مواقفكم المضحكة مع ببغاءاتكم خلونا نتفاعل ونتونس

[شيروكي]

السسسسلام عليكممممم


كيفكم ياحلوين اليوم جالس عزابي بالبيت ومالي شغل روشت الببغاء وغسلت الجيب واخرها جيت على هالنت وخطرت على بالي فكره الله يستر مايصير احد سبقني لها :D
واجد الي بيشوف اسمي ذكر :p وبيمشي مهوب مشارك ولو اني بنت كان يألف قصص بس عشان يشارك :D وناس تبي تبدا بالنصب والتأليف وكل هذولا مانبيهم خلونا نستانس اليوم :mad: يالله ابقولكم فكرتي
انتم مربين ببغاوات واكيد كل واحد منكم صار له موقف مع ببغاءه خلاه يضحك فكرت اننا نكتب مواقفنا مع ببغاواتنا ونستانس ونخلي الناس تستانس والي مافكر يشتري ببغاء يبيعها ويشتري من بكره
موقفي ياطويلين العمر مع ببغائي علاوي وعمره الآن ثمان سنوات ماشاء الله تبارك الله وفي يوم كنت حاطه ببيت الاهل وهم مسافرين جاء اخوي بالليل ودخل سيارته للحوش علشان يعبي جراكل المويه بيطلع للبر :D
يقول بديت اعبي مادريت الا سمعت الباب ينسحب وينصك جوا البيت تعرفون عاد صوت الباب اذا ماحطيت له زيت وش يصير قال واسمي بالرحمن واكمل شغلي يقول ويرجع الصوت مرة ثانية وخلاني اجزم ان في البيت حرامي يقول واخذت اكبر ماصورة بالحوش وفسخت شماغي وثوبي ناوي اقتل هالحرامي :D ودخلت مع الباب الخلفي اتسحب على روس اصابعي ولما وصلت الصالة الهمني الله وتذكرت الببغاء يقول لبدت بمكاني شوي الا واسمع الصوت والبيبان كله ماتحركت يقول واموت من الضحك واجي للببغاء واعطيه فول سوداني مكافأة ههههههههههه

يالله ياخواني عطونا المواقف الحلوة

[الوسام الذهبي]

شكرا على الموضوع الحلو اخوي شروكي

بالنسبة لي

كان عندي انثى كروان مربيها من لما كانت فرخ صغير انتاج صديقي وكبرت وماقصيت جناحها ابد وصارت تطير في البيت وكانت شقية بشكل مو طبيعي تحب التخريب والمشاكل كانت هوايتها انها تطير وتجي على كتفي وتعض اذني

مرة جاني واحد من الشباب وشافها وكان مايحب الطيور وقام ينتقدها يقول لي شلك فيها شوف شلون مخربة الاثاث والظاهر انها فهمت انه مايحبها فصارت ترحب فيها على طريقتها الخاصة كان كل ما جا البيت يقعد جنب خزانة وكانت تطير وتقعد فوق الخزانة وتتبرز عليه وتهرب لا وتحدد القذيفة على الراس وانا اشوف الموقف وانفجر من الظحك ههههههههههه

الموقف الثاني مع فرخ الكاسيكو طبعا كانت علاقتي فيه جديدة فماتوقعت انه تعلق فيني دخلت الغرفة وفتحت له باب القفص على شان يطلع ويركب فوقه وفعلا طلع وقام يرفرف وانا قعدت على الكمبيوتر اتصفح المنتدى وفي لحظة سمعت صوت رفرفة قوية وشي نازل علي بصراحة قلبي صار في رجلي كنت مندمج في المنتدى الا اهو الفرخ جاي لي قمت اضحك وشلته وقعدت الاعبه

[شيروكي]

هههههههههههه اخوي الوسام اما الكروان تحفه

[بوسارة]

السلام عليكم ورحمة الله وبركاته

اخي شيروكي الله يعطيك العافيه على موضوعك وفكرتك الطيبه

انا عن نفسي مره كنت نايم بره البيت وجيت ثاني يوم الين القى الباب حق غرفتي مهدوم وانا اشب

منو الي كسر باب غرفتي الين يجيني اخوي الكبير وهو ميت من الضحك ويقولي انا بس قبل كل شيء خلني

اقولك انا ليش اضحك المهم ويقولي انا جيت اطق ولي ساعه وانت تقول منو وماتفتح وانا عندي شغل وكنت ابي

سيارتك وانت تقولي منو وماتفتح الباب وانا اطق الباب وانت تقول منو زين زين وماتفتح وكسر الباب جاي ابي

امحطك الا ماشوف الا الفراش فاضي والكاسكو يسوي نفسه ياكل يعني مو هو هههههههههههه

[wafe173]

مشكور اخوي شروكي على هذا الموضوع
وبنسبه لي انا كتبت موضوع شبيه له وكان قصدي ان الاعضاء يتفاعلون وكل واحد يذكر قصه لاكن كانت الردود كلهاا ظحك وونسه وهده قصتي



http://www.2zoo.com/vb/showthread.php?t=138128

[كاسكوكيه]

.. مواقفي تعتبر عاديه جدا مع طيوري.. ^^"

بس بالنسبه لي اشوفها تضحك كحركات عفويه تطلع منهم..


