علاج هواية العض بالنسبة للطيور الأليفة

[الوسام الذهبي]

السلام عليكم ورحمة الله وبركاته

اكثر الاعضاء عرفو صديقي العزيز وهذي صورته للي مايعرفه :12:

http://www.2zoo.org/get-2-2010-2zoo_org_wp6gdckp.jpg


كانت عنده هواية اللعب بالاضافر كان يمسك الضفر بمنقاره و يتحسسه مع الايام تطورت الهواية للعض :mad: وصار يعض عض مؤلم جداا بس الاضفر اما لما اقرب له صبعي بعيد عن الضفر مايعض بس يلحس او يتحسس لكن من يصيد الضفر يقرمش فيه كأنه يبي يقلعه في بداية الامر قمت اقول له عيب واسحب صبعي وابين له اني معصب وماشفت اي تقدم في الموضوع بالعكس صار يعض اكثر واكثر والقوة تزيد

بعدين قلت ماعليه انا اوريك اهو لما اشيله دايما يلف على الابهام على شان يعض الضفر لدرجة اني صرت لما احمله احاول اخفي صبعي عنه وصار يعض السبابة الي واقف عليها

شلته وبينت له الابهام ومباشرة قرب وعض الضفر تركته يعضه ولو انه كان يألم :( قلت في نفسي ماعليه بشوف لوين بوصل معاك وجلس يعض يعض ويقرمط في الضفر وانا اتألم واستحمل لين ماتركه وكررتها معاه مرة مرتين وابين له اني مو مهتم ابدا وشوي شوي قوة العض صارت اخف لين ماصار يتحسس الضفر بس :88:

[bojwais_95]

شكراا على الموضوع و الفكرة الرائعة و لكن راح تؤلم الناس كثيرا

[سكر]

ما شاء الله تبارك الله

ببغاء جميل جداً

ربي يحفظه لك ويبارك لك فيه

مشكوور على الإفادة بالتجربة الرائعة

اذا تبغى نصيحتي وفر له أغصان يلعب فيها

وأعطيه قطع مفاتيح حديدية اللي ما تحتاجها خليه يلعب فيها

لأنه يبغى يمارس غريزته في استكشاف الأشياء وتجربة منقارة وبرده بشكل طبيعي,,

ربي يوفقك

تحياتي

[كاسكوكيه]

:D ذكرتني بالي عندي

اول ما يشوفون الناس قاعدين على طول اظافر اظافر اظافر خخخخخ

بس اهم شي ما تسمح له يتعود يعض.. :D تصير عاده وحشه ههه

و مثل ما قال اخوي سكر.. اعطيه اي شي يلتهي فيه :)

و ما شاء الله عليه صديقك و ربي يبارك فيه ^_^

[ميدو 5]

شكرا لك اخوي على توضيح هذه الناحية وانا لي تجربة تشبهها والحمدلله الطير خفف عض كثيرا جزاك الله كل خير

[راينو]

ايه يا اخوي الوسام
لانك بينت له انك مو مهتم
قال وش الفايدة من العض
و بعض الطيور تحسب الاظافر حب شمسي و تجلس تقرطه
المهم انت جيب له العاب عشان يطلع كل عضاته فيها
الله يحفظه لك ان شاء الله

[الوسام الذهبي]

شكرا على الرد اخي bojwais_95 هذا الطريقة للطيور الاليفة الي ما تأذي في العض مو الطيور الغير مدربة

اشكرك جدا اخي العزيز سكر منور الموضوع وشكرا على النصيحة والطير عنده العاب كثيرة في القفص ودايما اتركه يلعب بالخواتم واشياء حديدية واعطيه كور خشبية واشكال ثانية لكنه مصر على هواية عض الاضافر الى ان اتبعت معاه طريقة التجاهل

اشكرك على الرد كاسكوكيه

شكرا على مرورك اخوي ميدو 5

اشكرك اخي العزيز راينو ومثل ماقلت عنده العاب كثيرة ودايما اعطيه العاب واشكال خشبية غير الة في القفص لكنه يعشق الاضافر

[vipff]

