((يامن شرى له من علاله حلة )) شريته والله يوفق ..

[فجر77]

مساء الخير للجميع

((يامن شرى له من علاله حلة ))

يا أخوان أنا جديد على الطيور و اشتريت أفريقي و عساني ما تورطت به لا هو اللي فاهمني ولا أنا اللي فهمته ..

حتى لا أطيل عليكم ..

عندي بعض الاستفسارات ويا ليت الاخوان ما يبخلون علينا الله يعطيهم العافية ..


1- كم عمرالطير من خلال الصور ة؟؟؟

http://file15.9q9q.net/img/88842554/201001131765.jpg (http://file15.9q9q.net/preview/88842554/201001131765.jpg.html)

2 -حطيته على استاند تابع للقفص .. هل هو مناسب أو أشتري له استاند مستقل ؟

http://file15.9q9q.net/img/48647983/201001121760.jpg (http://file15.9q9q.net/preview/48647983/201001121760.jpg.html)

3 - عنده جعير مستمر كل ما قربت منه مرة لكن إذا غيرت الموية والاكل ما يجعر ..

السؤال ما هو علاج الجعير ..؟؟

4 - حاولت كثيرا حتى خليته يطلع على يدي لكن بالقفاز فقط ..

http://file15.9q9q.net/img/83679996/201001121757.jpg (http://file15.9q9q.net/preview/83679996/201001121757.jpg.html)

5 - ثم استمريت حتى حسيت اني بشق السقف من الفرحة لما طلع على يدي من دون قفاز ..

له الآن عندي من يوم اشتريته ما يقارب الثلاثة أشهر .. السؤال هل تجاوبه معي واستجابته دليل على قبوله للتعلم أم أنه يصنف على أنه صعب التعليم ؟؟

http://file15.9q9q.net/img/28786995/201002091793.jpg (http://file15.9q9q.net/preview/28786995/201002091793.jpg.html)


وهنا سؤال هو أهم شيء عندي هل عمره مناسب لتعليمه الكلام أم أن الوقت قد فات ؟؟
وهل عمره كبير أو صغير ..؟؟
وهل بالامكان تعلمه الكلام وهو غير أليف ؟؟

أرجو منكم المساعدة ولكم جزيل الشكر ...

[mr . bahman]

صورة العين ماهي واضحة مرة

والجعير طبيعي جدا ويروح مع الوقت
والاستاند تمام مافي أي مشكلة

بس حاول انك تشمسه شوي في العصر
وتروشه بالبخاخ

ومادام طلع على يدك لا تخاف عليه بس اهتم فيه أكثر
ومن وجهة نظري مافي أفريقي ما يتكلم بس الشغلة يبغالها صبر شوي

[خطاب العتيبي]

وانا والله بعد مثلك بس انا له شهرين وبادي يصفر ويشكل بالتصفير بس الى الان لم يتكلم وعيونة ابيض باهت او سكري وشكلي بجوعة اربع ساعات وابداء القنة الكلام

[ابو محمــد]

الف الف الف ترليون مبرووووك,,

ماشاء الله عليك كل هذا وتقول جديد في الطيور,,,

انت سويت ٧٠‏ في الميه وباقي ٣٠‏ تقدر تشوفها في,,

في المواضيع المميزه.

[فجر77]

الأخوة

باهمان

خطاب

أبو محمد

يعطيكم ألف عافية ياحي الكلام الزين والله شجعتوني ووووووواااااااااااااااوووو

أنا ما قهرني ولا حبطني غير مصري راعي محل طيور لما وديته له قال عمر طيرك كبير ومستحيل يتكلم كلمة وحدة

صراحة بغيت أعطيه القطوة اللي عنده بالمحل تاكله ما دام ما يتكلم وش الفايدة .. الببغاء لا صار (( أطرم )) ما منه فايدة...


عالعموم ما قصرتوا شجعتوني والله إني بادي هاليومين أدور أحد يبادل ولو أزوده في السعر وأشوف واحد مدرب وجاهز ..

