخذ راحته بالحركه

اوكله بيدي بعض الاحيان

حاطه بصالة البيت عشان يكون قريب منا ماعزلته

اخوي لاتكلم وانت ماتدري عن وضع الطير

الطير مدلع بشكل كبير وهذي صوره لشبك حقه
http://img130.imageshack.us/img130/7024/03022010120.jpg

واحد من اقريبي عنده افريقي يتكلم ويصفر وكل شيء راعيه يحلف انه يمر اسبوع ماغير الماء

يجلس يومين مايوكله

[فوفو_20]

يؤ يؤ يؤ


ليه كذا اخوي عبدالرحمن
معصب و زعلان
ياخوي الموضوع ما يستاهل
وسع صدرك وخلي بالك وسيع
وترى السالفه كلها يبي لها وقت وصبر وتعامل

اخوي عبدالرحمن
تدري ان عندي طير
جنني و عذبني وجاب لي المرض
بس والله مع الصبر و الوقت
اني ما صرت اسمع فيه
انا كنت مثلك بالضبط واسوء منك
بس مع الوقت دربت الطير و كل يوم اقترب منه اكثر واكثر
الين الجعير راح تماما
وباقي هاللحين الطلوع على اليد و التقرب اكثر
والغلط مني انا
لاني خايف من عضته


المهم
اللي ابي اوصله لك اخوي عبدالرحمن
ترى الموضوع ما يستاهل تزعل
وترى هنا فيه اعضاء ما شاء الله عليهم
راح يفيدونك
انت ابدى بالتدريب
واللي ما تعرفه راسل الاعضاء و اسال بالمنتدى
واقرى المواضيع والردود
عشان تستفيد كثقافه ومن ثم للطائر
ولا تيأس

الصبر ثم الصبر ثم الصبر

وراح اعطيك روابط مهمه جداً
وياليت تقراها كامله بصفحاتها الكامله
وتسوي المطلوب فيها


http://www.2zoo.com/vb/group.php?do=discuss&discussionid=247&pp=10
شفت هذا الرابط يعتبر فاتحة خير لك اذا بديت فيه من البدايه
لان اللي ماسك المجموعه الاستاذ ابو محمد
واي شيء ما تعرفه راسل فيه ابو محمد
وصدقني انه ما راح يقصر معاك


http://www.2zoo.com/vb/showthread.php?t=113998



اخوي عبدالرحمن
انت تقول لك صاحب ما يغير مويه للطير ومن هالكلام هذا
وانت وش دخلك فيه
الطير يعتبر واحد من اعز الناس لكـ
وكل واحد يمثل الصاحب اللي معه
اعتبر هالصاحب عنيد ويبي له صبر
وترى على فكره كل الطيور بالبدايه بتتعب معاها
يعني صاحبك تعبك بالبدايه
وانت لو تلاحظ كل اللي معهم بالببغاءات وتساءلهم عن البدايه
بيقول لك والله اننا تعبنا الى ان وصلنا للنتيجه هذي


واكبر دليل انا قدامك
شوفني راح اكمل الشهر
والطير الى هاللحين ما اقدر احطه على يدي
بس ما قلت مثلك اني ايأس
لا والله
جلست اسال واقرى واشوف واستفيد من كل شيء بالمنتدى

اتمنى يا عبدالرحمن لك التوفيق مع الطير
والصبر ثم الصبر ثم الصبر

ســــــي يوووووو


^_^

[houston]

اخوى بارك الله فيك
الببغاء مايوالف من يوم وليله
يبيله مقابل ... ويبيله احد يهتم فيه مو بس شهر اللى على طوووووووول
ومايتكلم اللى اذا سمع وارتاح وقام يتردد الكلام قدامه
ويبيله مدرب يولفه
المنتدى مليان ... تصفح وشف الاعضاء وشلون يعانون من طيورهم بس يستمرون ويولفونها والحين تسوى عندهم كثير ..

اذا انت منت قادر تصبر عليه .. وطفشت بيعه
وبالنسبه لصاحبك
الله يسامحه هذى حيوان ضعيف فى ذمته ويتحاسب عليه بكره قدام رب العالمين

[صمت الأمل]

يؤ طيب ليش معصب ؟؟ روووق أعصابك ..

ماقلت ولا شيء عشان تقول اني تكلمت عن وضع الطير ..

أنا سألتك وين موقعه في البيت ووش سميته.. بس ..

وأنا قلت لك ماشاء الله صحته وعمره روعه وواضح الإهتمام فيه .. وريشه بعد مرتب ونظيف .

يالله ميب مشكله ..


هو يعرفك صح ؟؟ يعني اذا شافك مايجغر عليك ؟؟ أو يجغر بخفيف ..


