اسئلة بخصوص فرخ الكاسيكو ( انتاج مزرعة )

[الوسام الذهبي]

السلام عليكم ورحمة الله وبركاته

اليوم وبفضل من الله اشتريت فرخ كاسيكو انتاج مزرعة

ولون العين رمادي غامق جدا يعني توها قالبة للرمادي

الطير ماشاء الله عليه حلو وحركي

طبعا الكل خوفني من فروخ المزارع وقالو انهم يحتاجون عناية خاصة ومناعتهم جدا ضعيفة مقارنة بالطيور البرية

لكن انا حبيت اخذ لي طير هادئ لان كانت لي تجارب مع طيور برية وازعجتني بجعيرها رغم انها كانت مدربة وتصعد على اليد


الآن بالنسبة للأستفسارات شنو العناية الي يحتاجها طير المزرعة

وشنو افضل اكل بالنسبة له في هالسن هل هي الخلطة او حب عباد الشمس فقط بالنسبة للأكل الرئيسي الة دايما متواجد في القفص

وهل من الصحي اني اعطيه تفاح في هذا السن

وعندي بسكوت اطفال كنت شريته للفرخ البري الي قبل وماتقبله وما اكل منه فهل هو جيد بالنسبة لفرخ المزرعة

وفي شغلة ان لون برازه اكرمكم الله بني او بني مايل للأخضر بالنسبة للفرخ السابق تحول لون برازه لهذا اللون لما بدئت اعطيه خلطة وقالو لي اعطيه ففط فواكه وحب عباد الشمس وامنع عنه الفول السوداني منعا باتا وفعلا لما مشيت على هذا النظام الغذائي رجع لون البراز الى الاخضر الفاتح فأرجو النصيحة يا شباب

وهذي صور الطير

اللهم صل على محمد وآل محمد

http://www.2zoo.org/get-2-2010-2zoo_org_u7w29k8w.jpg (http://www.2zoo.org)

http://www.2zoo.org/get-2-2010-2zoo_org_y40jpxpq.jpg (http://www.2zoo.org)












وهذه صورة البراز اكرمكم الله وانا اعتذر لوضعها

http://www.2zoo.org/get-2-2010-2zoo_org_no30f06q.jpg (http://www.2zoo.org)

[love bird]

ماشالله احلى كاسكو شفته فحياتي وراسة دايري وايد حلو........:D:):freind:

[مجنون فلته]

السلام عليكم

اولا مبروك عليك الطير الله يبارك لك فيه

اخوي اعمل مثل الطريقه الي انت سويتها الى طيرك القديم

واعمل له حصانه شهريه في مضاد اسمه POLYEVIT-5IN1 خمس مرات شهريا

ونوع له بالأكل من فواكه وغيرها

وبالتوفيق ان شاء الله

[lll_o]

ماشاء الله تبارك الله و مبروك على الطير

طبعا لون البراز مو طبيعي ما ادري هو من الصورة ولا هو كذا لوونه

الرجل كأنه فاطر عدس من محل فول هههههههههه

انا صراحة ما اقدر افيدك و اعتقد انو تغير لون البراز ممكن من الاكل الانو اول مره اشوف براز لونه زي كذا

و بالنسبه لي الاهتمام و الاكل

كثر له من الفواكه

حاول تخليه يسيب الحب الشمسي شوي شوي و عوده على اكل ثاني زي البيض و في خلطات

ممكن تسويها له و في مواضيع عن الاكل الي تقدر تديه الكاسكو كثير جدا

و ابعد الطير عن الهوا حطه في مكان مافيه تيارات هوائية

و مكان دافي و المويه لاتكون بارده و لو تجيب له فتمينات من البيطري يكون احسن

و اكشف عليه يكون احسن

اتمنى اني افدتك

[سيدالعشق]

بالنسبه للبراز اللون عادي
طبعا اخوي يفضل تأكله اكل متنوع وفيه موضوع هنا خاص عن غذاء اللبغاء
ثالثا اخوي الكريم
اوصيك ثلاث وصايا
الاولى الدفئ
الثانيه الدفئ
الثالثه الدفئ
لازم تدفيه ويكون الجو مايتغير عليه ههالفتره يعني يبيله حر صيف
اكثر شيئ يؤثر على الببغاء هو تغير الجو وبالاخص البارد

[الكاكي]

نوع له بالاكل وراح تتعلق فيه بسرعه بس نصيحه انتبه تراه مناعه ضعيفه وخاصة من البرد
مات عندي هولندي قبل شهر تكفى انتبه

[الكوس]

الدفئ ثم الدفئ ثم الدفئ للفرخ

[خيالي]