عندي سؤال لك يا خطاب : تقول في كلامك (( بادي يصفر ويشكل ))وش معنى - يشكل - ؟؟

[OUT]

ماعتقد كبير

لأن الكبير حسب ماقريت عيونه تكون صفراء

ولاتديه لامصري ولا غيره بادله او بيعه لوماتبغاه

واذا فكرت تشتري اشتري فرخ عيون سوداء

وعلمه بنفسك

[كاسكوكيه]

بصراحه اذا في 3 اشهر فقط طلعته على ايدك.. ما اقول غير ما شاء الله عليك و على الطير..

ناس تقضي شهووووور مع فروخ صغيره و تشتكي منها.. شكل طيرك في حدود السنه.. (يا ليت لو تصور العين من زاويه قريبه)


:) استمر معاه ولا تقطعه.. و اعتبره تدريب لك في عالم الطيور :D

[راينو]

اولا الاخوان ما قصروا معك
و ما ادري وش اقول
ع العموم عقبال ما يسولف معك

[النادره]

قطعت معــه شوط طــويل وانجزت ماشاء الله ..
اصبر عليه و ان شاء الله يفرحك وينطق ..
نفس طيري وتكلم ولله الحمــد ..

بالتوفيق ..

[وليد صلوح]

يا اخي انا الرمادي الي عندي نفس الشيئ لكن بدا يخربط بالكلام وبالنسبة للعمر اعتقد انو عمره لم يتجاوز العشر شهور اذا كانت لون العين رمادية لأن ما واضح كتير بالصورة لون العين والقفص جد مناسب لكن اعتقد الأستاند افضل للتدريب وصبر علي انشاءالله يطاع منها لأن ما في طير الا ما يتكلم لكن اصبر عليه

[خطاب العتيبي]

اخوي mr . bahman
قصدي في يشكل يعني يشكل في التصفير اتمنى فهمت

[شيروكي]

اخوي فجر انت قطعت ثلاثة ارباع الطريق لكن لاتستعجل
ذكرتني بواحد من طيوري جلست ادربه شهور ويوم دربته جلست انتظره شهور ينطق وعيا
مليت منه وشلته اببيعه ومريت صديقي يخاويني للسوق لكن شراه مني هو
عقب اقل من شهر نطق عنده الله يبارك له هههههههههههههه
وللحين هو عنده

[الوسام الذهبي]

ما شاء الله طيرك باين عليه عنده قابلية كبيرة للتدريب لانك دربته في فترة قياسية

الطير مو واضحة عينه لكن كأنها بيضة يعني عمره قريب من السنة

بالنسبة للكلام ان شاء الله يتكلم وماعليك من كلام المصري واصل في تدريبه

ولا تيأس مرحلة الكلام بعد ترك الجعير ولما يصير اليف جدا معك يعني باقي عليك شوط لما تقطعه راح يتكلم ان شاء الله

[فجر77]

يا لبى قلوبكم كلكم

(( أفلجتم ))ههههههههه قصدي أثلجتم صدري الله يمتعكم بالصحة والعافية

طمنتوا قلبي الله يطمن قلوبكم

مشكلتي مع الجعير يجعر وإذا خليته على يدي وعديت تقريبا حتى 10 يسكت وإذا أرمشت بعيني بس بدأ يجعر

ثم يخف شوي شوي ..

يطير من يدي دايم إذا شاف القفص مع أني توني مقصص جنحانه ..كيف أخليه ما يطير ؟؟

يعض ويخوفني.. لأني أول ما اشتريته كنت أقرب يدي منه و يعضني عضه خفيفة يعني يلمس يدي بمنقاره ويفك يدي
لكن شكلي زودتها معه ذيك المرة وعضني بقوة ومن بعدها صرت أخاف منه ..

الله يعطيكم العافية كلكم وماقصرتوا والحقيقة طحت على الموقع اللي كنت أبحث عنه

لاهنتو جميعا

أخوكم

فجر77

[the-gray]

هلا اخوي بين اخوانك
واصل المشوار
بالنسبه للكلام يحتاج وقت طووووووووويل
يعني إذا ماعندك صبر بيع الببغاء لأنك قد تحتاج شهور
زي ما ذكر اخوي شيروكي

انا عندي واحد وصابر عليه ونطق كلمة والان اعلمه تقلدي صوت البس
وان شاء اسمعه قريب

[فجر77]

الأخ the-gray

يعطيك العافية ..

كم بقى عندك طيرك حتى تكلم ؟؟