اخشى عليه من الموت .................... [الأرشيف]

Exotic

06-11-2006, 10:59 PM

انا توني شاري ببغاء افريقي .
بس فيه بعض الصعوبات تواجهني .
ماله الا يوم عندي .
لاحظت انه يحك منقاره في الاستاند (عمود الخشب )
ولا يطلع صوت ابدا
لكن في الليل صفر .
لكن يوم التالي ما يتكلم وياخذ مني الاكل ويرميه.
ولاياكل الا بس دوار الشمس
بصراحه ؟؟؟؟؟؟؟؟؟؟؟؟؟؟
محتار منه اخف يكون جوعان ويروح فيها .
1) كل اربع ساعات اعطيه اكل و لا على طول اليوم وانا اعطيه، (الخبز زين للببغاء)
2) اخف احط عنده دوار الشمس ياكله كله بعدين(يوجعه)
3 متى يتعود علي واقدر اطلعه من القفص .
4 وش الألعاب الزينه له. هل تكون بلاستيك.
(انا عطيته قطعت بلاستيك وعرمها اخف توجعه)
5 )هل هو يروش نفسه
6في شي نضعه في الماء يعطيه كالسيوم
7 متى ابدا اطلعه من القفص علشا يتمشى في البيت .
(عمر 105 شهور)
انا عارف اني كثرت الاسئله عليكم ارجوكم تتحملوني .
لان هذه التجربه الاولى لي ولاعندي خبره ولا اعرف احد يربي ببغاء.
لانبي خايف عليه يروح مني (يموت)
أو يصير عدواني .
قريت كتاب يقو ل عند قدومه اعطه قطعة خشب.( يخفف الضجر )
كيف تكون قطعة لخشب

Exotic

06-11-2006, 11:06 PM

تكفون ابي حل في اسرع وقت..........................................................................

TIGER

07-11-2006, 12:55 AM

لاعادي حط عنده الاكل حب شمس مع ذره مع سباري مع قطعه تفاح وغير الاكل كل يوم مره في المسا هو يعرف كمية الاكل المناسبه له في نفسه وطبيعي عزيزي الطيور تحك منقارها في الخشب وبتعد عن الالعاب البلاستيكيه وحط افضل منها اكثر من عصا في القفص والترويش مره الى ثلاث مرات في الاسبوع كافيه جدا انت تروشه برشاش المويه كامل جسمه ماعدا الوجه وتبعده عن التكييف وتحطه في الهوا الطلق ينشف نفشه نص ساعه وهذا في الجو المعتدل وفي الشتا افضل عدم ترويشه ون شالله يتعود عليك مع الوقت وشكرا .

عاشق المكاو

07-11-2006, 02:53 AM

إن شاء الله يفيدونك الأخوان مربي الإفريقي لأني بصراحه انا لي تحفظ على هذا النوع من الببغاء فهو حساس جداً لأسهل الضروف وبالتوفيق ان شاء الله ....

fan

07-11-2006, 11:53 AM

السلام
أنا ماعندي خبرة لكن بقولك من تجربتي وانشاءالله أفيدك
عادي لاتخاف عليه مايموت من الجوع هو اذا جوعان بياكل من نفسه
وفي البداية لازم كذا يسوي مايأكل من يدك ولاياكل أي شئ لأنه أول شئ يمكن ماكان متعود ياكل فواكه. عادي انت جوعه 3 او 4 ساعات وحاول تعطيه تفاح أو أي فاكهة واذا كان جوعان بياكلها جرب معاه هذا الشئ يومين أو ثلاثة وفي النهاية بيتعود لكن اذا رفض الأكل اعطيه حب شمسي وفول سوداني يعني لاتحرمه منهم طول اليوم.
بالنسبة للألعاب يفضل وضع الألعاب الخشبية اللي تكون من الخشب أحسن من البلاستيك لأنه اكيد البلاستيك مضر اذا قطعه وأكل شئ منه.
متى يتعود عليك؟ على الأقل يبغي له اسبوعين على مايتعود على أجواء المكان الجديد اللي هو فيه ويتعرف عليك أكثر ويكون مطمئن لك.
بس عادي افتحه له القفص يوميا مدة ساعتين على الأقل علشان يتعود على المكان أكثر ويحس بالأطمئنان ويكتشف المكان بنفسه.
وحاول انك تجلس معاه وتتكلم معاه أكثر وقت تقدره علشان يتعرف عليك بس لاتصرخ عليه حتى اذا عصبك علشان مايخاف منك.
وبالتوفيق

