تسجيل الدخول

مشاهدة النسخة كاملة : ممكن الطريقه الصحيحه لترويض الأفريقي

#عبدالرحمن#
22-01-2010, 02:03 PM
ممكن الطريقه الصحيحه لترويض الأفريقي


السلام عليكم ورحمة الله وبركاته

كيف الحال

شباب أبي الطريقه الصحيحه لترويض وتوليف الأفريقي

بحثت بالمنتدى حصلت كل واحد جالس يسوي شرح على طير سبق توليفه

كل ماجربت الطرق تروح يدين فيها نبي طريقه صحيحه لتوليف

:(
hassn1402
22-01-2010, 03:58 PM
تفضل هذا ترويض ادا كان الكاسيكو وحش مصيد
يعني جعير وعض وكبير في السن
http://www.2zoo.com/vb/showthread.php?t=100354&highlight=%CA%D1%E6%ED%D6+%C7%E1%C8%C8%DB%C7%C1
#عبدالرحمن#
22-01-2010, 04:49 PM
الطير الي بالفيديو مروض وجاهز
نبي شرح لطير خام ماقد روض قبل
hassn1402
22-01-2010, 05:17 PM
الطير الي بالفيديو مروض وجاهز
نبي شرح لطير خام ماقد روض قبل
لا مو مروض
انت اول ما تشتريه لا تستخدم اي تدريب له
فقط اجلس امام القفص لفترات حتى يتعود عليك وانت اللي تغير الاكل والماء
لمده اسبوعين او ثلاثة او شهر لين يتعود عليك وما يجعر
وهذه الطريقة انا مجربها الى كاسيكوا يعض ويجعر وما يخليك تمسح على راسه
طبعا تاخد هذه فتره اسبوع او اسبوعين بشكل يومي
لكن احذر انه يعضك استخدم القفاز ورجع اصابعك الى ورى الخلف
يعني لا تلبسه كامل وخله يعض لين يمل من العض وانت طبعا مغطيه حتى ما يهرب وامسح على راسه لين حسيت انه هجد من الجعير والعض افتح الغطاء او المنشفه
هو راح يهرب امسكه بنفس الطريقه وعيد الطريقه خمس -عشر- عشرين مره
جننه وهو راح يتعود عليك
بووسلطان
22-01-2010, 05:18 PM
اخوي انصحك تتبع خطوات التدريب اللي في المواضيع المثبتة او المشابهة لها في مواضيع راح تفيدك
لكن ماتستغني طبعا عن استشارات بعض الخبراء في المنتدى والله يوفقك
عآآشق الهآمستر
22-01-2010, 05:22 PM
والله إنك صادق اخوي عبد الرحمن

انا نزلت الببغاء من القفص قلبت القفص وحطيت جلال ثمين نزل وخرت القفص حجرته في الزاوية والله ماطاع إني المسه مايعطيني راسه بس منقاره وله معي اكثر من شهر!

ياخوان ساعدونا مثل هاذي الحالات انا ودي ابيعه على المحلات واشتري واحد محجل!

تعبت معه تعب بس يصفر !

اظاهر إننا نفس الحالة اخوي؟:(:(
hassn1402
22-01-2010, 05:39 PM
انا شخصيا استخدمت الطريقه اللي قلت لكم عنها استمرت معاي اسبوعين جننته كل ما يهرب امسكه بالمنشفه حتى يقتنع انه ما فيه مهرب مني
لين يخف منه العض وخله يعض في القفاز لين يمل
وطبعا استخدمت طريقة اني احط على صبعي عسل ونجحت حتى يترك العض
لكن بعد التروض يعني بعد ما يخف من العض والحين من امد يدي يزل راسه وامسح عليه
انا استخدم قفاز للصقور اشتريته 25 ريال لليد الواحدة للتدريب
#عبدالرحمن#
22-01-2010, 06:05 PM
المشكله أبو سلطان الخبراء ماحولك محد يرد ولا يتفاعل

الخبراء يكتب موضوع جديد أو شرح جديد ولا يرد على مواضيع

يسحب عليك


ملاحظه : طيري ماله جعير مايجعر هادي بس مايبي أحد يلمسه
عآآشق الهآمستر
22-01-2010, 06:13 PM
المشكله أبو سلطان الخبراء ماحولك محد يرد ولا يتفاعل

الخبراء يكتب موضوع جديد أو شرح جديد ولا يرد على مواضيع

يسحب عليك


ملاحظه : طيري ماله جعير مايجعر هادي بس مايبي أحد يلمسه
10000000000000000000000000000000+

