استفسارات عن صغار الفيشر

[عشق طفولي]

بسمه تعالى ,,

السلام عليكم ورحمـة الله وبركآته ..

رح أحط استفسارات واتمنى منكم أنكم تساعدوني :shy:

من كم يوم أو بالآحرى ليلة الثلاثاء هذا الأسبوع صآر عندي طيرين فيشر :D

كانوا عند اخوي بالمزرعه ( الأم أنجبت خمس بيضآت وافقسوا ، بس ما كانت ترضى أنها تآكلهم :( ، وماتوا ثلاثه وبقوا ثنين وجابوهم لي اربيهم )


واحد لونه " رصاصي ، وفيه ريش شوي "

والثآني لونه " لونه اصفر وَ الجلد يبين كله وفيه كم ريشه ، ينعدون على الأصابع " :D

يعني الرصاصي أكبر من الأصفر ..

بس ما ادري متى فقسوا وكم عمرهم لانهم صغار حيل :(

والأكل اللي اعطيهم اياه حالياً " سيريلاك " :rolleyes:

فـ اسئلتي كالتآلي :confused:

* كم يوم أو اسبوع يبي لهم عشآن يكمل ريشهم ؟ ا
و يطلع أكثر من أني اشوف جلد قدامي ؟ :D :(


* متى أقدر آكلهم بالأكل المعتآد اللي ياكلونه طيور الفيشر ؟ وأترك السيريلاك ؟
وشسمه صار لي اول يوم السيريلاك شوي خشن
وباليوم الثآني صاير فيه كثير مآي " وقالوا ما ينفع " ؟ :confused:
وش الحل ؟ :confused:

* وهل هنآلك بديل غير السيريلاك ؟
لآني أحس بيخلص الأكل على يد أخواني :D

* المفروض في اليوم كم وجيه يآكلون ؟
أو يعني كم ساعه باليوم ؟ :(
لآنهم متعبين كل ساعه او نصف ساعه اعطيهم أكل
والصغير دايم ييآكل وما يشبع " لآ اعطيه عين " ما شاء الله عليه :(
وكل ما ااكلهم يصارخون ما يمدي :(


* وهل صحيح ما ينفع أعطيهم أكلهم من جهة اليمين ؟ على العلم أني أاكلهم بالأبره ؟ :(
دايم يجننوني وأأكلهم من جهة اليسار واخاف اغلط يوم ويموتون بسببي :eek:

( ما عندي خبره في هالطيور ابد ابد ابد ) :64:

وآخر شيء اشوف أن الرصاصي يعض ويكفخ الاصفر ؟ وش السبب :confused: أو بس أنهم يلعبون ؟ :confused:

افيدوني يرحمكم الله :(

واذا جاء سؤال بعد وكنت ناسيته برجع اكتب :p

[LiLi]

عليك بتدفئة الطيور جيدا خاصة هالأيام الجو مرة بارد و مرة ما ينعرف له

وقتي تأكيل الفروخ بساعات معينة أريح لك

مثلا .. تكفي ثلاث وجبات .. الصباح - الظهر - الليل

بشرط طبعا أنك تأكليهم زين ما زين حتى لو رفضوا الطعام

و راح تعرفين هم محتاجين أو لا .. من خلال حوصلتهم

لا تخلي السيريلاك يكون خشن .. حتى لو في بداية خلطك السيريلاك بالماء

راح تلاحظي صار سائل لكن لو تركتيه أشوية بتشوفي أنه صار أغلط

و كل ما كبرت الطيور خلي الأكل يكون أثقل بتقليل الماء

هناك طعام خاص للفروخ غير السيريلاك تحصلينه في محلات الطيور

لو حطيتي صور الفروخ ممكن أفيدك بعمرهم .. و أقول لك متى ينفطموا

بالنسبة لجهة إطعامهم بالإبرة و هذه نقطة جدا مهمة

و الطريقة الصحيحة هي ..

يتم إدخال الابرة من الناحية اليسرى لفم الفرخ بحيث تدفع الطعام ناحية اليمين

لانه لو حدث العكس راح يدخل الطعام لجهاز التنفس و يموت الفرخ لا سمح الله

و أي سؤال في الخدمة و موفقة و هذه تجربة جدا راااااااائعة

[سويت هارت]

الاخت LiLi

ما قصرت معاك كفت و وفت كثير ..

[عشق طفولي]

,,

مشكوره أخت LiLi

أفدتيني كثيراً ,‘

وبالنسبه للآكل :

أتبعت مثل ما قلتِ وخليت الطعآم السيريلاك سآئل واشوى من أن يكون خشن بالمره ..

بس أني اعطيهم ثلاث وجبآت باليوم ما ادري :(
أحس صعبه ورح يجوعون أكثر ، لآني ما ادري حوصلتهم مره تنتفتخ وباقي شوي وتنفجر
ومره أصلاً ما تبآن

ومن شويات أكلتهم نص الأبره قلت عشآن لا يجوعون وبس غطيتهم رجعوا يصارخون ! ؟ :(

فـ هل ينفع أخليهم كل سآعتين مثلاً ؟ لآني بالضبط ما اعرف اقدر اذا شبعوا او لآء
ومثل ما قلت ما عندي خبره في الفيشر

وهذي صورتين .. بس ماهب واضحين " لكثرة تحركهم "

****************

هذا الصغير :

http://dc07.arabsh.com/i/01114/d66ha8ti3lti.JPG (http://arabsh.com)

هذا الأكبر :

http://dc07.arabsh.com/i/01114/e4c4fu66qltp.JPG (http://arabsh.com)

صوره جمآعيه : :D

http://dc07.arabsh.com/i/01114/n1a1osxk4i8q.JPG (http://arabsh.com)


وأعذريني على رذاة التصوير :(
+
الصور كبىرهـ ..

**********

ولكِ خآلص تحيآتي وشكري ;)

[LiLi]

عمر الفروخ تقريبا أسبوعين و الكبير داخل على الثالث

و راح تحتاجين تأكليهم لمدة لا تقل عن أسبوعين و نصف

فـ هل ينفع أخليهم كل سآعتين مثلاً ؟ لآني بالضبط ما اعرف اقدر اذا شبعوا او لآء
ومثل ما قلت ما عندي خبره في الفيشر



مو مشكلة .. و طبعا هذا يعتمد على حسب كمية الطعام و حجم الابرة

بس بما إنك راح تاكليهم كل ساعتين بتكوني متابعتنهم أول بأول

[عشق طفولي]

عزيزتي أشكركِ كثيراً على مسآعدتكِ لي ..

ولكن أعذريني على ردي هنآ ..

لآن الرسآله لا تعمل لدي الا بوصول الـ خمسين
وحتى رسآئل الزوار !

وأعذريني كثيراً .. ولكننـي أحببتُ مسآعدتكِ لي كثيراً

والآن ما العمل !؟

[MR.coOol]

لا تخافين اختي انشالله يكبرون وتستانسين فيهم ..

بس اهم شي لا تحطينهم في مكان باارد وحاولي تفدينهم قد ماتتقدرين لان اهما حساسين للبرد على اقل شي ..

واهم شي لا تخلينهم جوعانين لفتره طويله ..


انا بالنسبة لي

اطعمهم من اقوم حق صلاه الفجر .. وساعات اخلي ابوي يعطيهم اذا انا محد ..

واعظيهم الظهر والمغرب وقبل مانام

يعني صارو اربع مرات ..

[baday33]

عزيزتي أشكركِ كثيراً على مسآعدتكِ له