المساعد الشخصي الرقمي

مشاهدة النسخة كاملة : سؤالين بخصوص..محل قص جناح الطير + نتف الطير ريشه.

أبو عرب
22-01-2010, 08:18 PM
السلام عليكم ورحمة الله وبركاته
كيف الحال وعساكم في اتم صحة وسلامة

السؤال الاول..:

أسال هل تعرفون محل جيد يقص أجنحة البغبغاء ويحد منقاره في الخبر او الدمام او الظهران..؟؟

السؤال الثاني..:

لاحظت ان الطير بدأ في مشروع نتف ريشه..فكيف امنعه من ذلك..؟؟

وجزاكم الله خيراً
ProOoF
22-01-2010, 08:47 PM
حياك الله اخوي ,, بالنسبه لقص الريش مايحتاج محل ويأخذ مبلغ ع الفاضي تقدر تقص ست ريش من بعد السيوف بالطير وانتهى الامر ويكون القص من منتصف الريش , وفيه مواضيع فيها صور للقص ( إذا حبيت ) .

أما المنقار نصيحة اخ ماانصحك لانه بنسبه كبيرة تكون النتائج سلبيه ع الطير , وبيخاف وعدواني وعن تجربه بأحد طيوري وبيدي انا خسرته المنقار ماله فائده تستاهل القص من وجهة نظري

بالنسبه للنتف هل نتف نفسي او تبديل ريش , لكل حاله جواب

00000000000

بالتوفيق ,
أبو عرب
22-01-2010, 09:48 PM
جزاك الله خير يا اخ برووف..لكني الى الان لم المس الطير ومادربته الى الآن...

وماعندي خبره كافيه في التعامل معه..فأنا ماودي اهده من القفص وابدا تدريبه الابعد قص الجناح..

لاني خايف اذا طلعته من القفص ( للتدريب ) يمكن يطير من هنا و لا يهرب الى هناك..

فالاحوط قص الجناح ثم التدريب..

اذا فكرتي غلط صححولي جزاكم الله خير
ProOoF
22-01-2010, 10:07 PM
تفكيرك صحيح , وممكن انت تقصه عادي , فيه مواضيع فيه صور لوضعيه القص بتحصلها مثبته

كل الي عليك شيله بمنشفه او أي قطعه عندك وافردها وحطه بالنص وغطيه من الطرفين ويكون الذيل بإتجاهك وارفع الغطا لنص جناح الطير والأهم أنتبه من الضغط ع منقطه الصدر وافرد جناحه وثبته بشكل خفيف وخلي الاربع ريش الاولى و قص سته بعدها , وممكن تخلي السيوف فقط الريشتين الاولى مثل ماتحب , الامر بسيط ( واحرص ع عدم الإقتراب من منقار الطير مهما كان حجمه ) ولا أحد يقولك قصه ولا ابرده

وكلنا بخدمتك
kaka99914
22-01-2010, 10:49 PM
************** ... اما بالنسبة لمنقارة فإشتريله مجثم وراح يفيدك ايضاً في اظافره......
********

الرجاء عدم ذكر الأسماء التجارية في المشاركات

حب استطلاع
أبو عرب
23-01-2010, 01:55 PM
جزاكم الله خير..اجدتم وافدتم

لكني الى الآن ما اقتنعت اني اقص جنحانه بنفسي فأذا في احد يعرف بيطري ممتاز في المناطق اللي ذكرتها

عشان يكشف على الطير ويشوف صحته ويقص جناحه (عصفورين بحجر)

ولاتنسون السؤال الثاني

وشكراً...:)
أبو عرب
28-01-2010, 07:01 PM
للرفع

اذا في احد يعرف بيطري او محل جيد في المناطق المذكورة فلا يبخل علي..

وشكرا
حب استطلاع
28-01-2010, 08:18 PM
يغلق ويفاد أخونا بطلبه عن طريق الرسائل الخاصة