مهم جدا جدا للخبراء بالكاسكو .. [الأرشيف]

سويت هارت

10-02-2010, 09:25 PM

انا شريت لي فرخ كاسكو صغير بالعمر بعده ينغر ..

وياليت إلي عنده خبره يساعدني ..

اليوم الاول أكل معاي عادي ..

واليوم كل ما أأكلته استفرغ كل حاجه ..

شو برايكم اعطيه ..

عندي مضاد بودرة ..

اعطيه و كم الكميه ..

وهل في بديل لأنه عمره شهر و نص تقريبا ..

ياليت إلي عنده إي معلومه لا يبخل علي فيها ..

وهل صحيح السيريلاك يسبب حساسيه للكاسكو ..

وايش ممكن اعطيه بداله ..

لأنها اول مره اربي فرخ كاسكو ..

وقد ربيت فروخ قبله من انواع كثيره ...:shy:

mr . bahman

10-02-2010, 09:52 PM

امكن أكلته زيادة عن حاجته

أو كان الأكل بارد عليه

فارس مجهول

10-02-2010, 09:57 PM

من كلامك انه لسا عمره في حدوده الشهر والنصف وهالعمر مرحله خطره

بالنسبه للاستفراغ هل الطير برازه فيه تغير او معاه افرازات من الانف او خمول في الحركه

السيرلاك مايسبب حساسيه للطير وانا ربيت اكثر من فرخ وعطيتهم سيرلاك

وأخرهم فرخ كاسيكو , ان شاء الله طيرك بخير بس ياليت تجاوبين على الاستفسارات اللي ذكرتها , اهم حاجه تدفينه في هالفتره

سويت هارت

10-02-2010, 09:58 PM

لا ما أكلته زياده ..

والاكل دائما دافي ..

وهذي معلومات دائما اتبعها ..

وبالعاده الطيور اللي تنغر تستفرغ الزائد ..

ولكن فرخي يستفرغ كل الاكل ..

انا اتوقع بسبب تغير الجووو ..

لأنه جاني من الرياض للشرقيه ..

على انه كنت منتبه له كثير ..

ياليت تفيدوني أكثر ..

سويت هارت

10-02-2010, 10:04 PM

:(

من كلامك انه لسا عمره في حدوده الشهر والنصف وهالعمر مرحله خطره

بالنسبه للاستفراغ هل الطير برازه فيه تغير او معاه افرازات من الانف او خمول في الحركه

السيرلاك مايسبب حساسيه للطير وانا ربيت اكثر من فرخ وعطيتهم سيرلاك

وأخرهم فرخ كاسيكو , ان شاء الله طيرك بخير بس ياليت تجاوبين على الاستفسارات اللي ذكرتها , اهم حاجه تدفينه في هالفتره

لا برازه عادي وهذا مريحني ..

ولا معاه افرازات ..

خمول ايه معاه بس اتوقع بحكم اني مغطيته داااايم ..

بس لو كلمته يبدء يصدر اصوات ..

واذا جلس بحضني يرجف و ينفش ريشه ..

وانا اغلب إلي ربيتهم بالسيريلاك ...

ولكن كثير قالوا لي اجيب له خضر من جزر و ذره و بازلا واسلقهم له و اعطيه ..

انت شو رايك ..

لأنه انا كنت اعطي طيوري فواكه مهروسه و خضر و رز ابيض ..

انتظر ردك ..:(

فارس مجهول

10-02-2010, 10:16 PM

افضل انك تستمرين على السيرلاك ومن كلامك ان الطير صحته تمام ماعدى الاستفراغ

اذا ماتكرر هالشي فالحمدلله , وبالنسبه للمضاد يفضل اي طير جديد تشترينه

انه ياخذه لمدة اسبوع او خمس ايام تحصين للطير نفسه لانك ماتعرفين الطير

هذا وش كان وضعه ومن وين جاي ولاسمح الله يكون حامل مرض فيه مضاد خفيف

نصحوني فيه بعض الشباب اسمه تورمسين اذا بغيتي تعطينه راس عود كبريت كميه بسيطه

وتحطينها مع السيرلاك , والله يخليه لك ويحفظه واكرر دفي الطير عن البرد وخصوصا تيارات الهواء ..

ملاحظه ,الطيور الصغيره اغلب وقتها تنام تاكل وتنام فيعني لاتخافين هذا طبيعي كل الفروخ اذا ماصاحب هالخمول احد اعرض الامراض..

سويت هارت

10-02-2010, 10:27 PM

ملاحظه ,الطيور الصغيره اغلب وقتها تنام تاكل وتنام فيعني لاتخافين هذا طبيعي كل الفروخ اذا ماصاحب هالخمول احد اعرض الامراض..

*******************************************************

صدقني انا عارفه هالامر ..

لكن كم مره في اليوم أعطيه المضاد ..

واستفراغه تكرر لين الحين 3 مرات ..

والاخص كل ما أأكلته ..

وللمعلوميه صاحب الطير معطيه قبل لا يجيبه لي مضاد حيوي ..

وكان يأكله خلطة خاااصه ..

مستوردها ..