Exotic

07-11-2006, 09:14 PM

مشكور اخوي TIGER و عاشق الماكو و Fan
على الكلام الرائع وريحتوني كثير .................
بس فيه بعض الاسئله عندي
عطيته قطعة بلاستيك قطعها (هل فيه ضرر عليه )
الالعاب الخشبيه كيف يكون شكلها ، وين القاها.
الخبز زين للببغاء..............
ابدا اطلعه من القفص هو ماله عندي غير ثلاث ايام
عفوا اخواني عمره 10 شهور..............
بس ابغاكم تتحملوني ................................

fan

07-11-2006, 10:05 PM

عادي أخوي هذا واجبنا نجاوب وكلنا أخوان نفيد ونستفيد من بعض
عادي اذا قطعها بس البلاستيك مايصير شئ عندي الببغاء أول ماجبتها حطيت لها لعبة فيها شوي بلاستيك وقطعتها وماصار فيها شئ وحتى حق الأكل والماء أكلت وقطعت نصه بس ماصار شئ الحمدلله بس الأفضل عدم وضع البلاستيك.
الألعاب الخشب تلاقيها في أماكن بيع الببغانات والطيور أسأل عنها.
والخبز عادي أعطيها اذا تحبه تاكله.
وأيوا أبدأ وطلعها من القفص حتى لو ماصار له شئ علشان يتعود على المكان أكثر وخله يكتشف المكان بنفسه ويحس بالأمان. مع أنه في ناس كثير يقولو من الأفضل تخليه أول ماتجيبه في القفص مدة أسبوع لكن أنا عندي مايفرق أذكر أول ماأشتريت الببغاء على طول أول ماجبتها ودخلت البيت على طول فتحت لها القفص.

Exotic

08-11-2006, 12:23 AM

مشكور اخوي fan على المعلومات ..............
$طيب اذا طلعت ترجع من نفسها للقفص .
$الاضاءه كيف تكون .
$عادي اعطيها قطع الخشب طبيعي اي اجيبه من الشجره ,
$الكالسيوم اللي ينحط في الماء من وين اجيبه كم مره اعطيه.
$هل فيه فتامينات تنصحني اعطيه الطير.
$وش رايك باسم كاتو للبغاء حقي ..............

اخوك Exotic

fan

08-11-2006, 11:41 AM

العفو أخوي
$طيب اذا طلعت ترجع من نفسها للقفص .أنا اللي كانت عندي ايوا ترجع بنفسها للقفص لكن اللي عندي الحين عنيدة ولازم أنا أشيلها وأرجعها. بس لاتحط لها أكل برة القفص واذا جاعت بترجع بنفسها وحاول انك تقرب القفص منها وبترجع.
$الاضاءه كيف تكون
عادية الأضاءة اللي تكون أنت موجود فيها.
بس في الليل وقت النوم لازم تخليها في مكان مظلم وهادئ.
$عادي اعطيها قطع الخشب طبيعي اي اجيبه من الشجره ,
أي عادي. الأفضل أنك تعطيها خشب طبيعي
$الكالسيوم اللي ينحط في الماء من وين اجيبه كم مره اعطيه
أنا جبته من الصيدلية. واعطيه مرة في الأسبوع
يمكن تلاقيه في محلات بيع الطيور بعد.
$هل فيه فتامينات تنصحني اعطيه الطير
الببغاء اللي عندي بصراحة ماأعطيها فيتامينات الا لما أحس أنها مريضة
واللي موجودة عندي قطرات أحطها في الماء.
$وش رايك باسم كاتو للبغاء حقي ..............
الأسم رأي شخصي .يعني بصراحة لازم أنت تحدده
يكون أسم تحبه وقريب لك فمن الأفضل أن اللي تختار.
واسم كاتو اذا أنت مقتنع فيه (حلو):o
وياليت تحط لنا صور إلى كاتو علشان نشوفه

