خلي طيرك هو من يطلب الصعود على ايدك !!!

[اكون او لا اكون]

السلام عليكم ورحمة الله

الحقيقه عندي تجربه بسيطه جدا وهي طريقة تعويد الطير للطلوع على اليد

وانا شخصيا تفاجأت من فعاليتها في فترة سابقه

اذا عندك طير كاسكو ما يطلع على يدك او يتردد او مره يطلع ومره لا ,

فجرب هذه الطريقه البسيطه جدا

طبعا بالبدايه لازم يكون الطير مايطير (مقصوص)

ويكون في قفص مرتفع حوالي المترين عن الارض ومستقر دائم فيه

او على استاند مرتفع ومستقر دائم فيه .

الطريقه بكل بساطه :

نزله على الارض تحت القفص او تحت الاستاند وخله وابعد عنه واجلس بعيد وطالع له

بعد خمس دقائق بتلقاه يطالع للقفص او الاستاند ويحاول يلقى طريقه للطلوع فوق

وبعدها قرب له ستتفاجأ انه سيرفع رجله لك من بعيد استعداد للصعود على اليد

انا شخصيا حصل الموضوع بالصدفه

كان على الاستاند ومابعد عودته على الصعود على اليد

وفي يوم من الايام نزل او وقع من الاستاند نتجة الحركه والشقلبه واللعب عندما وقع

على الارض والله اني ضحكت من طاح وشافني رفع رجله لي من بعيد طبعا انا ما صدقت خبر

على طول جيت وطلع على يدي وكان الموضوع بغاية البساطه

وصار كل ما نزل على الارض فورا يرفع رجله بشكل مضحك جدا ولسان حاله يقول

تكفى طلعني فوق والله آخر مره انزل لووووووووووووووووووووووول

اتمنى التجربه تفيدكم

طبعا في تجارب كثيره للاخوة الاعضاء

ومنها طريقة الماء بالمغطس للاخ المبدع سكر وتستخدم للطيور العنيده جدا

تقديري

ابو غالي

[SONY]

تجربه موفقه

الله يعطيك العافيه

[al-m7taar]

تجربه حلوة
وانا جربتها
مع طيري
وطريقه
فعاله
100%

[اكون او لا اكون]

الاخ سوني والاخ محتار

كل الشكر على هذا المرور الجميل

تقديري واحترامي

[only-me]

تجربه حلوة مجربها من اول ماشريت ببغائي

[medozoom]

تجربه موفقه اخوي

الله يعطيك العافيه

بس اعتقد لما يكون الطير عندي لو تأذن ما يطلع زي الكاسكو الي عندي

يلصق راسه في الارض عشان لا يطلع خخخخخخخخخخخخ

[bader71]

شي عجيب
الله يعطيك العافيه

[اكون او لا اكون]

الاخ اونلي شكرا لمرورك

الاخ العزيز والكبير ميدو زوم الفكره ان تتركه بالارض فتره كافيه حتى يحاول الصعود الى اعلى

عندها ستجده يشاور برجله طلبا لمساعده

الف شكر لمرورك واضافتك

مع التقدير

[اكون او لا اكون]

الاخ بدر الله يعافيك

والف شكر لمرورك الكريم

[خيالي]

اكون او لا اكون

يعطيك العافيه ياعسل

هذي هيا الطريقه اللي تطلع معاها طيوري فوق يدي

غصب عنها :D

خاصتاً لما تكون الارضيه سيراميك ..

تسلم

[فجر77]

صدقت والله طريقة جميلة

وأنا مثلك جت معاي بالصدفة لكن التجارب كنوز المعرفة

موفق لكل خير أخوي العزيز

[no0La]

ايه والله عذاب لهم السيراميك
تحسهم انواع التفحيط ويبون يتمسكون بأأي شي

خيالي انت مثلي ^_^

يسلموووووووو اخوي طريقه مجربه ومفيده

[medozoom]

الاخ اونلي شكرا لمرورك

الاخ العزيز والكبير ميدو زوم الفكره ان تتركه بالارض فتره كافيه حتى يحاول الصعود الى اعلى

عندها ستجده يشاور برجله طلبا لمساعده

الف شكر لمرورك واضافتك

مع التقدير

هلا بك حبيبنا

والله اخوي فكرتك ميه ميه انا عاملها مع الببغاوات الي تحت عمر السنه ونجحت معاي وفيه مواضيع لي بالطريقه هذي

لكن عندي كاسكو متكلم كبير

ما عمره طلع على اليد وتمسح على جسمه وكل شي

لكن طلوع لا تحاول ليه ما ادري لدرجه انه ينام كله على السيراميك عشان لا يطلع خخخخخخ ولا ابغاه يطلع اخاف يفقد بعض الكلام حسب النصايح من الاخوان

تسملي اخوي مره ثانيه

[Abo 3zah 4evar]

