امزوني انتاج 2005 في مجال يتكلم ؟

[ماوكلي]

شباب الامزوني اللي اشتريته انتاج 2005 ادري كبير وايد

هو من نوع دبل يلو هيد ونص اليف يعني ياكل من اليد ويوقف ع الاستاند ومايعض فهل في مجال يتكلم والا لا مع العلم انا شاريه ب7000 ريال

ومدى قابليته للتعلم ؟؟؟؟

ياريت الاجابه تكون من الخبراء مابي اي حد يجاوب عشان ما تشتت وشاكر للجميع حسن النيه بالمساعده

[الآسطورهـ]

اخوي اكيد له مجال يتكلم ..

اول شي مو شايب عشان مايتعلم ..

وثاني شي انه دبل يلو هيد .. من افضل انواع الببغاوات بالكلام ..

[سماوي الجبه]

اكيد بيتكلم وتقدر اتعلمه وانا مب خبير،، بس لايس معا الحياه،،بس اهم شي الصبر والطرق المناسبه،،

[ماوكلي]

اخواني تكفون انتو متاكدين ؟ لاني قريت ان من بعد عمر3 سنوات الدبل يلو هيد مافي مجال يتكلم تكفون ياجماعه اللي متاكد يقولي والله حاز بخاطري ارجع الطير والطير انا شاريه امس يعني ممكن يوافق راعي المحل ياخذه مني مره ثانيه ارجوكم يالربع ردولي علم قبل لا يكمل الطير اكثر من 3 ايام واللي هو بكرا اخر يوم تكفون والله ماعرف شقول بس هو قالي الطير عمره سنه وثمان اشهر والحجل مكتوب الفين وخمسه وتعرفون نصب البياعه عاد لا تعليق ارجوكم افيدوني

[راينو]

و الله ياخوي ما اقدر افيدك
لو كان اقدر كان علمتك
بس الشكوى لله

[مروض الرمادي]

المزوني الافضل لاكن الا اذا كان فيه شي وانشاء الله يفيدك ابومحمد وسكر هم احد افضل الخبراء

[ماوكلي]

تسلمون جميعا على الرد


اخوي مروض الرمادي اسمحلي يالغلا بس مافهمت قصدك ياريت توضحلي واسمحلي ع الازعاج

[m.n.a.n.g.h]

التدريب مو على الكبر ليه يقولون خذ صغير لنه اسهل تدريب بس كل ماكبر صعب التدريب
بس
((وبالتوفيق))

[ماوكلي]

انا مايهمني التدريب لان غالب وقته يا فالقفص او ع الاستاند انا يهمني الكلام

هو بيتعلم جمل طويله واغاني وحركات والا صعبه عليه ؟

[احساسي غير]

اخوي يعطيك العافيه
اول شي اقدر اقلك بس ياليت تاخذه كلامي من باب النصح لا اكثر
سعر طيرك غالي جدا 7000 ريال وعشان تتاكد من ذلك انك اول ماشريته لايتكم
وحتى لو يتكلم رح يكون كلمات جدا قليله لسوء تربيته وتدريبه على الكلام في فترة
4 او ال 5 سنوات الماضيه
ولو تلاحظ فيه غيره عمره تقريبا سنتين وتحصله يقول جمل وبعض سور القران الكريم القصيره
فاعتقد اخي الكريم اذا انك هاوي تدريب وناوي تشتري طير نصيحه من اخوك
بالسعر هذا اللي قلت عليه تقدر تاخذ كاسكو عمره سنتين وتحصله ماشاءالله تبارك الله
انواع الكلام والجمل وازيدك من الشعر بيت الامزوني لايقلد اصوات مثل الافريقي
الامزوني له صوت واحد فقط وانواع التصفير وعمره مارح يساعدك على تدريبه على الكلام في العمر هذا


ونصيحة اخ اذا هاوي امزوني خذ واحد في عمر السنه الى السنتين بالكثير وتشترط على راعيه
انه يتكلم وبيكون سعره بالكثير اذا كثر 5000 ريال على حسب الكلمات التي يتميز وينطق بها

والله يوفق اخوي والله نصيحة محب لا اكثر ترجع الطير
والرأي الاول والاخير لك
تحياتي

[سكر]

ماوكلي ما دام أخذته ب7000 آلاف أنصحك ترجعه

لما قريت رسالتك في الخاص بصراحة توقعت انك شريته ب5000 آلاف

أما المبلغ اللي دفعته كثير فيه, روح لراعي المحل وانشب له , وتوقع انه في البدايه بيقول لك مافيه ترجيع

لكن خليك مصرر معاه وبتاخذ حقك ربي يوفقك

ملاحظة: السبب في كلامي هو السعر فقط ,, لأنه كثير بصراحة مع عمره, وتقدر تاخذ لك بلو فرونت أو مكاو فرخ وياكل سيرلاك,,

وهو بيتكلم ان شاء الله لكن بعد فترة طويلة وجهد مكثف,, عشان كذا المفروض سعره ينزل مادام عمره حوالي 5 سنوات, إلا إذا كان منتج سابقاً,,


وربي يوفقك

تحياتي

[خيالي]

ماشاءلله الاخوان خبرهـ

عساكم عالقووووه

[دندون]

رده ثم رده ثم رده والله يوفقك مدري وشلون شريته بس اذا مارديته دربه لا تأيس ممكن تتوفق فيه يكفي شكله الجميل والله يوفقك

[kaznofa]

راجع نفسك وانت صاحب القرارا الاول والاخير

الطير الي عندك فصيله ممتازه ولكن اذا على كلامك من انتاج 2007 راح يتعبك في التدريب واحتمال تواجه صعوبه في تلقينه الكلام

نصيحتي رجعه وخذ فلوسك

لانه لو مادربته ولا ضبط معاك الوضع راح تطفش وتعرضه للبيع ووقتها بتشوف تكسير اسعار مو طبيعي

وبتضطر تبيعه بسعر ولاحتى نص قيمه مشتراه

تحياتي

[ماوكلي]

تسلمون اخواني كلكم ع النصيحه

انا رجعت الطير وقلتله ماراح اخذه وقالي بكلم راعي المحل ارجعلك شيكك ونشبتله ساعتيين عنده

وع العموم انا مادفعتله كاش انا دفعتله شيك وان شاء االله يرجعه

[الكوس]

معوض خير يا ماوكلي

بعدين دام انه حدد لك العمر و طلع العمر غير فهذا شي يجبره على انه يرد لك فلوسك و دام انه كذب بالعمر فشي عادي يكذب باشياء ثانيه كصحة الطير مثلاَ

بعدين دام انك دفعت شيك بلغ البنك عن الشيك
في حالة انه اذا ما رضى يرجع الشيك لك يكون بدون فايده حتى لو قدمه للبنك