فهل تتوقع تغير الاكل ..

؟؟؟؟؟؟

تعبتك معاي ..

فارس مجهول

10-02-2010, 10:47 PM

ممكن تغير الاكل بس ماتوقع , واذا استمر الوضع والاستفراغ

الافضل توديه لبيطري , لانه لاسمح الله ممكن يتطور , بس هل استفراغه

مباشره بعد الاكل ؟

سويت هارت

10-02-2010, 10:55 PM

يفصله خمس دقايق تقريبا

عسولي

10-02-2010, 11:04 PM

الله يبارك لك في طيرك

ممكن يكون تغير الاكل هو سبب

بس ياليت تقولي مقدار الاكل الي تعطيه ايه

وفي طريقة للاكل بعطيك ايه تخلطي سليلكـ وفي خلطة معروفة بالسوق تبيع بالوزن لونها اصفر وفيها حبات سودا

صفي الاسود وخلطيها مع السليلك وبتكون افر لك ماديا وميزتها مفيده للفرخ

ولاتنسي التدفئه

سويت هارت

10-02-2010, 11:12 PM

ياليت تقلي و ين الاقي الخلطه بأي محل وايش اسمها ..

وانا اعطيه 10 مل ..

بعد الاستفراغ و قبل 15 20 مل

ويسلمووو

عسولي

10-02-2010, 11:32 PM

ياليت تقلي و ين الاقي الخلطه بأي محل وايش اسمها ..

وانا اعطيه 10 مل ..

بعد الاستفراغ و قبل 15 20 مل

ويسلمووو

غريبه بس احتمال تختلف الحويصلات من طير الى اخر

انا كنت اعطيه بالعمر هذا 25 مل

وبعد 3 شهور 35 الى 40

والخلطة عادية معروفة لجميع الطيور اذا كان تحتفهم فروخ وانا حاليا اعطيه الروز وشوفها مفيده له اكثر

بخصوص فرخك اهم شي تحطيه في كرتون وفيه نشارة خشب ويكون المحل دافئ

شاهيـن

10-02-2010, 11:59 PM

الاستفراغ له أسباب كثيرة واذا استبعدنا أنها مرضية لا سمح الله تكون من الغذاء المقدم للطائر الصغير مثلا درجة حرارة الغذاء, زيادة البروتينات أو الفيتامينات في الغذاء أو تغيير في نوع الأكل وأنا حصلت معي في فرخ درة نيبالية غيرت له الأكل من طعام الفروخ المرسوم عليه كاسكو إلى سريلاك الأطفال ما تقبله و استفرغ و ما أكل يوم كامل إلا بالغصب و لما رجعت للنوع القديم أكل طبيعي.

سويت هارت

11-02-2010, 12:12 AM

الحين الطير معاه اسهال ..

تو أكلته و استفرغ كل حاجه..

من جد خايفه عليه ..

سكر

11-02-2010, 02:04 AM

لا حول ولا قوة إلا بالله

الله يحمي طيرك

العمر حساس جداً صغير ,,

ما ينفع انك تعطيه سيرلاك في هذي المرحلة المبكرة,,

لأن السيرلاك يحتوي على عناصر,, صعبة الهظم للفروخ في هذا العمر

وأكثرها صعوبة الحليب,,

أنصحك تدوري على الخلطات الخاصة ,, انا ما أدري من فين تلاقينها,, لكن دوري,,

حالياً على بال ما تلاقي الخلطة الخاصة,, بإمكانك تطحني (حمص) اللي تلاقيه في محلات المكسرات

بشرط يكون غير محتوي على أي مواد اضافيه أو محسنة,,

يعني الحمص المعد للإستخدام البشري,,

وتخلطي معاه شوي موية,, وتعطيه جرعة بسيطة جداً,,

يعني لقيمات فقط,, كإختبار,, لحد ما يستطعمه ويستوعبه

ممكن ما يستفرغه,, لكن يمكن ما يرغب في المزيد بسبب اختلاف الطعم,,

تقدري تضيفي عليه قليل جداً من العسل,, فقط لتغيير الطعم واستساغته,,

هذا جانب,,

الجانب الثاني,, انك ترفعي شبك أرضية القفص,,

لأنه احتمال يلعب في مخلفاته بمنقاره,, وهذا طبع الفروخ,, مما يؤثر عليه بشكل سلبي

أتمنى أكون أفدتك

وأسأل الله ما يوريك مكروه فيه

تحياتي

راينو

11-02-2010, 02:40 AM

والله لو كنت اقدر افيدك لا افدتك
لكن ما لي الا اني اقولك
الله يكون بعونك و ان شاء الله تشوفينه باحسن حال

كوالا

11-02-2010, 06:31 AM

طيب يمكن من ااكل الزايد يرجع الاكل

قللي الكميه حطي قليل مرررره وانتظر وقت شوفي يرجعه ولالا

على الاقل يستفيد من قليل ولا يرجع الاكل كله ومايستفيد شي

سويت هارت

13-02-2010, 03:44 AM

اخوي سكر اشكر لك مرورك ..

الطير اتوقع انه ماخذ برد ..

