نصائحكم الشخصية ؟؟

[*حامي الحيوان*]

السلام عليكم

أشلونكم شباب أنشاء الله بألف خير


شباب أنشاء الله عن قريب بشتري حرباء

وأنا شخصيا قرأت جميع المواضيع المثبة ألي تخصها

بس مالي غنى عن معلوماتكم الشخصية

شباب حبيت أنكم تعطوني نصائح بنظركم أنها راح تفيدني بالتربية

يعني حجم القفص وحجم الحرباء نفسها لاني حصلت أحجام مختلفة

وأيهم أفضل الذكر ولا الانثى لاني سمعت أنه الانثى ألطف من الذكر

وفي شيء مهم بالنسبة للرطوبة أقدر أستعمل معاها البخاخ مثل الغوانا


وأي شيء ممكن يفيدني لا تبخلون علي فيه





تحياااااااااااااااااااااااااااااااااااااااااااااااااااااااتي

[مهووس الحيوانات]

وعليكم السلام :) هلا فيك اخوي :)

تربية الحرباء جميلة ولكنها غير مناسبة للمبتدئين أبدًا وغالبًا ماتموت عندهم ، وكذا يكسب المربي إثم لأنه هو المسؤول عنها وما اهتم فيها :(

=-=

وبالنسبة لأسئلتك :

يعني حجم القفص وحجم الحرباء نفسها لاني حصلت أحجام مختلفة

حجم القفص يكون واسع وتقدر الحرباء تتجول فيه ويفضل يكون جدرانه شبك وأضلاعه خشب :)

والحرباء الكبيرة أجمل وتربيتها أسهل وتاكل أقل :) لكنها تحتاج قفص أو حوض كبيير :)

وأيهم أفضل الذكر ولا الانثى لاني سمعت أنه الانثى ألطف من الذكر

الذكر أجمل في الشكل :) وأتوقع انه فعلاً أكثر عدوانية من الأنثى

وفي شيء مهم بالنسبة للرطوبة أقدر أستعمل معاها البخاخ مثل الغوانا

نعم تقدر :)

=-=

وفيه نقاط رئيسية مهمة لازم تنتبه لها :

1- حاليًا لأننا في الشتاء لاتشتري الحرباء وانتظر إلى ان ينتهي الشتاء ، ولو استعجلت وشريتها الحين يمكن تواجه مشاكل .

2- قبل شراء الحرباء لازم توفر كل الي تحتاجه من بيت وغذاء ، والغذاء توفره عن طريق تربية الحشرات الحية لتتكاثر عندك ، وتربيتها لها طرق معينة ولكنها عمومًا سهلة :)

3- لازم تكون حريص وشديد الاهتمام بحرباءتك لأن أي خطأ ممكن يتسبب في موتها ، وأقصد الأخطاء في الأشياء الرئيسية في التربية :)

=-=

وأنا ما أقصد أخوفك ، لكن الي أقصده هو انك لو كنت كسول (مثلي:D) أو مهمل أو تحس انه مالك خلق أو مو فاضي للاهتمام المستمر فالأفضل انك تتركها :)

لكن لو كان عندك همة وشايف انك بتقدر توفرلها الأشياء الي تحتاجها ، ف ترا تربيتها ممتعة جدًّا وأنصحك بتربيتها :)

ولو احتجت أي مساعدة حول : تربية الحرباء - أنواع الحرباء وجنسها - معلومات أخرى ، لاتتردد في السؤال وان شالله بحاول أساعدك قد ما أقدر ، لكن فيه شيء مالي خبرة فيه والي هو الأمراض ^^

وبالتوفيق :)

[*حامي الحيوان*]

مشكوووووووووووووووووووووووووووور حبيب قلبي على الافادة

وما قصرت وحبيت أسألك عن أفضل نوع حرباء بالنسبة لي

لأني قرأت أن خاصية تغيير اللون ليست متوفرة عند جميع أنواع الحرباء

أنما البعض



وألف شكررر,,,




تحيااااااااااااااااااااااااااااااااااااااااااااااااااااااااااتي

[مهووس الحيوانات]

لا هذي أنواع قليلة ، وممكن يكون فيه أنواع تتلون لونين بس (درجات الأخضر - درجات البني) .