Exotic

09-11-2006, 01:20 AM

مشكور اخوي fan
لو اعطيه ملاق الخشب الموجوده في المطبخ تنفع له..........
ينفع اروشه وهو يخاف مني حتى لو اسكر الباب يرتاع ( معني اسكره بخفيف)
بس الجو الحين بارد ...................... يعني لازم اروشه..............
( طيب كاتو الببغاء حقي مروض من قبل شخص اخر ) يعني اسهل ولا اصعب علشان يتعود علي ..
ولا حظ ان شفلت المسجل له قام يصفر ويتكلم بالكلامات المتعرف عليها عند صاحبه الاول.
[[طيب شلون انزل صور كاتو ]

اخوك Exotic

fan

09-11-2006, 01:28 PM

السلام أخوي
لو اعطيه ملاق الخشب الموجوده في المطبخ تنفع له..........
أيوا عادي أعطيه المهم شئ خشب.
ينفع اروشه وهو يخاف مني حتى لو اسكر الباب يرتاع ( معني اسكره بخفيف)
بس الجو الحين بارد ...................... يعني لازم اروشه..............أيو ا عادي بس الحين في البرد روشه 3 أيام في الأسبوع مو كل يوم ولازم يكون في مكان دافئ مافيه تكييف ولاتيار هواء. وحتى لو يخاف منك عادي كم يوم ويتعود وحاول أنك تكلمه وأنت تروشه وتصفر له علشان تقلل من خوفه.
( طيب كاتو الببغاء حقي مروض من قبل شخص اخر ) يعني اسهل ولا اصعب علشان يتعود علي
انشاءالله سهل أهم شئ أنه مروض من قبل فبيكون أسهل انشاءالله هو بس يبغي له كم يوم علشان يتعود عليك.
ولا حظ ان شفلت المسجل له قام يصفر ويتكلم بالكلامات المتعرف عليها عند صاحبه الاول.
ماشاء الله كويس خلاص اذا هو ينبسط كذا شغله المسجل مع أنه من الأفضل وضعه في مكان هادئ في البداية.
[[طيب شلون انزل صور كاتو ]أدخل هذا اللنك وراح تستفيد منه أنشاءالله
http://www.2zoo.com/vb/showthread.php?t=11334
ويالله أحنا في انتظار الصور:)

Exotic

11-11-2006, 11:07 PM

بصراحه احس اني غثيتك ..........
بس الى الان وانا خايف منه حتى يوم جيت اغطي القفص علشان البرد قام يخبط في القفص ....
وعليه حركات احيانا يحاول يفتح الباب مدري ليش ............
ويخليني اللمس راسه من وراء القفص واي احد يجه ينزل راسه علشان يلمسه ، بعض الأحيان مايرضى ينزل راسه ،وبعض المرات بس اذا شاف احد نزل راسه (دلخ) .....................
وبصراحه ماعنده العاب و مابعد شريت الستاند ................
بس ياكل من يدي طبعا من وراء القفص..............
نزلت كاتو من ارتفاع 190سم الى اقل من مستوى نظري ...............
احسه انه( اطرم ) قليل الكلام والتصفير ..............
عكس واحد اعرفه مايسكت ابد من بعد صلاة الفجر وانا اسمعه يصفر ويتكلم ....................

وهذي صورة كاتو بس من وراء القفص لاني الي الان مابعد طلعته.....
http://www.9q9q.org/index.php?image=3LRXWtwvSIKh (http://www.9q9q.org/index.php?image=970feBac7)
http://www.9q9q.org/index.php?image=4mscb5MLjvTq (http://www.9q9q.org/index.php?image=VUrYXvnLi)

