تسجيل الدخول

مشاهدة النسخة كاملة : المساعدة يا ابو محمد ...

anona
31-01-2010, 01:44 AM
السلام عليكم ورحمة الله وبركاته

اخي الفاضل ابو محمد
انا شريت ببغاء رمادي عمرة خمس شهور مايعض بس عنده جعرة شوي وغير اليف ..
الحين الطير له عندي 3 ايام الحين بدية ادخل يدي القفص وامسح على رجلة واكلمة (اقوله رجلك محبوب واقوله شاطر ) واذا جعراقوله( عيب ) هل هذة الخطوة صحيحة اولا ومارايك وبماذا تنصحني ابدا فية .....؟؟ اتمنى ان كل فترة بعد ما اكتب لك تم التطبيق بنجاح ترشدني للخطوه للي بعده ... واتمنى اني ماثقلة عليك ...........
aloorg
31-01-2010, 04:47 AM
انا بقولك بس ماادريتبي اتكلم ولا لا
اول شي بعد مرور7ايام تشيل صحن الاكل فقط وتاكله بنفسك تشيل الاكل لمدة 3ساعات بعدها تاخذ فصفص وتاكله اول شي يا يعضك في هذه الحال تقوله عيب او ياخذها ويرميها تقوله شاطر وتعطيه الى ان ياكل
في اليوم الثاني تكرر الخطوة وهو خارج القفص وبعدهاتحاول تمسح ع راسه اذا عض عيب واذا خلاك شاطر بس كل ما تبي تمسح عليه تقوله راشك بعدها تحاول تمسك منقارةوتقوله فمك فمك بعدها رفض عيب قبل شاطر بعدها تحاول لرجله والكلام الي قلته صحيح بعدها تحط يدك وتقوله اطلع وتناديه باسمه اذا رفض عيب واذا رضي شاطر ومكافاة
او طريقة ثانية لتمسح ع راسة انك بعد ما اكلته بيدك تمسكة بالمنشفة وتبين راسه هو راح يجعر تقوله عيب وتبدا تحك راسه واذا جا يعض تتجنبه وتقوله عيب وشوي شوي تفك المنشفة وتمسح عرقبته بعدها ظهره بعدها تفتح المنشفة وتبدأ انك تطلعه ع اليد اتمنى اكون افدتك
ومعليش ع الاطالة
ابو محمــد
31-01-2010, 03:22 PM
ممتاز استمر ع هذا المنوال واهتم بالنظافه القفص والاكل الصحي,,

وتابع حلقات شجاااع وراح تستفيد بأذن اللة,,

http://www.2zoo.com/vb/showthread.php?t=139167
anona
31-01-2010, 06:52 PM
شكرا اخي ابو محمد اليوم طيري قمت امسح على صدرة وعلى منقارة وقلة الجعرة50% اثناء التدريب وانشاء الله بكرة نتحول الى لمس الراس..