وعمر الطير للمعلوميه فقط بشهر ..

ألطير لم يكتمل نمو الريش بعد ..

الطير انا حاطته بقفص خاص للهامستر لكن استخدمه للفروخ ..

وبالقاعده نشارة خشب ..

ولاحظت على الطير قبل شوي افرازات انفيه ..

واخوي سكر دورت كثير على الاكل الخاص وطلبته طلبيه والحمد لله وصلني اليوم ..

وانا ما استخدمت الحمص ,,

استخدمت البطاطا المسلوقه كوجبه له ..

ولكن الاستفراغ خف قليلا ..

وهو نافش الريش و طول الوقت ناااايم ..

ياليت منكم النصيحه ؟؟؟

ابوومحمد

13-02-2010, 03:57 AM

الله يشفيه

فسه موضوع عن الثوم والليمون بس ياليت الخبراء يفيدونا لانه فرخ

هاوي مزاجي

13-02-2010, 05:17 AM

السلام عليكم
ما ادري عن الطريقه اللي تسويها بس اللي كان يصير وياي اني كنت اترس منقاره وكانت تسد
فتحت التنفس وكان يستفرغ طبعا صارت مره وحده وياي وبعدها زدت الماي شوي لاني كنت استعمل السيريلاك
واحطله شوي شوي والحمدلله ماعاد استفرغ
وبالنسبه للاسهال جيبله نخي اللي تسمونه بالسعوديه بليله وشيل القشره طبعا تكون مطبوخه ومو من المعلبات من المحل اللي يبيعها جاهزه وحاول تهرسها وتضيفلها ماي وتوكله شوي شوي
واتوقع لو تشربه شويت شاي من دون سكر ومبرد يكون زين لانه يمسك البطن لجميع الحيوانات بس لا تكثر شوي بس
والله يشافيه ويخليه لك ان شاءالله
وهذا اللي عندي والله يعينك

سلااام

سويت هارت

14-02-2010, 02:45 AM

يسلموووو اخوي ..

الحمد لله الفرخ خف الاستفراغ ..

لكن المشكله عنده الحين الخمول و نفش الريش و الافرازااااااات الانفيه ..

مجنون فلته

14-02-2010, 03:05 AM

السلام عليكم

اخوي او اختي طيرك معاه برد خله بمكان دفيئ

واطحن له فص ثوم واخلطه مع الماء وشربه من الماء بالأبره

وغط القفص بالقماش لتدفئة الطير واعطه بعض الليمون المخلوط بالماء

وايضا اعطاء الطير مضاد حيوي وان شاء الله ماعليه شر

سويت هارت

14-02-2010, 03:41 AM

طيب ممكن اعرف كم مره اعطيه ..

ياليت تقلي ..

والمضاد هل هو مناسب لعمره ..

للعلم انه فرخ ما اكتمل ريشه ..

مجنون فلته

14-02-2010, 05:49 AM

اهلا

تقدر تعطيه الثوم بالماء

والمضاد اخلط القليل جدا بالماء واعطه الطير

المضاد اقترح مرتين باليوم والثوم مره طبعا كل خلطه لحالها

والتقسيم يكون الثوم في الوجبه ال 2 الوجبه الأولى و 3 مضاد لمدة 5 ايام

فيه مضاد اسمه سيفامايسين اتوقع انه الأنسب لحالة طيرك

سويت هارت

14-02-2010, 05:16 PM

ارجوووووو اغلاق الموضوع

الطير ماااااات ..

واشكر كل من ساعدني ..

*غلا*

14-02-2010, 08:49 PM

لاحول ولاقوة الا بالله :(

قدر الله وماشاء فعل :(

الله يعوضك يآرب :(

مجنون فلته

15-02-2010, 12:41 AM

لاحول ولاقوة الا بالله العلي العظيم

ربي يعوضك خيرااااا

سويت هارت

15-02-2010, 01:13 AM

يسلموووو مثل ما قلتووا ..

قدر الله و ما شاء فعل ..

سكر

15-02-2010, 01:50 AM

لا حول ولا قوة إلا بالله

قدر الله وما شاء فعل

اللهم لا اعتراض

اللهم أجرنها في مصيبتها هذه واخلفها خير منها

سويت هارت

15-02-2010, 02:18 AM

يسلموووو سكر ..

بندولة حب

15-02-2010, 03:49 AM

الله يعوض عليك اختي

سويت هارت

15-02-2010, 04:06 AM

يسلمووو حبوبتي ..

medozoom

15-02-2010, 08:36 AM

لا حول ولا قوه إلا بالله

كنت جالس اقرا الموضوع وجالس مركز بالحاله وردود الاخوان وكيف علاجه وطلبك للأكل من الخارج وفي الاخير وجدت انه مات ..الصراحه زعلت ونفس الوقت ما زعلت لانه قضاء وقدر

لكن الرجاء انك ما تزعل

هذا قضاء الله وقدره

وربنا راح يعوضك بأحسن منه

وكل واحد فينا يمر بهالمرحله ولكن يتحمس انه يربي مره ثانيه ويحافظ على الطير زي عيونه

الله يعوضك ويرزقك

تحياتي