فكره جميلة

[سكر]

الوسام بما انه عنده ألعاب كثيرة وما زال يعض

معناها انه يبغى شي أقل صلابة من الألعاب اللي عنده

جرب تعطيه أغطية علب الماء البلاستيكية وإن شاء الله تعجبه ويتعلق فيها


وربي يوفقك يا قمر

تحياتي

[الوسام الذهبي]

الله يعطيك الف عافية يا سكر يا احلى من السكر

ان شاء الله راح اخلي له العاب من بلاستيك ومواد متنوعة

واهو على العموم صار عضه مو مؤلم كأنه يتحسس الضفر

مشكور يالغالي

[#عبدالرحمن#]

والله أنا مثل حالتك اخوي الوسام يعض اخليه يعض راس الإصابع لي أسبوعين أو أكثر وهو مذيني الى يومك

حطيت له خشب و عشان يجلس يعضض فيها ولا نفع معه الحل

وحب أقولك شعله كل الطرق تقول الي بالمنتدى إجتهادات شخصيه بعض الطيور ماتنفع معه الطرق الي

بالمنتدى إحتمال تعطيك نتيجة عكسيه وتخرب عليه طيرك

[سويت هارت]

الوسام الذهبي ..

شكرا على الموضوع

والاخ سكر ..


شكرا على تنبيهاتك المفيده ..

[بندولة حب]

ماشاء الله تضحيه جميله بصباعك:D

ومشكور ع الفكره :D

[kaka99914]

والله نفس اللي عندي بس انا شبه مقصر معه.... اليوم رايح اشتريله العاب خليه يدلع منقاره :88::88::88:

[الوسام الذهبي]

شكرا على ردك اخوي عبد الرحمن اما بخصوص كلامك فهذا يعتمد عليك انت تعرف شخصية طيرك اكيد في افكار كثيرة بخصوص العض لان كل شخص تعامل مع طيره حسب شخصيته فالمفروض انت تشوف شخصية طيرك وتحدد الطريقة الي تنفع معاه مثلا طريقة العسل جربتها مع اكثر من طير ومانفعت لانهم كانو مايتقبلون العسل وفي ناس يستخدمون طريقة النقر على منقار الطير يعني لما يعضك تضربه على منقاره ضربة خفيفة وتقول له عيب وهذي ممكن تكون لها نتائج جدا عكسية مع بعض الطيور ولكن تنفع مع طيور ثانية

اشكرك على مرورك سويت هارت

شكرا على مرورك بندولة حب امم بالنسبة للتضحية لو كان طير ثاني مستحيل اسويها لكن انا اعرف انه ماراح يأذيني يعني مهما كان مؤلم ماراح يوصل لدرجة يجرح يدي يعني مو يجربها شخص ثاني مع طير شرس ويقول الوسام بتر يدي هههههههههه المفروض تقيمون عضة الطير قبل لا تتبعونها معاه

اشكرك على مرورك اخوي kaka99914 ولاتقصر معاه من الالعاب لانها تزيد من ذكائه وحيويته

[أبو حمزة.]

ما شاء الله مشكووووور على التجربة

وربنا يخليلك الطير

والطير يحب يعض ويقرمط أي شي

[محمدMM]

مشكور على الموضوع

[بووسلطان]

مثل الهولندي اللي عندي يتحسس لين مايعض الظفر مادري ليه بعض الطيور المحجلة تسوي هالطريقة ؟؟ بس اللي عندي اتدارك عضته وكل واحد وخبرته في التعامل مع الطيور

[naasooh]

الكااسكوو طير ذكي
وزين سويت معاه
ورايي لك ما دام هوو اليف
إنك تنبه كل ألي يتعامل معه بأن لالا يعلمونه العض
مثل إذا عض يسحبوو ايدهم فجأه
أو العكس اذا عض يضحكوون ويعيدون الكره مره ثانيه
و
هذي عن تجربه
وبالتوفيق

[o0o0]

مشكووور اخوووي عالافاده

وبحاول اني اطبق هالفكره عالببغاء الي عندنا..

تقبل مروري

o0o0