1) من فتره بوشهاب الكاسكو الي عندي.. اول ما يحس اني بقوم من النوم.. يقعد يناديني.. و يكون شامبيه الكاسكو الثاني نايم ولا اسمع له صوت.. فيقوم بوشهاب و ينادي شامبيه.. مره انا ومره شامبيه.. و الكل مسوي له طااااااااااف ,, و يوم ييأس.. يقعد يقول "السلام عليكم شامبيه!" السلام عليكم شامبيه.. السلام عليكم "اسمي" السلام عليكم شامبيه" خخخ و انا اظل ساكته لاني لو رديت بيبدأ الازعاج الحقيقي و بتخرب عليه احلى نومه :S


.. و هاليومين بما أني اشتريت امزوني.. فالأخ بوشهاب.. قاعد يستعرض عضلاته.. و الحمد لله الغيره مسويه مفعول جمييييييييييييل جدن.. بحيث ان بوشهاب صاير يقول تقريبن كل كلمه يسمعها خخخخخ عشان ما اهمله و يخلي نفسه محط الانظار.. :D

[سكر]

تسلم لي على الموضوع الجميل,,

أنا بنزل مقطع فيديو,, مع اني نزلته قبل كذا في مووضوع مستقل بس قلت أسوي دعاية :D

شوفو الفيديو

rfVC6TzVnhY

أتمنى يعجبكم

[hazemk]

احلى موقف كان مع صديق جنني انه يستطيع حمل الكاسكو الغير اليف خلال نصف ساعة و انه سيحمله على يده من ثم يقوم بحمله كالحمامة .. و انا عارف شو الطير اللي عندي.. يعني داخل المنقار عنده انياب كلب هههههههههه

طبعا بس فتح القفص و دخل يده و عضه الكاسكو و صااح صيحة وصلت للقطب الشمالي و انا على الارض اضحك

[شيروكي]

ههههههههههههههه مواقف روعه خصوصا كسر باب بو سارة

الله يعطيكم العافية

[الكاكي]

مره سالو افريقي طيح عطر غالي وانكسر وانا قلت الله لايعطيك عافيه ولقطها الامزوني بوبو وبعد يومين صار يقولها حاولت انسيه الكلمه لان مو زينه مو راضي ينساه ابو الشباب...
ومره بغرفتي وانا بالحمام اتروش والباب فاتح وطيوري على الاستاند والشمبو على راسي ومغمض عيوني الا سالو نزل من الاستاند وجاء الحمام وصفر تصفيره الي يحبها قلبك وانا غافل كيف يكوف يكون الوضع وانا ارتبك وازحلق وعلى ضهري ورضه بضهري جلست اسبوع وجلست ومت من الضحك على نفسي

[Brave Heart]

هذا الكاسكو الله يهديه عمره 6 شهور
نسيت مرة الجوال عنده وانا مطلعه من القفص رجعت لقيت الارقام الكيبورد حق الجوال
كل رقم في مكان
لكن فدا يستاهل

[ظريف]

هههههههههه مواقف كل واحد يضحك اكثر من الثاني انا طيري كلامه دائما مني فمرة من المرات جت حرمة للوالدة وتعرفو النسوان لازم جلسات حش ونميمية خخخخخخخخخخخخخ المهم وهم قاعدين يتكلمو على حرمة الظاهر الا ويسمعو صوت قوي يقول (وشيييييييي) معناتها شنو للي مايعرف حتى الحرمة مسكينة قامت من محلها بسرعة واتغطت واتفكره انه انا والوالدة ميته عليها من الضحك واحيانا تسمع صوت التلفون يرن يرن يرن تطلع اله يسكت اتفكر روحك مالحقت عليه وترجع محلك يعود عيد نفس الحركة الين اخر شي ماتسمع الا واحد يسوي مثل كانه رافع التلفون ويقول الوو السلام عليكم هههههههه وهذي دائما ينصاد فيها الوالد هههههههههه وبس المواقف كثير واجد بس احلى موقف صابني انه مرة الطير كان معاي مطلع وكان جنبي ود خالتي في الغرفة انا قمت باصلي الطير خاف من ولد خالتي لاني قمت وقام طار وراي وركب على يدي وهذا كان احلى يوم من اخذته لانه يرفض يركب على يدي برضاه ههههه ادري ماتضحك بس حبيت اذكرها واسف على الاطالة

[شيروكي]

