حيات فرخي الصغييير في يد الله ثم يدكم

[مـغرد]

سلام عليكم

اخواني جدا مستعجل دوبني الساعة 6 ونصف طلعت الفرخ من عند الزوج تبعي .
في عش حق بادجي وتحته نشارة خشب وشوية اكل .

اخواني الفرخ مو راضي يغر ليش ؟
حاولت معاه لكن خايف بالمرررره .
ايش العمل يا اخوان ؟

وانا اشتريت قفص له .
هل عادي وهو فرخ اضعه في القفض من دون نشارة ؟

يااخوان تكفون فزعة الفرخ مادري وش فيه مو راضي ياكل حاولت معاه استضوق الطعم شوي وبعد كذا خايف بالمرة مو راضي ؟

ممكن حل يا طيبين .


وشكرا لكم .

[مـغرد]

ونسيت اقول عمره 3 اسابيع بالضبط طلعله شوية ريش

[iCare]

عادي جداً ..

لازم تأكله انت بالقوة يعني تفتح منقاره و تحط السرنجة فيه و تأكله ببطئ لين تمتلى الحوصلة

و خليه بعش البادجي ادفأ له
...

[مـغرد]

طيب حوصلته اشوفها مو شفافة هذا يعني ايش ؟

وبالنسبة والله حاولت معه ولا تقصد امسك المنقار بيدي واحاول ؟

واشكرك على ردك السريع جدا

[الأسد الملك]

تمسك منقاره بالغصب وتغرهـ

وحوصلته تبين اذا انتفخت

بالتوفيق

[مـغرد]

شكرا لردك .
هي الحين منتفخة . استنى الى ان تفضى . ؟
لاني دوبني ماخذه من ابويه اكيد بياكلونه .

وش ردك ؟

واشكرك بشددددده

[مـغرد]

اخواني جربت مرة ثانية غريته شوي يعني 3 مل تقريبا . الساعة 10:30

وشكرا لافادتكم .

[لوتينيو]

حياك يالغالي ...
لك عندي طريقه مجربه ... ركب فالسرنجه وصله من مصاص السنتوب " ولكن لا تكون مدببه عشان لا تجرح حلق الطير ... وبعد كذا دخل المصاص في حلق الطير بلطف من جهة اليسار إلى جهة اليمين للطير ... وأكله إلى أن تمتلي الحويصله ... ولا تستناه ينغر ... هذي أسهل وأنظف طريقه

وبالتوفيق

[مـغرد]

شكرا لك يا لوتينو .
ولكن عندي لك اسئلة بخصوص الفرخ اذا ممكن تجاوب عليهم بما انك جربت الاطعام اليدوي .

1- الفرخ بالمرة خايف كل ماشوفه يخاف ويروح لزاوية العش كيف انهي قصة الخوف ؟ مع العلم ان غريته حوالي 3 مرات امس واليوم مرة وبرضو خايف جدا .

2- عادي اغير في موعدهم شوي يعني انا خليت الوجبة الأولى 9 الصباح والثانية 1 الظهر والثالثة 5 العصر والرابعة 1 الييل كذا عادي ؟

3- متى يتعلم الطيران الفرخ ؟ ومتى يبدأ على الاقل مايخاف مني مع العلم عمره 3 اسابيع .

والله يعطيك الف عافيه .

[ابو التواريخ]

- الفرخ بالمرة خايف كل ماشوفه يخاف ويروح لزاوية العش كيف انهي قصة الخوف ؟ مع العلم ان غريته حوالي 3 مرات امس واليوم مرة وبرضو خايف جدا .
هذا شي طبيعي مع الوقت راح يتعود عليك
- عادي اغير في موعدهم شوي يعني انا خليت الوجبة الأولى 9 الصباح والثانية 1 الظهر والثالثة 5 العصر والرابعة 1 الييل كذا عادي ؟
بالنسبة للوقت أنت شوف متى تفضى الحويصلة وأكله
متى يتعلم الطيران الفرخ ؟ ومتى يبدأ على الاقل مايخاف مني مع العلم عمره 3 اسابيع .

تقريبا بعد أسبوع أو اسبوع ونصف راح يتعلم بالتدريج

وأتمنى اني أفدتك ولو بالقليل

[مـغرد]

شكرا على اجوبتك الطيبة . ولكن اكيد راح يكفيه 4 - 5 وجبات يوميه صحيح !!

اي اخوي انا عندي سرنجة 5 ملم يوم اقدمله الوجبة مايخلصها يبقي ملم وبعدين احس الحوصلة منتفخة ولكن مو بشكل كبير عادي استمر كذا ؟


شكرا على ردودك وشكرا لك واعذرنا على الاسئلة الكثيرة .

[لوتينيو]

1- الفرخ بالمرة

اخوي هو فالعمر هذا ممكن تعوده يوقف على صباعك وأبغاك لما يوقف على صباعك تمسحله على عينه بصباعك بطريقه منتظمه ... راح تلقاه في المره الأولى ما يغمض عينه وراح يحاول يهرب ولكن لا تخليه يهرب ارجع امسح على راسه وجسمه بطريقه منتظمه وإرجع امسح على عينه مره اخرى ... فالآخر راح تلقاه يغمض عينه فهذي الحاله يكون اتطمن لك ... ولا تنسى الحبه الموجوده عند الأذن برضه العبله فيها شوي ... والخوف هذا طبيعي فالبدايه ولكن لا تهمله ... وراح تشوف الفرق بعد يومين أو ثلاثه بالكثير

2- عادي اغير في موعدهم شوي ؟
أوقاتك مره حلوه ولكن فتره الصباح لو كانت من 7 إلى 8 صباحاً يكون احسن
3- متى يتعلم الطيران الفرخ ؟
الآن لا تعلمه الطيران ابداً ابداً ... إلا لما يحب السرنجه ... وبعد كذا علمه الطيران بإتجاهك بغرض الأكل ... يعني مو لأي مكان ... عشان يكون طيرانه لهدف الأكل والتعود ...

[مـغرد]

شكرا يا لوتينو على نصائحك وابداعك في الرد .

افدتني كثيييير ياغالي . شكرا لك يشهد الله انك ماقصر ت .

[iCare]

شكرا لك يا لوتينو .
ولكن عندي لك اسئلة بخصوص الفرخ اذا ممكن تجاوب عليهم بما انك جربت الاطعام اليدوي .

1- الفرخ بالمرة خايف كل ماشوفه يخاف ويروح لزاوية العش كيف انهي قصة الخوف ؟ مع العلم ان غريته حوالي 3 مرات امس واليوم مرة وبرضو خايف جدا .

2- عادي اغير في موعدهم شوي يعني انا خليت الوجبة الأولى 9 الصباح والثانية 1 الظهر والثالثة 5 العصر والرابعة 1 الييل كذا عادي ؟

3- متى يتعلم الطيران الفرخ ؟ ومتى يبدأ على الاقل مايخاف مني مع العلم عمره 3 اسابيع .

والله يعطيك الف عافيه .

لازم تضيف وجبة الساعة 9 المسا

[مـغرد]

شكرا يا آي كير