لاتعطيه الأكل اللي يحبه اذا جغر عليك .. مثل الفول السوداني .


خليه مثل المكافأه له اذا سوى شيء تبيه منه ..


جيب عصا حجمها مناسب وحطها تحت بطنه وعند رجوله .. أول شيء ماراح يفهم وش المطلوب بس دفها على خفيييف لين يركب عليها .. ثم خليه ينزل وعطه الفول السوداني ..

كرر هالطريقة له ليين يصير أول مايشوف العصا يركب عليها تلقائي ..

وطبعا اغريه بالمكافآت ... وناديه بإسمه عشان يعرف انك تقصده ..

بعد يومين حط يدك عنده وفي يدك الثانيه الفول السوداني ... وخليه يشوفها ..

لاتعطيه يدك ... عطه ظهر اليد .. عشان يتذكر العصا .. واذا ركب عليها خليه ينزل وكافأة ..

واذا رفض وعضك لاتصرخ أو تضربه .. ترى ماراح ينساها لك أبدا ..

ابعدها بشويش وبهدوء ...

استمر ليين يصير أول مايشوف يدك راح يركب عليها وخذه في جوله بسييطه في الغرفة .

المرة الثانيه في البيت .

والمرة الثالثه في الحوش .. لين يقتنع انك ماتبغى تأذيه وتبي تصير صديقة .

وطبعا لاتنسى المكافآت ..

ونسيت أقول لك في وقت التدريب اذا كان من النوع اللي ينحاش ويدخل قفصه سكر باب القفص واذا خلصت افتحه .

عشان يطمئن نفسيا ..

أرجو اني ما ثقلت عليك وأعرف ان كلامي طويل شوي بس هذا بيرجع عليك ان شاء الله بالخير اللي تبيه .

وأي اسأله أو استفسار حياك أخوي في أي وقت ..

أختك صمت الأمل .



http://www.2zoo.org/get-1-2010-2zoo_org_cawz36tv.gif (http://www.2zoo.org)

[#عبدالرحمن#]

على كلامك يبي وقت

ليش كل الطرق تقول أسبوع بالكثير شهر ويكون يمشي معك تمام

والحين جاين تقول يبي وقت

انا ماعندي مشكله اصبر الى سنتين قدام

بس مستغرب العالم جالس تنزل طرق وشروحات كله كله اكثر ماتعدى شهر ولا هو صاير اليف والحين انتم

تنكرون هالشيء

أنا ماتكلم عن الكلام أن أتكلم عن التوليف

الاختي صعب تحسبني معذب الطير بالعكس ماعامل الطير من أحسن مايكون

مهتم بصحته أعطيه فيتامينات عشان يكون جسمه وصحته تمام

أعطيه مضاد حيوي من فتره لفتره عشان مايكون عنده أي مرض

[صمت الأمل]

وبالنسبه للي يقرب لك بصراحه أنصحك انك تحاول فيه وتنصحه ..


لأن هالطيور أمانه وحياه ومسؤليه في رقبه المسؤول عنه ..


وممكن بتصرفه هذا يجيب المرض لببغاه ويجي يوم يتحسف ويقول ليتني بس تكلفت 5 دقايق من وقتي عليه ويعيش معي فتره أطول بإذن الله ..


وزي ماقالو لك الإخوان الصبر ثم الصبر ثم الصبر ..


والله يوفقك في ترويضه وتدريبه .


على فكرة ..


فيه أعضاء هنا يسوون ترويض للطيور اذا تبي ..


بس أحسن شيء تروضه بنفسك ..



http://www.2zoo.org/get-1-2010-2zoo_org_8uq7v7r9.gif (http://www.2zoo.org)

[صمت الأمل]

تدري ليش يقولون مرة أسبوع ومرة شهر ؟؟


لأن الطيور مثل الناس ..


بعض الناس يفهمون معادله رياضيات بعد شرحها مرة ماشاء الله ...


وبعض الناس لأ .. يبي وقت أطول ويبي تشرح له قوانين ثانيه ومعادلات ثانيه لين يفهم ..


الببغاوات كذا ..


وطبعا أكيد يعتمد على نوع الشرح للأستاذ ..


اذا شرح صح راح يفهم .. واذا كان أسلوبه غريب أو سريع فراح يستصعب الوضع ..



وأنا بس أشرح لك الوضع .. موب تروح تاخذها اهانه شخصيه ..خخخخ ..



http://www.2zoo.org/get-1-2010-2zoo_org_dmoojjkd.jpg (http://www.2zoo.org)

[صمت الأمل]

ويا أخي أنا ماقلت ولا كلمه عن تعذيبك له ..


