بغيت مسااااعده بالهمستر

[wild spirit]

مرحبا شبااب و بنات ،، انا محمد من البحرين ،، مربي جميع حيوانات .. ارجو منكم الساعده اليوم .
في السنين الي طافت ربيت الهمستر السوري ، و الحمد لله كلشي كان تمام . و في هذي السنة اخترت تربية الهمستر الروسي ، اشتريت الثلاث الالوان ،، الابيض ، البوني، و الرصاصي ..

عندي نثيتين حمل : شكراً للرب ..

وعندي ذكر واحد مسكين محصل له ضرب من النثيه ،، صار لهم تقريباً شهر حلوين مع بعض ، مرة وحدة انقلبت عليه ،، دبحته من الضرب ... ما عرفت شنو اسوي ، فحبست النثيه عنه ، وجبت له نثيه ثانيه ، و بعد الحاله قائمة ،، يضربونه ،، سو ما حصلت حل لذي المشكله ، نشالله تقدرون تساعدوني فيهة....

[wild spirit]

وين لردووود

وعندي شغله بعد اضافيه : شريت ذكر ثاني بس طلع شوي اصغر من النثيه ،، بعد قتلوه من الضرب
.. هل ممكن يعني او في امل يصيرون معاه اوكيه في المستقبل ؟؟

[Withered Rose]

مرحبا فيك wild spirit في منتديات توزوو .. :)

الذكر الثاني حاول تبيعه أو تشتريله نثيه صغيرة .. مادام النثيتين حمل لأن الأنثى بعد ما تحمل ما تقبل ذكر جديد ..و اذا و أغلب الحوامل في الروسي تضرب الذكر بعد الأيام الأخيرة من الحمل و قليل يعيشون بسلام حاول تعزلهم كل واحد بروح بقفص و للحوامل قفص دور واحد و زيد ارتفاع العجلة ..
و بعد ما يولدون و ينفطمون الصغار ردهم للذكر كل وحده بروح ..
و تأكد كلهم نفس النوع من الروسي ! .. :)

[wild spirit]

ثانكس اختي ،، انا حالياً عندي نثيتين برحم ( كل وحده في قفص ) و ذكرين بعد برحم ( كل ذكر في قفص ) كل ما احاول اجمع بين اثنين ، يتضاربووون ،، واحد من لذكاره صغير ، قلت بخليه للعيال الي بيون في الطريج ،، اما النثيات ، بسوي طريقه نشالله تصلح ،، شي ثاني انا قالو لي انه الهمستر الروسي ما يحتاج اشيل الذكر عن النثيه في الولاده ،، ،، و اذا شلته عنهة و كبرو لعيال ،، و شلت لعيال عن الام ــ تتوقعين النثيه بتقبل بالذكر لو بطقه ؟ الي اضنه انها بتقتله من الضرب هههه ..

[رعوود]

اخوي لا عادي



راح تقبله


حتى لو هي تضربه الحين


انا حصل معي هالشي

[توازن]

انصك انه لو تكرر الضرب اكثر من مرة او 3 مرات انك تفصلهم

انا حصل بين غسق وعتريس مضاربات فصلتهم

وكل يوم اعرضها عليه من وراء القفص يعني تقدر تشمه اذا شفتها طلعت صوت وعصبت ارجعه قفصه الخاص


وسويت كذا اربع مرات كذا بـ4 ايام والخامسه عرضته عليها ما عصبت وحطيته عندها وتزاوجو من هالتزاوج جابولي 8 زي الفل

وفيه طريقة حلوة قالتها وذرد روز وهي انك تحط بينم شبك او او يعني زي القفص بحيث انهم يشمون بعض زين اربع ايام ويرجعون زي الفل

اما اذا كانت حامل فالفصل احسن شي وخصوصا اذا كان الحمل الاول...

والله يوفقك

[wild spirit]

شكراً يا اصدقائي ..

انا بجرب الي قلتونه و نشالله يجيب نتيجه

[wild spirit]

سؤال اخير :: انا قلت لكم عندي روسي اللون الابيض و الرصاصي و البوني ،، هل اقدر اخلط للوان ؟؟؟؟

[Luis]

اذا كان من بين هالألوان انثى ماحملت من قبل تقدر تزوجها مع لون ثاني..:)

والله يوفقك ان شاء الله...بس تأكد من أن الأنواع اللي بتخلطها روسيه اوكي..;)

سلام...

[توازن]

الون ما يطلع مخلط لا يطلع يا كذا يا كذا(يا ابيض او بني او رصاصي....)

اذا كانو روسي اللي ببالي...

[wild spirit]

يعني عادي ازاوج بين الوان مختلفه ؟؟

اكو سويت طريقه ، خليت الي يتهاوشون كلهم في قفص واحد صباحا ليوم ،، و يوم رديت من الجامعه جفتهم كل واحد في زاويه ، خليت لثنين الرصايين في قفص بروحم ، تهاوشو شوي و نامو ،، بجووف من الحين لبكرة شنو بصير نشالله خير ،،، بس للحين خايف اشيل لذكاره عن النثيات الحمل ،، اخاف بعدن ما يتقبلووون لذكاره ،، و اذا شلتهم ، بعدين ارجع الذكر لقفص النثيه لو العكس ؟؟؟

[توازن]

عادي انك تزاوج بين انواع مختلفة ويستحسن بعد

يكون متعه للمربي لما يشوف عنده اشكال والوان ممو كلهم مثل مثل

[wild spirit]

اها ثااانكس ،،، بس ارد اعيد واقوول ،، هل لازم اغير مكان الذكر اذا النثيه مالته حامل ؟؟
لأن الحين اذا خليت نثية او شي جديد في القفص يضربونه ،، اخاف بعدين يصير مثل الشي ،، يعني النثيه ما بتتقبل الذكر ،،،، و شي ثاني اذا باعتهم وكلشي ،، ارجع النثيه لقفص الدكر لو الذكر لقفص النثيه ؟؟؟؟؟؟؟؟ ابي واحد متأكد مو يعتقد ؟؟؟ بليز ماي فرندز

[توازن]

والله ادوختني مو فاهمه!!!!

بس اذا كانت النثيه حامل تشيل الذكر وتحطه بقص ثاني واذا صار عمر العيال 18-21 تشيل العيال عن الام






واذا صار عمر العيال 25 تردها للذكر

اتمنى يكون هذا جواب سؤالك لاني مو فاهمتك..