fan

13-11-2006, 07:24 PM

لأ أخوي عادي لاغثيتني ولاشئ
احنا كلنا أخوان في المنتدى
عادي يمكن لأنه مو متعود أنه يتغطى علشان كذا كان يتحرك في القفص يوم او يومين وبيتعود لنه أريح له واريح لك.
يحاول يفتح الباب لأنه يبغي يطلع من القفص لازم تفتح له خليه يحرك اجنحته على الأقل شوي بس نص ساعة وجعه الى القفص.
وحلو انه يخليك تمسح على راسه هو مابخليك تسوي هذا الشئ الا أنه مطمئن منك. ومعناة انه من يشوف أحد نزل راسه أنه مسكين يبغي أحد يلعب ويتكلم معاه.
لاتقول عنه اطرم لاتحط في بالك هذا الشئ كذه بتتعقد وبتعقده لازم في البداية مايتكلم أنت علمه ودربه علشان يوصل إلى المستوى اللي تبغيه.
والله يوفقك

Exotic

13-11-2006, 08:34 PM

اشكرك اخوي fan,,,,,,,,,,,,,,,
انا ضائع ومحتار مع كاتو .................
شلون العب معه وهو بصارحه (متنح) ويخاف مني كثير وانا اخف يعضني .....................
طلعته من القفص يكون فوق القفص طول ماهو برى يمشي على الجوانب تقريبا ساعه ونصف ثم احط اكل داخل القفص ثم يدخل .................

وانا محتار مع اكله احس انه مايكل زين غير دوار الشمس ...........
الذره تكون مطبوخه ولا غير مطبوخه...............

له تقريبا اسبوع ومابعد روشته ...........(طيب شلون يروش نفسه هل ادخل عنده الماء) ولا ارشه بالرشاش وهو داخل القفص...........
ويوم حسيت ان الجو برد شغلت الدفايه.........
ولا اطلعه من الغرفه ابدا ولا مشيته في البيت حتى الشباك ما افتحه عليه اخاف عليه من البرد ،

متى احس انه يثق فيني ..................
متى ابدء في التعليم ...........

احس اني خلاص تعبت معه ؟؟؟؟؟؟؟؟؟؟؟؟

تفاحه حمرا

14-11-2006, 01:49 AM

ماعندي خبره في الطيوور

بس بعطيك نصيحة

انا لاحظت انك مستعجل فكل شي

انتظر عليه وصدقني بيتعود عليك

انت ماكملت وياه شهر وتعبت منه

اتخيل انت انتقلت لبيت ناس

هل راح تتأقلم معاهم بهالسرعه ؟؟ اكيد لا

اعتبر الطير نفس الشي واصبر عليه

Exotic

14-11-2006, 04:04 PM

اختي تفاحه حمراء .....................
انا مو مستعجل عليه واعر ف انه يبغى صبرررررررررررررر....................
انا خايف عليه لايجيه شي .................
هل هو جوعان ولا مريض( ولا اقدر احط الحبوب على طول لانه ماراح ياكل غيرها مو ماكل الفواكه)........................
[وينتف ريشه من مرض ولا زهقان ولا يبغى ترويش(و شلون اروشه وهو يخاف و الجو برد ) ....................
هل الببفاء الافريقي في هل الفتره يغير ريشه ، وطول الفتره(كم يوم)..........................[/
وينزل راسه ويغمض عيونه ..................................
بس انا ابغى حل لمشاكل كاتو............................
مو مستعجل عليه أبدا.............

fan

17-11-2006, 02:46 PM

لاتخاف أخوي انشاءالله مابيجيه شئ ولابيصير الا كل خير
اي اخوي لاتحط له الحبوب على طول حاول اكثر شئ تحط له الفواكه حتى يضطر ياكلها شوي شوي وبيتعود عليهم لكن لاتجوعه اكثر من 4 ساعات في اليوم يعني اذا مارضى ياكل فواكه أعطيه شوي حب بس وارجع اعطيه فواكه يمكن ياكل.
كيف ينتف ريشه؟ هل هو يحك بس يعني ينظف نفسه؟ أو يقلع ريشه (ينتفه)؟
انا اللي عندي اكثر الوقت بس تحك في ريشها بمنقارها لكن ماتنتفه يمكن تطيح في اليوم ريشتين ثلاث لكن هذا مو معناته تنتف في ريشها شئ طبيعي.
وعادي الحين الجو بدأ يبرد شوي فروشه 3 مرات في الأسبوع بماء دافئ ويكون في مكان دافئ بعد مافيه تيارات هواء حتى لو يخاف لأنه مو متعود مع الأيام بيصير عنده شئ روتيني وطبيعي.
بصراحة ماأدري هل هذي فترة تغيير الريش أو لأ؟ وكم يوم تستمر؟ ماعندي خلفية عن الموضوع ابد انشاءالله الأعضاء اللي عندهم خبرة اكثر مني يساعدوك.
وبالتوفيق لك مع كاتو.