أنا قلت لك أنصح اللي يقرب لك .. هو اللي بوضعه حاليا يعتبر تعذيب ..



تخيل ان الأكل مايجيك الا مرة كل يومين !!



والماء والله ماتدري متى آخر مره انغسل الصحن ..



وأنا متأكده انه مستحيل تقارن ببغائك ببغاء صاحبك .. فرق كبير في الصحه والقوة والريش ..



ومتأكده بعد ان ببغاء صاحبك يعاني من الهزال والريش المنتفش شوي وطيحانه ..



الله يعافيك ويجزاك ألف خير على معاملتك الحسنه له ..



وان شاء الله ماراح تضيع عند ربك ..




http://www.2zoo.org/get-1-2010-2zoo_org_d09jrmjv.gif (http://www.2zoo.org)

[فوفو_20]

ههههههههههههههه
ههههههههههه

يا حليلك يا دحووم
والله انك معصب ورايح فيها



اخوي عبدالرحمن
فيه ناس ولفت طيورها بأسبوع وناس بشهر وناس بشهرين
ترى كلها تعتمد على حسب صاحب الطير

انا اعرف واحد من الشباب
يوم درى ان عندي طير
اتصل فيني ويسألني شنو صار وياي مع طيري
وقلت له هاللحين بيكمل شهر وانا ما ركبته على يدي
مات ضحك علي


قال لي انه ولف طيره خلال 9 ايام
بس كان وحش مع الطير
يعني عذبه اللين الطير نزل له وماقدر على صاحبي
وبعدها يقول انه صار الطير تمام التمام
وهذي الطريقه يا اخوي غلط في غلط

الطير يبي له صبر ومثابره
الطير مثل الطفل تربيه انت بكيفك
مالك بكلام الناس
انت خذ التعليمات واجتهد
وصدقني ان حالتك مثل حالتي

كنت انا مثلك معصب واتكلم
بس بعدين كلن ربى الثاني
الطير رباني للصبر
وانا ربيت الطير للواقع اللي هو فيه

دحوومي
الصبر ثم الصبر ثم الصبر

طبعاً هالكلمه حفظتها من الاخت كاسكوكيه يوم قالتها لي
ومن يومها باقيه براسي

[صمت الأمل]

ايه والله صدقت يافوفو ..

وشكلي بأجي بجنب صديقك وأضحك عليك بعد أنا. خخخخ >>> ترى أممممممزح .. لاتصدق ثم تقلب علي بعد ..

هههه..

لا والله الله يعافيك ويخلي لك ببغائك .. والله اني أكرررره طريقة التجويع والتغصيب على الشيء ..

مع انها سرييييعه جدا بس نفسية الببغاء تصير زفت .. أول مايشوفك يقول جانا كومة الأوامر هذا !! وش يبي مني ؟؟


واذا بغيت ياعبد الرحمن أي شيء ثاني اتفضل هنا واسأل.. ان شاء الله نحاول نفيدك .


http://www.2zoo.org/get-1-2010-2zoo_org_dlf0bgr2.gif (http://www.2zoo.org)

[#عبدالرحمن#]

والله انا بحاول معه وأشوف وش يصير

وعلى حسب ما قريت بالمنتدى هنا وبرى المنتدى

ان الطير له عمر معين يكون قابل لتربيه

مابين سنه الى 3 سنوات بعده الطائر مايستقبل وتصعب عملية توليفه وعمر طيري فوق السنه

أنا جلست شهرين وانا أدور لي ببغاء أفريقي يكون نظيف و خالي من الأمراض بالموت حصلته

وشريته غالي 1100 ريال وهو مو يتكلم ولا هو اليف

[صمت الأمل]

شوف هالصورة اللي أنتجها عضو من أعضاء المنتدى اسمه مجرد علامة :


http://www.2zoo.org/get-1-2010-2zoo_org_grtagoyi.bmp (http://www.2zoo.org)


تعلمك عمر الببغاء اللي عندك ..


وترى كل الببغاوات تتعلم الكلام والترويض .. هو بس المشكله كلما كبر عمرها كلما إستصعب ترويضها وتدريبها .


وأعتذر لأني قلت لا تلعن وأنت مالعنت ..

أنت كتبت صورة لعينة .. ولأني كنت في هاليوم شايفة أعضاء يلعنون ..

خخخخخ ..

معليش حقك علي ..


وأتوقع اللي عندك من صورة العين 11_الى سنه ..


http://www.2zoo.org/get-1-2010-2zoo_org_0w437oyg.jpg (http://www.2zoo.org)

[#عبدالرحمن#]

حيـــاك صمت

والله أنا أبصبر عليه وأشوف و ين نوصل معه