يا رب!!!!

[ats]

مساء الخير كيفكم انشاء الله بخيير ماودي اطاول عليكم حبيت افتح موضوع وياكثر مواضيعي (ييه من جنبها ):D يا احبائي حنا عندنا مراكز بالرياض بس متخصصه للطيور و اذا في ياريت الأفاده :freind:
ياربي نسيت وش بكتب ييه صح تذاكرت السوق مقطوع من الكوكاتو ولا اليوم نازل السوق و مليان امازون ييه صح اليوم شفت افريقي محجل هولندي عمرعه سنه ولا يتكلم سعره 6000 هذا معقول ولا انا مستهينه فيه ؟

[كوالا]

بالنسبه للمراكز الي بالرياض ماعندي خبر عنها

والكوكاتو موجود بس بالسوق مادري انا اشوفه بقسم البيع بالمنتدى مليان

والامزوني كمان مليان هذي الايام ملاحظ وكلها فروخ شكله وقت التفريخ للامزوني

اما بالنسبه للهولدني الي ب 6000 والله سعر جدا مبالغ فيه

سعره لايتجاوز 2500 اليف ولا يتكلم

[راينو]

كلام كوالا مضبوط
انا رحت السوق اليوم
مليان امازونيات و حصلت كوكاتو
اساله اي نوع يقول امريكي و سعره 5000
و حصلت هولندي روعه بـ 3000 يقول يتكلم
و بالنسبة للمراكز المتخصصة للطيور و الله ما فهمت قصدك
اذا كانت محلات تبيع طيور و مستلزماتها فسوق الحمام اليوم فاتحين المحلات و يبيعون طيور
اذا كان قصدك محلات تدريب و عناية بالطيور فما اتوقع عندنا
ان شاء الله اني اكون افدتك

[S7R]

انا اعرف محل .. اشتريت منه درتي ..

اسعاره ابدا مو غاليه .. يعني اغلى شي عنده 1500

بس حسب اللي شفتهم عنده .. يمكن 4 او خمس طيوور ببغاوات

المحل جديد ولسى فاتح

شفت عنده 3 افريقي ... وواحد اخضر مدري وش نوعه بس كبير وواقف على ستاند

وكمان عنده زوج اشكالهم رووعه وملونه .. ب 1500

بس مدري هل يصلح احد اسم المحل .. ولااااا ممنوع الدعايه ؟؟؟؟

[ats]

سحر الله يخليك ارسلي اسمه على الخاص

[S7R]

ats... لبا قلبك .. والله نفسي اخدمك من عيوني

بس حاولت ارسل خاص وقالو لي .. مايصلح .. لاني لسى عضوه جديده ..

لازم مشاركاتي تصير 50 على الاقل

وانا مشاركاتي 33 :(