الله يعيننا

اخوي وش لون عيونه يعني صفراء وعلى الحواف بني ولا بنية ولا بيضاء؟ ولا سوداء؟؟
انا عيونه
عند البؤبؤ صفراء وعند الحواف بنية؟ وانت؟
the big
22-01-2010, 06:31 PM
وعليكم السلام ورحمه الله وبركاته


اول شئ يجب ان تقص اجنحته لكي لايتأذى عندما يطير


واذا كان طيرك جديد عالبيت خله مرتاح لمدهـ اسبوع


بعد اسبوع قم بتغطيه القفص بالقماش او فوطه بجميع الاتجاهات ماعدا الجهه الاماميه


ودور عن خشبه مناسبه يعني نحيفه وصغيره لكي تلمس الببغاء فيها


وحاول لمس الببغاء بلطف بالخشبه في عنقه وراسه وفي بدايه راح يعضك او يخاف بس استمر


ولاتتوقف والمسه بشكل يومي وحاول ان تلمسه دوم في منطقه الاذن يعني تحت العين لان هناك


منطقه حساسه للببغاء راح تخليه يحس بالاسترخاء وراحه ويهدى


وحاول لمس منقاره بلطف بشكل يومي مع لمس العنق والاذن


ولاتعطيه كثير من الطعام قلل من اطعامه وحاول تقطع تفاحه صغيره جدا وألصقها في طرف


الخشبه ثم تطعمه عن طريق خشبه .,


وحاول ان تاكل امام طيرك تفاح ولا تعطيه اكيد راح يشوفك ويرغب في تناول معك وراح يضطر يقترب


منك وحاول تعطيه شوي


من بعدما يتعود على اللمس حاول ان تقرب يدك من طرف الخشبه وتحاول لمسه بها يعني تخلي


يدك قريب من طرف الي تلمس ببغاء شوي مو كثير حتى مايخاف. لان هالطريقه الببغاء يحسب ان


الخشبه هي يدك الي دوم تلمسه وبعدها تقدر تطلعه برى القفص وتلمسه فيها بالخشبه ثم بيدك


وبأذن الله ماراح يعضك واهم شئ الصبر .,


واقرأ المواضيع المثبته يمكن تفيدك


بالتوفيق


.
hassn1402
22-01-2010, 06:42 PM
المشكله أبو سلطان الخبراء ماحولك محد يرد ولا يتفاعل

الخبراء يكتب موضوع جديد أو شرح جديد ولا يرد على مواضيع

يسحب عليك


ملاحظه : طيري ماله جعير مايجعر هادي بس مايبي أحد يلمسه
هذا اخوي افضل الى التدريب
انت استخدمت طرق الترويض اللي مدكورة في المنتدى او لسه ما سويت شي
انا اللي عندي ما سمعته يجعر الا 4 مرات من اخدته الى يومك لكن ما يرضى احد يلمسه ابدا
يعض على طول المنقار قبل الراس
وقريت اغلب المواضيع المتعلقة بالترويض لقيت اغلبها الى الطير الاليف
طبعا فيه طرق ثانية غير اللي قلت عنها انا لكن تحتاج وقت كبير ويمكن انت تمل قبل الطير
وهذي انا وجدتها افضل طريقة
طبعا انت عليك تسوي تجميع الى الطرق مثلا استعمال العسل غير مذكوره
وانت ما بضحي بصبعك من اجل انه يتذوق طعم العسل هو راح يتذوق طعم الدم اللي بيطلع منك
فانت حاليا اخرجه برى القفص وانقله الى غرفه ثانية يعني ما يكون قدامه القفص
وانت بتشوف احتمال استجابه منه وادا ما لقيت استخدم الطريقة اللي قلت لك عنها الى سكر
راح يستجيب لك على طول واذا بغى يعض خله يعض القفاز مثل ما قلت لك
لانها الطريقة الوحيدة للدفاع عن نفسه وادا لقى انها ما نفعت معاك راح يترك العض
ولا تنسى انك تعطيه مكافاءة الى كل استجابة يسويها لك
اول ما تبدا بمسح الراس بعدين انتقل الى الصعود على اليد
#عبدالرحمن#
22-01-2010, 07:47 PM
هذي صور لطير

هذي صوره لعينه
http://img192.imageshack.us/img192/2899/02022010119.jpg

صور أخرى
http://img138.imageshack.us/img138/8687/02022010100.jpg
http://img694.imageshack.us/img694/3807/02022010109.jpg
http://img35.imageshack.us/img35/9385/30122009066.jpg
ProOoF
22-01-2010, 08:41 PM
أخوي عبدالرحمن ,, ممكن المواضيع المثبته مانفعت معاك , لانها عباره عن تجارب ونجحت