ماشاءلله اخوي

الله يبارك لك .. نفس اللي عندي..عذبني بالحب

وجالس احاول انوع له اكل والحمدلله بدأ يتغير

يعطيك العافيه ومبروووووووووووووووووووووووووك

[الوسام الذهبي]

شكرا على الردود الحلوة والمشجعة

وان شاء الله راح اخذ بنصايحكم

[الوسام الذهبي]

سؤال عاجل

الفرخ لما يكون يلعب او قاعد في القفص مايعطس ابدا

لكن لما اطلعه برة القفص طبعا يرفرف بنجاحه لكن كل مايرفرف يعطس عطسات قوية ومستمرة 5 عطسات او اكثر ويسكت ويرفرف مرة ثانية ويعطس مرة ثانية بقوة هل هو شي طبيعي بالنسبة للفرخ لما يرفرف يعطس !!

[lll_o]

اذا كان العطس كثير ممكن يكون تعبان

حاول ما تطلعه من القفص كثير و اذا بتطلعه تطلعه بمكان دافي

و حطله كل يومين بزبدية نص ليمونه مع شوية عسل اعصر الليمون على العسل و قلب

و اديه كل شوي و انشاء الله بيزبط هاذي جربتها مع طيري و الحمد لله حسيت انه ينشط و يصحصح

الانو كان تعبان

تحيياتي

[الوسام الذهبي]

شكرا على الرد اخوي

الطير نشيط ودايما يلعب ما شاء الله عليه

وهذي صور جديدة وارجو منكم مساعدتي في تحديد عمر الطير

وباقي له كم ويعدي المرحلة الخطرة بإذن الله تعالى

بسم الله ماشاء الله

اللهم صل على محمد وآل محمد

http://www.2zoo.org/get-2-2010-2zoo_org_43ag4ukg.jpg (http://www.2zoo.org)

http://www.2zoo.org/get-2-2010-2zoo_org_b9ta58qy.jpg (http://www.2zoo.org)

http://www.2zoo.org/get-2-2010-2zoo_org_60jemru5.jpg (http://www.2zoo.org)

[الوسام الذهبي]

اعذروني اخواني كان ردي الأول على عجل لاني كنت في الدوام فمارديت على كل شخص لحاله

شكرا على الرد الحلو عيونك الحلوة اخوي love bird

شكرا على الرد اخي العزيز مجنون فلته الله يبارك فيك ان شاء الله , ارجو من الله اني اعدي المرحلة الخطرة معاه

شكرا على الرد اخوي lll_o وان شاء الله في يوم اجازتي راح اخذه للبيطري على شان اتأكد من سلامته وحاليا الحمد لله كل شي طبيعي والبراز رجع طبيعي

شكرا على الرد والوصايا اخوي سيدالعشق وابشرك اني طبقتها واليوم رحت شريت لي مدفئة زيت بس على شان خاطر عيونه رغم ان اجو الغرفة كان عادي بالنسبة لي بس حسيته بردان

شكرا اخوي الكاكي وفعلا الكل يقول لي مناعته ضعيفة اضعف من الطيور البرية وانا راح اخذه للبيطري يفحصه بس اخاف من مسألة التطعيم اخاف اهو مافيه شي الحين واستخدم معاه ادوية او تطعيمات ويجيه شي لا سمح الله

شكرا على النصيحة اخوي الكوس وتم التطبيق

شكرا على الرد اخي العزيز خيالي

شكرا لكم جميعا بدون استثناء ماقصرتون

[medozoom]

اخي او ل شي الف الف مبروك عليك الطير والله يعطيك خيره ويكفيك شره

الطير ما شاء حجمه طيب وباين عليه حبوب

بالنسبه للطير اذا كان انتاج مزرعه

اول شي واهم شي اهم اهم اهم اهم شي ..ان الطير ما يتعرض للبرد ابدا ابدا ابدا

خلي البيئه الي يجلس فيها دافيه او جوها عادي لكن ما فيه لا تيارات هواء او بروده

لان مناعته تكون شوي ضعيفه بحكم التغذيه والابر بدايه العمر

يعني مناعه الطير صناعه مو طبيعيه عشان كذا يسمونها صيد وهولندي

ودامك توك شاري الطير اهتم في الطير وراح تلاقي نتيجه اهتمامك لكن اصبر له

بالنسبه للبراز اكرمك الله وكرم القارئين ..ما اقدر افتيك فيه لكن دامه يرجع للون الاخضر يكون من تنويع الاكل

لا تكثر للطير فواكه عشان ما يجيه اسهال

والله يبارك للك في الطير ويحفظه لك

اتمنى اني افدتك ولو بالقليل

اخوك

محمد

[الوسام الذهبي]

شكرا على الرد الرائع اخي محمد

فعلا افدتني كثيرا اخوي

الله يعطيك الف عافية