قلت إجرب وحابه استشارتكم ؟

[! هاويه الطيور !]

السلأم عليكم


امممممم بصراحه حابه اجرب تربيه الببغاء الرمادي


http://forum.sedty.com/imagehosting/22365_1261962259.jpg


شكله روعه



وحابه اسال

كم سعره بالكويتي يعني ممكن يكون حوالي 60 دينار كويتي ؟

وهل شرس ولا اليف ؟

وفتره التكاثر هل موسميه ؟ لها وقت معين ؟


واستشاره يعني هل تربيته سهله وهل قليل اصابته للامراض

وبس وشكرا

[مجنون فلته]

اهلا اختي

وحابه اسال

تفضلي

كم سعره بالكويتي يعني ممكن يكون حوالي 60 دينار كويتي ؟

والله سعره ماعندي اي فكره عنه بالكويت

وهل شرس ولا اليف ؟

على حسب الطير اذا كان مدرب او لا واذا كان محجل او مصيود وطبعا قصدي بالمحجل هو انتاج المزرعه
وسعره اغلى من المصيود لأنه متعود على البشر ولكن مناعته ضعيفه ويبي اهتام كبير جدا والحجل هو يجي مثل الخاتم برجل الطائر المحجل اما المصيود يجي اكثر الأوقات شرس ولكنه مع الأيام يتأقلم ومناعته اقوى وسعره اقل من المحجل ومع التدريب يكون اليف لدرجه لاتصور

وفتره التكاثر هل موسميه ؟ لها وقت معين ؟

لم اجرب التفريخ الى حد الأن :)

واستشاره يعني هل تربيته سهله وهل قليل اصابته للامراض

اهم شي بالعنايه بالطير هو عدم وضعه بمكان بارد وفيه تيارات هوائيه او يكون امام المكيف
او خروج الطائر في الأجواء المغبره

وبس وشكرا

العفو:)

[Abo 3zah 4evar]

السلام عليكم

اولا سعرة بالكويتي ما ادري بالسعودي 900 الى 1500 اما المحجل 1800 فما فوق

اذا تبغين مناعته حلوة ويكون سهل التدريب خذيه عمره 6 الى 8 شهوور

بالنسبة للشراسة اذا كان كبير ومصيود غير اليف ويخاف من البشر راح يكون شرش 100%

اما اذا كان صغير ومتعود على البشر راح يكون احسن بس الخوف اذا كان خايف اكسري خوفه


بالنسبة للمقاومة للامراض يقولون من سن 1شهر الى 4 شهور تكون مناعته ضعيفة شوي ويحتاج رعاية


تحياتي

[Shama3ey]

هلا اختي

الافريقي انا سائل عنهم الاسبوع اللي طاف ... الفروخ الأليفين اعمارهم ٣ اشهر لين ٦ شهور على 140 -160 دينار .. اليف و تحطين صبعج اييب راسه تمسحين عليه

والشرسين على ثمانين دينار

[! هاويه الطيور !]

يعطيكم الف عافية يارب على المعلومات


لكن سؤالي ليش سعر الاليف اشوفه سعره حيل غالي والشرس اقل منه بكثير ؟


طيب لو افترضنا شريت الشرس هل ممكن يسبب جروح ؟ او ياذي الاطفال مثلا ؟

وياليت بعد معرفه الذكر من الانثى لاني ملاحظه التشابه حيل صعب التميز بينهم

[Abo 3zah 4evar]

الله يعافيك اختي

سبب فرق السعر لانه الشرس اغلها كبار والكبار صعب ترويضها للهواة

الاليف لو كان كبير يستاهل السعر اما اذا كان صغير لا لانه الصغير سهل يولف على صاحبه

لو كان اليف وصغير وسعره زيادة شوي مدرب يكون تمام

اما بالنسبة للايذاء اذا كان شرس والاطفال اذوه يمكن يضرهم بمنقاره

تحياتي