هههههههههههه بريف هارت عساك ركبت الازرار ههههههه دايم تصير لي بس مع اللاب توب

[شيروكي]

هههههههههه ظريف ببغاك مطوع مايبيهم يحشون بالخلق
الله يخليه لك يارب

[هاوي مزاجي]

السلام عليكم

انا الحين اقرا الموضوع صارلي موقف مضحك مع الكاسكو هههههههههههههههه
انا فاتح القفص اللي عندي ينفتح من فوق
المهم من صارلي فوق الساعه فاتحه وناسيه والكاسكو كان نايم
وانا اقرا صحى من النوم وطار يبي يجيني كعادته
وهو جايني بالطريق عندي كيس شبس فاضي من رفرفت جناح الكاسكو
طار الكيس اول ماتحرك الكيس والكاسكو طاير بيجيني على طول خاف ولف على التلفزيون ودعم وطاح والتفت علي وهو خايف مت من الضحك
ههههههههههههههههههههههههههه
وهو اللحين على يدي يطالع ومستغرب وده ينقز عالكيبورد :)
والمواقف واجد وهذا عالطاير صدفه عشان اكتب:)


سلااااااام

[انا المجروح]

انا يوم ارقد -----> ( انام ) اخلي الكاسكو في الغرفه
الكاسكو الصبح يقولي منصور منصور قووم بس قبل يومين
قلت ما دام ابويه مسافر والبيت خالي بحط المجموعه كلها
و ياشينه من اختيار رقدت -----> ( نمت ) والصبح كالعاده
الكاسكو يقولي منصور منصور منصور قوم و انا اقوله اوكي
و يرجع يعيد و فجأه اسمع صرخت الكوكاتو النذل و اقوم من الرقاد
-------> ( اقعد من النوم ) و ختمها بضحكه لين ما حفظ الامزوني
الضحكه
من بعدها ما دخلت الكوكاتو الغرفه

[lll_o]

يسلمو على الموضوع

انا مره من قوة الخوف جيت اضرب الطير هههههههههههههه

جبته عندي بالغرفه

و اشوفو يروح لي قفصه القديم قفصه القديم فوقو قفص كروان مره خفيف و صغير

راح له و شلته رجعتو المره الثانيه راح و حدو وصل لي القفص الصغير اتعلق فيه و ما اسمع غير طاااااااااااااع

اطالع الرجال متكرفس قهر امي خفت يصير له شي

و بعدها اخوي يقولي افلته بالغرفه شوف اتعلم ولا الحمار يبغا يرجع لي القفص حقه

انزله يطاالع شوية يروح لي القفص القديم يبغا يطلع عليه قلت لا مو مره ثانيه ههههه

و اخذه و احطه بالقفص و بس خلصنا

[مهال]

مشكوووووووووووووره علل موضوع
انا عندي بغبغان ذكر يلو ناب امزون اسمه مهال
كنت قعده العب فل سكل الريضه قدمه كل ماشافني
احرك السيكل يدور معه رايح وجاي بزعمه يقلدني
يب يسوي زي

[مهال]

عندي موقف ثاني كانت الشغاله تحط اكل لي مهال وانا مائدري الا واشوف شي اخضر يتحرك من بعيد يوم قربت من عند القفص لقيت مهال طالع من الباب الصغير الي فل قفص حق صحن الاكل
ولمشكله ان الباب ضغييييير مره وضيق ومادري كيف عصر نفسه ذا دب وطلع معه وصار طقاق
هو ويا الشغاله تبي تدخله للقفص وهو يلاحقه يبي يعضه حقد عليه
وفل اخير بلطقاق ياله طاع يدخل القفص.

[راينو]

هههههههههه
كل مواقفكم روعه
موضوع جمييييييييييييييل


الموقف الي صار مع طيري الافريقي :

بسم الله
انا دايم احط طيري بالصالة حول التلفيزيون
و جا ذيك المرة عن امم افريقيا
جايبين نسر يطير
والا ابو الشباب يتابع
يوم جا النسر ينزل بقاع القفص و يصارخ من الخوف
كان قبل كذا هادي و مروق و يتابع
الصراحه يوم شفته خايف و منهبل من النسر اللي بالتلفزيون
انا مت من الضحك
و معليش طولت عليكم

[bahar1000]

موضوع جميل ومواقف اجمل



انا سار لي موقف كنت في محل من محلات الحيوانات واشوف كاسكو غالي السعر واسئل صاحبه ويقولي يتكلم

وانا مسوي فيها خبره واجي احط اصباعي بالقفص

واقرب منه ابي امسح على راسه

ومافي الا ذيك العضه

الي انقز منها

وعارفين نزل الدم وانا مخبي اصباعي وراي ومسوي الخبير

[علي الفايز]

ههههههههههههههههههههه مواقف حلوه

[arg9]

ههههههههههههه