والطرق كثيره ولا تحصى , وممكن انت تنفع معاك طريقه وتطبقها وتكتبها , يعني ماهو شرط تنجح مع الكل ودائما الامر يفرق بين مربي ومربي ولا هو شرط تكون الطريقه ناجحه مع الكل

لذلك خذ لك نظره عامه ع المواضيع وأبدأ انت حاول انك تتخذ أسلوب معاهـ وحاول وبكل هدوء

ويارب تجي معك بنتيجه ,, وإذا مانفع معاك شيء

أنا مستعد تدريب طيرك ومجاني إذا لك رغبه , لكن يضل الانتماء للمربي لذلك انصحك تتعب معاه وبتوصل لنتيجه لانه طير ذكي والله يوفقك

000000000000

وفالك التوفيق
#عبدالرحمن#
22-01-2010, 10:57 PM
أخوي بروف

المشكله الناس جالس تحط تجارب على طيور اليف

الواحد يروح يشري واحد شبع مؤلف متعود على البشر ويجلس يربيه وينزل تجاربه هنا

نبي نشوف لطيور غير اليفه نهائيا مثل الي عندي وعند غيري

عشان نستفيد
ولد ابو متعب
22-01-2010, 11:14 PM
اخوي الصبر وحاول تطلعه على استاند عشان يتعود على المكان الشبك ماينفع ..

الصبرر ثم الصبرر ثم الصبر :)
#عبدالرحمن#
22-01-2010, 11:28 PM
انا افتحه الشبكه وأخليه يطلع

وأنزله بالأرض أخليه يتمشى بالبيت

الإستاند ماعندي إستاند
hassn1402
23-01-2010, 04:16 PM
السالفه اخوي ما يبغليها يوم وليله انا اقولك جلست ادرب فيه اسبوعين ويالله قدرت عليه
طبعا خليته 3 اسابيع حتى يتعود علي بعدين بديت معاه
يعني له الان 3 شهور وكل يوم اعيد له حتى يترك العض نهائيا
هو خف واجد
وانا استعنت ببعض تجارب الاعضاء اللي تقول عنها تجارب الى طيور اليفه
طبعا التجارب موكلها الى طيور اليفه
عآآشق الهآمستر
23-01-2010, 06:31 PM
اخواني

انا

ببغائي

صار يخاف يطلع

كلها من قصة وحدهـ
وهي
كنا معلقين الخشبة وطلع الببغاء ثمين طاح هو وياه من داخل القفص وصار مايرقى فوق ابداً نهائيـاً فاتحين كل شيء مافكر
وإذا طلع قام يرفرف بجنحانه

طريقتي في التدريب:
انا الحين تميت اليوم الثاني وانا احاول وعسى تفيد انزله على الارض ثمين احطيه بزاوية وامسح عليه واقعد معه بس إذا رجع يقعد نايبغآك تلمسه
سؤالي هل طريقتي صحيحة رغم التقدم البسيط جداً وغير الملحوظ
ومشكلته حاليـاً يخاف خوف شديد جداً جداً من الخشب إلي يعلق وللمعلومية قعدت ببيت اقاربي 5 ايام مع طير ثاني كاسكو افريقي وكأنه تغير شوي هل يؤثر عليه هذا؟

تحياتـي لكم
بووسلطان
23-01-2010, 08:07 PM
مثل ماافادوك الاخوان الصبر اصبر عليه شهرين او اكثر انصحك باين من الصور انو طيرك صغير ماهو كبير يعني قابل للترويض باذن الله وانا اكلمك موخبير مرة بالطيور خبرتي متواضعة لكن عندي معلومات بسيطة لكن افيدك بالصبر على الطير وفي بعض الناس من خبراتهم بالطيور يروضون الطيور الغير مروضة في يومين اوثلاثة انا عرفت ناس يروضون بوقت وجيز لكن طرق الترويض غير سليمة تنعكس سلبا على الطير بالمستقبل يعني على سبيل المثال التجويع البعض يجوع الطير عشرين ساعة باليوم او اقل بشوي والبعض يمسكه من رقبته وبالقوة يروضه هذي طرق انا عن نفسي ماأئيدها نهائيا لان بالمستقبل راح يمكن ينتف ريشه الطير ويتجيله حالة نفسيا انا انصحك بالصبر على الطير والجلوس معه وقت كافي باليوم واستفيد من الخبراء اللي بالمنتدى مثل الاخ بومحمد ماراح يقصر لو تستفر منه ان شاء الله يفيدك ببعض الطرق اللي تقدر فيها تروض طيرك انا عن نفسي خبرتي متواضعة
naasooh
23-01-2010, 11:12 PM
شوف المواضيع المثبته
فيها طرق الترويض