وبالنسبة للنوع الي أنصحك فيه :) أنصحك بأشهر نوع والي تربيته أكثر انتشارًا من غيره :)

وهو الحرباء المحجبة ، وتسمى الحرباء اليمنية Veiled chameleon - yemen chameleon

وهذي صورة :

(أنثى)
http://www.learnanimals.com/veiled-chameleon/pictures/veiled-chameleon-04-female.gif

---

(ذكر)
http://static.gotpetsonline.com/pictures-gallery/reptile-pictures-breeders-babies/veiled-chameleon-pictures-breeders-babies/pictures/veiled-chameleon-0001.jpg

=-=

ومثل ماقلتلك أي سؤال لاتتردد ;)

[*حامي الحيوان*]

مشكووووووووووووووووور يا الغالي على الافادة

وأنتظر الاخبار الطيبة

ومعاك حق ما أبي أستعجل وبنتظر الشتاء يخلص

وبالنسبة للأكل أنت عندك حرباء أذا عندك شنو توكلها

لاني ما قدرت أوفر غير الدود والتنويع مطلوب صح




تحيااااااااااااااااااااااااااااااااااااااااااااااااااااااااتي

[مهووس الحيوانات]

أنا طريقتي سيئة في توفير الطعام وهو اني اصيد الحشرات كلما شفت حشرة مناسبة :(

وهذي الطريقة خطأ لأنك مو دايمًا تلاقي حشرات مناسبة .

أو ممكن تلاقي حشرة بس ماتدري يمكن تكون مرشوشة بمبيد .

(الحشرات السامة و الحشرات المرشوشة بمبيد ضارة للحرباء وتتسبب في موتها)

=-=

والدود زين مو مشكلة واصل عليه ولو لقيت أي حشرة مثلاً ذباب كبير أو فراشة أو عثة أو جرادة أو صرصار الليل (مو أي صرصار بس الي يطلع صوت في الليل) تقدر تقدمها كتنويع لكن مو مشكلة اذا مالقيت شي تعطيها دود الين تلاقي شي :)

بس وش نوع الدود الي عندك ؟ لو ماتعرف يليت صورة عالأقل من النت لو ماعندك صورة للي عندك :)

[*حامي الحيوان*]

هلا يا الغالي

بالنسبة لصورتهم هي نفس ألي بموضوع أخونا فهد الخليفة




تحياااااااااااااااااااااااااااااااااااااااااااااااااتي

[مهووس الحيوانات]

مممممممم

بس ذولاك صغاار ، ماتشبع :D

هي مناسبة للحرباوات الصغار والسحالي الصغار والضفادع والسمندرات :)

والحرباء الكبيرة ماتاكلها من لحالها لأنها صغيرة لازم انت تحطها في فمها :)

[*حامي الحيوان*]

أنا عارف والحين أنا بصدد تجربة طريقة لانتاج دودة الارض

وانشاء الله تظبط معاي

وعلى فكرة حصلت واحد عندنا يبيع صرصور الليل

بس مدري أشتريهم ولا لا

[مهووس الحيوانات]

صرصار الليل ممتاز وتقدر تداوم عليه :)

=-=

طيب انت وين ساكن ؟ :)

وكم سعر الحبة من الصراصير ؟ :)

[*حامي الحيوان*]

هلا يا الغالي

حصلت صرصور الليل 15 حبة بــ 12 ريال

[مهووس الحيوانات]

طيب حليو

أنا شفت الحبة بـ10 ويقول عشانك بـ5 !!!!!!!!

إلا إذا كنت فهمته غلط ؟! :confused:

في واحة الحيوان

[*حامي الحيوان*]

هو من ناحية حلو فهو حلو

بس الكمية ألي عندك محدوده يعني اذا خلصوا ألي عندي

بتوهق ألا أذا عرفت أربيهم وأخليهم يتكاثرون






تحيااااااااااااااااااااااااااااااااااااااااااااتي

[مهووس الحيوانات]

آهاا

طيب ليه ماتربيهم :)

تفضل اقرأ هذا الموضوع وبتتسلى ان شالله وتستفيد ;)

الموضوع >> من هناا (http://www.2zoo.com/vb/showthread.php?p=979223) <<

[*حامي الحيوان*]

أها انا قرأت الموضوع من قبل بس مدري حسيت تربيتهم صعبة

يعني تكاثرهم صعب ولا الحفاظ على الصغار أصعب عرفت

عموما أنت ما قصرت يا الغالي والله أنك أفدتني كثييير

وأنشاااء الله ماني ناسيلك هالجمييل






تحيااااااااااااااااااااااااااااااااااااااااااااااااااااااتي

[مهووس الحيوانات]

إذا قصدك العلبة الي تحط فيها الصغار اتوقع مايحتاج

حط الصغار في حوض والكبار في حوض ، وصدقني بتربيتهم بتستغني عن الشراء ويصير عندك كمية فائضة .

