ارجو دخول الخبراء سؤال مهم جداً جداً

[محب كاسكو]

السلام عليكم ورحمت الله وبركاته

وبعد

اول اشكر قل القائمين على المنتدى وبصراحه منتدى خيالي وانا قرات يمكن كل المواضيع للتدريب

لابومحمد وسكر وكثيرررررر من المواضيع المميزه لجميع الاعضاء والشكر الاول والاخير لادارت

المنتدى المميزه

وانا

ابا اشتريلي كاسيكو لان كان عندي واحد قبل 4 سنوات


وانا الان مازلت ادور بسوق الحمام الي بلرياض عن واحد عمره 4 شهور بس الي يقول انا ما ابغا الفحص والي يقول انا واثق انه مهب مريض المهم

السؤال هل فيه فرق بين المحجل والعادي والا لا لو فيه فرق وش الافضل وهل يفرق المناعه والا لا

اخرسؤال واهم شي هل الكاسيكو الي عمره 4 شهور يكون قادر على اطعام نفسه والا لا


واسف كثير الاسف على الاسئله الزايده بس وش اسوي اذا ما سالتكم من اسال

[ابو محمــد]

وعليكم السلام ورخمة اللة وبركاتة

انا ادري انك متحمس وتبي تشتري طير ويكون حيوي وممتاز,,

شوف اذا تبي نصيحه لا تشتري فروخ كاسكو هذه الايام,,

اذا حصلت امازون توكل ع الله بعد الفحص الدقيق للطائر,,

لأن الامازون مناعته اقوى ويتحمل اكثر من فرخ الكاسكو,,

انا ملاحظ فروخ الكاسكو بكثره في الاسواق واكثرها معرض وحامل للمرض,,

ممكن تتوفق بواحد ويعيش معك ,,

المحلي يكون عليه حجل وفيه رقم جوال الغالب واسم المفرخ فيه,,

وهذا النوع اذا حصلته خذه بدون تردد لكن افضل لك عمر فوق 6 شهور ,,

يكون اكتسب مناعة ويقدر يعتمد ويأكل من نفسه,,

بالنسبه لسؤلك عمر 4 شهور لا يستطيع الاكل وغير مفطوم.

[محب كاسكو]

يعطيك الف عافيه على الرد السريع والمميز وانا كنت متوقع ردك

وانا اقصد فحص طبي ليس فحصي وبعدين هل 6 شهور بلضبط زين والا لا بعدين الامزوني كم سعره

[@الزير@]

الامزوني ب3200كذا بلوفرنت يطلع ينزل شوي على حسب السوق واتمنى اني افدتك

[محب كاسكو]

اخوي انا ابغا مهب مدرب العمر 6 شهو او 4 شهو انا ابغا ادربه كم سعره

[ابو محمــد]

سعر الامازوني يتفاوت من 2800 الى 3200 ريال.

حتى لو انه مو مدرب .

[محب كاسكو]

مشكور على الرد السريع ولا كن متى يفطم الكاسكو ؟

[ابو محمــد]

ينفطم العاده في عمر 5 شهور وبعضها يستمر حتى 6 شهور,,

والشغله هذه تعتمد ع المربي.

[محب كاسكو]

مشكور يا ابومحمد على الرد السريع واسف على كثر الاسئله

الاكل معروف سرلاك الطيور لاكن كم مره بليوم ووش رايك بلفحص الطبي للطير لاني عازم على اشتراء فرخ باذن الله

[محب كاسكو]

ارجو الجواب يا اخوان

[ميدو 5]

اذا تبغى النصيحة إبعد عن الفروخ لانها تحتاج عنايه وخبرة اشتري طير عمره سبعة واكثر وتقدر تدربه هذا رأيي وتقبل مروري