انا بشتري فرخ افريقي سيريلاك وابكم تفيدوني

[امزوني سعودي]

السلام عليكم
ياشباب وش تنصحوني فيه
يعني وش اوكله
وين احطه فيه
الجو المناسب

[راينو]

والله ما لي علم بفروخ السيريلاك
لكن تنبيه
انتبه تحطه بمكان يجيه برد
لان مناعته ضعيفة يمكن يموت
و ع العموم مبروك مقدما

[كوالا]

والله ياخوي اذا انت اول مره تربي فرخ كاسكو فانصحك توخر عنه

الفرخ ضعيفه مناعته والجو اليومين هذي بارد مره اقل شي على طول مرض ويموت

خذ لك واحد عمره ثمنيه شهور الى سنه يكون قوي ويستحمل

واذا مصمم تشتري هذا فانصحك تحطه عند دفايه وتغطي القفص حقه بطربال وتعطيه فيتامينات ومضادات

تنباع في محلات البيطريه ومحلات الطيور الكبيرة

ولا تعرضه الى اي تيار هوائي ولاتروشه وخليه بغرفه ولاتشغل عليه المكيف

هذي بعض النصائح الي عندي وان شاء الله الاعضاء يفيدوك

[امزوني سعودي]

مشكورين على المرور

[medozoom]

اخوي ما قصروا الاخوان معاك بالرد

سواء اول مره او لا

لو بتاخذ فرخ خذ ..ولكن بشرط الإهتمام ثم الاهتمام ثم الأهتمام

يعني

تعطيه الوجبات السيريلاك دايم في اوقاتها وما تنساه لانه مصدر الطعام هو انت

الطير ما يتعرض للبرد ابدا ابدا ولا لأي تيار هوائي

تخيل انه طفلك لازم يكون جسمه دافي وتحاول تطلعه وتلعبه وولكن برفق عشان لسى عضامه ماهي قويه

وبعد كذا لما يتعدى مرحله الخطر الي هي حوالي 6 إلى 7 اظن شهور ممكن تخلي الطير يعتمد على نفسه وكذلك تبعده عن التيارات الهوائيه

ومثل ما ذكر اخونا فيه شي اسمه طربال وهو غطاء على القفص يحميه من البروده

وتقعد تتكلم معاه راح يحبك الطير ويتعلق فيك

لكن مثل ما ذكرت لك الاهتمام ثم الاهتمام

واعرف انك مسئول امام الله لو اشتريته وما اهتميت فيه

انا ما اعاتب لكن انصح فقط وانت فكر وقرر وش تشتري

ومبرووووووووك مقدما ً
وبشرنا

اخوك

محمد

[امزوني سعودي]

مشكور اخوي محمد على المعلومات

[بندولة حب]

اخوي اختصر على حالك المشوار والتعب الفروخ النوع هذا تموت وماتتحمل جونا وتقلباته

ماعندها مناعه واسأل الاعضاء تقريبا نادر جدا تلقى احد منهم توفق وعاش معه فرخ

واعتذر اذا ماجا كلامي على هواك بس هذا الواقع

[اميرة الطيور]

بالتوفيق خيوهـ

ماقصروا الاعضاء معاكـ

[امزوني سعودي]

مشكورين على الافاده