the snipr

17-11-2006, 03:01 PM

tara 3ade o5oi
hathe hei nafs ta9arrofat babba'3ae
la tshel ham

بـــدر

17-11-2006, 03:51 PM

اخي Exotic مثل ماقال لك اخي fan لاتخاف من شيئ طيرك لم يتعود عليك وعلى المكان فقط اصبر عليه هو كل مافي الموضوع
وانا مثل ماقرأت انك تخاف من الطير يعضك راح يروح الخوف منك مع الايام ومعى معاشرتك لطائرك انا كان عندي نفس مشكلتك كنت اخاف من الطير الي عندي من حركاته ومن العض ولاكن الان اختفى الخوف مع التدريب له
ولاتستعجل عليه واتمنى لك التوفيق

Exotic

17-11-2006, 05:21 PM

اشكرم اخواني على تعاونكم معي (و صبركم علي ) .........................
وما زلت اعاني من كاتو.............................
لكن اذا طلع من القفص يطلع فوق القفص في الايام الاولى عادي احطله أكل ويرجع .............
لكن اليوم طلع ( نط) من على الطاوله صار يتجول على الأرض و يتخبى خلف الاشياء الموجوده في الغرفه وكان خايف مني كثيرررررررررررر ، ما دخل القفص الا لما نزلت القفص على الارض ثم رفعت القفص على الطاوله ............
يصلح اروشه بمرش الماء وهو داخل القفص...........
فيه حركه غريبه على كاتو ياخذ ريشه من جناحه يحك به جسمه .....................................
انا عارف اني زودتها شوي عليكم( تحملوني ) ...............................
ممكن ابيعه (لاني فشلت ).........................
معني حبيته كثيررررررررررر ...............

fan

17-11-2006, 06:46 PM

هلا اخوي
ماتعبتنا ولاشئ
شوف اذا طلعته هو من نفسه اذا مل وزهق وجاع بيرجع الى القفص بس خلي القفص قريب منه
وعادي مافيها شئ روشه وهو موجود داخل القفص مايصير شئ
وعلى حركة انه ياخذ ريشه من جسمه ويحك فيها نفسه عادي يمكن هو ينبسط كذا؟ انا اللي عندي تاخذ فول سوداني أو حب وتحك نفسها او تمسح على راسها. بصراحة شكلها يضحك قريب انشاءالله بحط لكم فيديو لها وهي تسوي هذي الحركة.
اذا حبته نصيحة لاتبيعه مع الأيام بتنبسط فيه بس يبغي له شويه صبر الكل يتعب مع الببغاء أول مايشتريه وبعدين اهم شئ النتيجة

Exotic

18-11-2006, 01:17 AM

اشكر جميع الاخوان على تعاونهم معي وخصوصا اخوي fan,,,,,,,,,,,,,,,,,,,,

لكن مازلت خايف عليه( وخايف منه ) لاني كل يوم الاحظ عليه اشياء.................
#اليوم يرتعش مدري وش السبب،(مثل واحد بردان)
هل من الممكن يكون برد (بس انا مدفي الغرفه) ............