بس عمومًا الأمر يرجعلك بكيفك :)

=-=

بس ماقلتلي :) انت وين ساكن ؟

[*حامي الحيوان*]

يعيطك ألف ألف عافية حبيب قلبي



تحيااااااااااااااااااااااااااااااااااااااااااااااااااتي

[*حامي الحيوان*]

أوك أذا السالفة سهلة ممكن أربي


ويا طوييل العمر أنا سكان بالكويت






تحياااااااااااااااااااااااااااااااااااااااااااااتي

[مهووس الحيوانات]

آهاا :)

حسبتك في السعودية لما قلت "ريال" :)

=-=

وبالتوفيق في التربية

[punisher]

موفق انشالله اخوووووي

انا ادعمك و اقولك توكل على الله و رب هذا الزاحف الممتع

و اتمنى انك تهتم فيه و تعطيه كل العناية

و اكيد انت تعرف اساسيات تربية الحرباء لكن دام انك طلبت معلومات (((غالي و الطلب رخيص يا الحبيب))

اذا الشمس مو متوفر للحربة فأنك ستحتاج اضائة اليوفي لتوفير الاشعة المطلوبة

و اخووي احنا بالكويت الله ما كثر الفراش بالمخيمات...... روح اطلع مخيم و روح يم لمبة النيون و اخذ لك فوق الخمسين فراشة و ارجع فيهم الديرة و عطها الحربة

و بعد في حركة انك تفتح اضائة النيون و تخلي الفراش و الحشرات يتجمعووون عليها و انت عاد اختار اللي تبيه D:D:

و بالنسبة للقفص .....تقدر تضيف زوايد لتدليل الحرباء...مثل غصن الشجر...و يكون متفرع منه غصون...و تأكد انه يكون لطيف و مو جارج
و اقتراحاتي بنوع الحرباء
عندك الحرباء الشائعة جميلة و غيرها من انواع

و انت من وين بتشتريها من سوق الحمام ؟؟؟؟

لو سمحت اخووي بغيتك تكلمني بالخاص...لأني انا بعد راح اشتري اغوانا بعد اسبوع تقريبا




موفق و اتمنى انك استفد




شكرررررررررررررررررررررررررررررررررررررررررررررررررررررررررررررررررررررررررررررررررررررررررررررررررررا

[مهووس الحيوانات]

انا عندي الحرباء الشائعة :)

بس لو تاخذ نصيحتي انا انصحك بالمحجبة Veiled chameleon chamaeleo calyptratus

[*حامي الحيوان*]

مشكووووووووووووووووووووووورين شباب على النصائح

ويعطيكم ألف عافية

وأنشاء الله بشتريها بس بنتظر الشتاء ينتهي




تحيااااااااااااااااااااااااااااااااااااااااااااااااااااااااااااتي

[punisher]

موفق

عندك يوم الجمعة 3 بسطات يبيعون اغوانات و حربات....

و عندهم احجام لكن اعتقد انهم نفس النوع....

و بالأحجام الاسعار تفرق طبعا




موفق




شكرررررررررررررررررررررررررررررررررررررررررررررررررررررررررررررا

[مهووس الحيوانات]

عن اذنك يا صاحب الموضوع حامي

=-=

بنيشر وين البسطات هذي ؟

وشكرًا

[*حامي الحيوان*]

أخوي مهووس

هو يتكلم عن البسطات ألي بالكويت بسوق الحمام

وأنتوا بالشرقية أعتقد عندكم سوق الجمعة أو سوق الطيور

المهم أنه فيه حيوانات

وأذا على نبي نعتمد على البسطات ما شفنا خير

لانهم من وقت لين وقت تحصلهم مو متوفرين بكل الاوقات





تحياااااااااااااااااااااااااااااااااااااااااااااااتي

[مهووس الحيوانات]

آهاا

أنا عارف الفكرة بس مادريت ان هالبسطات عندكم :)