# متى يجي الوقت ما يتخبى تحت السرير اذا طلعته من القفص .......... يعني( هل شهر كفايه )

fan

18-11-2006, 07:36 PM

أخوي لاتخاف منه ولاشئ بس خاف عليه شوي علشان ماتتعب كثير
بصراحة انا الببغاء بعد عندي اليوم أول ماجلست الصباح كانت ترجف وقلت أكيد برد مع إنه الغرفة مررررررة دافية لأني من النوع اللي دايم بردانة لكن بس شوي وقفلت النافذة وفتحت لها القفص وتحركت وصارت عادي طبيعية . لكن حاول تدفي الغرفة أكثر شوف هل تتغير أو لأ؟
كم ياخذ له وقت ويبطل يتخبى تحت السرير؟ عادي يمكن شهر شهرين لين مايصير مطمئن تماما منك وبعدين بس تفتحه له بيجي لك أنت انشاءالله

Exotic

19-11-2006, 12:20 PM

الله يعطيك العافيه اخوي fan]

ليش اول ماطلع من القفص صعد فوقه هذا في الاول ثم بعدين نزل وتجول في الغرفه مره وحده ثم اليوم الثاني صعد فوق القفص..........( هذا وش يعني )
لكن وش افضل مكان يكون الببغاء فيه.............
هل وجوده في الغرفه معي فيه تأثير على صحتي يسبب ( أمراض)..............
طبعا له عندي تقريبا 18 يوم ، طلعه في مكان الناس داخله وطالعه عليه...................[/COLOR]

fan

19-11-2006, 11:32 PM

ليش اول ماطلع من القفص صعد فوقه هذا في الاول ثم بعدين نزل وتجول في الغرفه مره وحده ثم اليوم الثاني صعد فوق القفص..........( هذا وش يعني )
مايعني شئ يبغي يتعرف على المكان

لكن وش افضل مكان يكون الببغاء فيه.............
حطه في الصالون يفضل لكن مو في البداية يفضل في البداية يكون في مكان هادئ علشان مايخاف ويتعود على اللي يربيه
هل وجوده في الغرفه معي فيه تأثير على صحتي يسبب ( أمراض)..............
لأ انا حسب ماسمعت أنه مايسبب امراض وبصراحة أنا دايم الببغاء معاي في الغرفة والحمدلله ماصار فيني شئ مع العلم عندي حساسية في الجيوب الأنفية ودايم كنت خايفة ريشها يأثر علي لكن الحمدلل ماصار شئ

طبعا له عندي تقريبا 18 يوم ، طلعه في مكان الناس داخله وطالعه عليه
لأ خليه فترة مايشوفونه الا أهل البيت أحسن.
وبالتوفيق

Exotic

20-11-2006, 12:23 AM

يعطيك العافيه اخوي Fan

بس كيف اعرف انه اخذ كفايته من اكل الفواكه ..............
لاني احس انه مايكل
لانه مايحب البرتقال و الطماطم والموز
وش اعطيه اشياء ممكن يحبها غير دوار الشمس وفول السوداني ..........
والحبوب الاخرى مثل ايش
وفيه اكل خاص للببغاء غير الفواكه والحبوب
عظم الدجاج زين له
دايم يتحكك و يطلع صوت غريب من منقاره كانه يحكهم مع بعض ...............
و مازال يرتعش..............
وشلون اعرف ان فيه اسهال (كيف يكون) اخاف يكون فيه شي وأنا ما ادري عنه واذا جاه كيف اعالجه ...............

والله اني تعبت معه ..................
افكر ابيعه لكن اذا سمعته يتكلم ويصفر اهون على طول ( ولا يصفر الا اذا طلعت) ..............

fan

20-11-2006, 09:20 PM

بالنسبة للأكل
اعطيه اللي يحبه انا مثلا اللي عندي ماتحب الا التفاح والبطيخ الأحمر
وتاكل خبز واحيانا بسكويت. عادي يختلف من ببغاء الى أخرى.
وفي حبوب خاصة بالببغاوات يبيعونها في السوبر ماركت شوف يمكن تحبها الببغاء اللي عندك
وعن حك المنقار اتوقع انها حركه عادية جدا كل الببغانات اشوفهم يسووها
وفي مرة سألت البيطري عنها وقال لي انها طبيعية ومعناتها انه الببغاء مبسوط لكن بصراحة ماأدري اذا هو صادق أو لأ.
عن الأسهال بتشوف انه البراز كله غير مو متماسك بتشوف الله يكرمك ويعزك البراز سائل واحيانا لونه يتغير . والعلاج بس خفف له من الفواكه واذا استمر الى يوم ثاني وديه البيطري.
وبالتوفيق