السلام عليكم


هههههههههههه

والله حركة حلوة

اكيد البغبغاء حبوب ما يخجل انا ما نفع معي الى طريقة نجمنا ســـكر اما الطرق الثانية لاااا

تحياتي

[راينو]

طيب اخوي اكون او لا اكون
طيب طيرك يعض ؟ كبير شوي ؟ ( يعني على السنة و فوق ) ؟ اليف معك ؟
انا طيري يعض و قليل ما اطلعه من القفص و عمره ماني متاكد لكن اتوقع سنة و اليف معي جوا القفص
تتوقع تنفع معه والا لا ؟
ع عالعموم
طريقة حلوه و من زمان ابي طريقة زي كذا
تصير طلوع الطير غ اليد من رغبته
مو غصب عنه

[اكون او لا اكون]

الاخ خيالي تسلم وكلك ذوق والله يعافيك

الاخ فجر تسلم يالغالي وشاكر مرورك

الاخت نولاّ الف شكر لمرورك والله يسلمك

الاخ ميدو زوم ( العين ماتعلى على الحاجب ) وانتم اساتذتي وافتخر بكم واعتذر بشده

اذا كان الموضوع مكرر والله يعينك على طيرك وعقبال مايطلع على يدك وما يفقد ولا كلمه الف شكر استاذي

اخي ابو عزه للابد الف شكر لمرورك ومالنا غنى عن اساتذتنا ونحن تلاميذ لهم

اخي رانيو حياك الله وبالنسبه لطيري نعم يعض لما جبته يجعر ومتوحش ولكن كان عمره 8 اشهر

وبالنسبه لطيرك ليه لا جرب والتجربه خير دليل وقبل ماتجرب الطريقه خله يتعود على القفص والطلوع فوق القفص

بمعنى ان تشيل الغطاء من اعلى وتضعه بشكل عرض فيكون جزء من القفص مفتوح من الاعلى دائما ستجده

يطلع فوق ويرجع داخل بكل حريه بعدها بق الطريقه هذي وشف النتائج وبالتوفيق ملاحظه القفص يكون مرتفع

وليس على الارض

تقديري للجميع

[S7R]

مممم .. طيب علمونا وش هي طريقة .. سكر .. حق الطلوع على اليد ’,؟

[بندولة حب]

الف شكر اخوي طريقتك جدا فعاله

[اكون او لا اكون]

سحر طريقة الاخ سكر موجوده وهي مصوره بالفديو وفكرتها وضع الطير بماء غير عميق وعندها سيظطر الطير

للطلوع على يدك لانقاذه من الماء

الاخت بندوله حب العفو واشكر مرورك وانتم الخير والبركه

[’Parrot ’fofo]

انا سويت الطريقة ذي من قبل...
بس حطيت العصا بدال يدي وقعد يعض فيه لين رحمت العصا...
هذا وهو عصا كيف لو حطيت يدي..:D
وينه فيه موضوع سكر اللي تقولونه..؟؟

[د. إحتـراف]

تجربه فضيعه وحلوه

بس في اعتقادي لازم الطير يكون اليف نوعا ما

تقبل مروري

[hnoo]

ايه صح

قد جربت انا .. وفعلا صعد .. بس ماكنت ادري انها من سببها ..

لكن الحين ماعاد يحب يصعد .

وبسوي نفس الحركه ان شاء الله ..

جزاك الله خير =)

[راينو]

الاخ خيالي تسلم وكلك ذوق والله يعافيك


اخي رانيو حياك الله وبالنسبه لطيري نعم يعض لما جبته يجعر ومتوحش ولكن كان عمره 8 اشهر

وبالنسبه لطيرك ليه لا جرب والتجربه خير دليل وقبل ماتجرب الطريقه خله يتعود على القفص والطلوع فوق القفص

بمعنى ان تشيل الغطاء من اعلى وتضعه بشكل عرض فيكون جزء من القفص مفتوح من الاعلى دائما ستجده

يطلع فوق ويرجع داخل بكل حريه بعدها بق الطريقه هذي وشف النتائج وبالتوفيق ملاحظه القفص يكون مرتفع

وليس على الارض

تقديري للجميع



مشكور و ما قصرت :o:)

[أبو حمزة.]

بالفعل أخوي طريقتك صحيحة مئة بالمئة

وانا صارت معي انا حاطط قفص الطير فوق الخزانة ومفتوح يعني يطلع فوقه

وجنب الخزانة في طاولة قدامها مرأة وهو يحب المرأة ينزل من فوق ويقعد يصفر

ويلعب عالمرأة ولما تعطيه يدك أو أي شي مشان يطلع عليه يمد رجله عالسريع

ومجربها وبالفعل أخي صحيحة

وأسف على الإطالة

[اكون او لا اكون]

باروت فوفو طريقة الاخ سكر موجوده بالصفحه الاولى تقدر تشوفها

وانا ذكرت ان الطير هو من سيطلب الصعود وذلك برفع رجله حتى لو كنت بعيد وذلك بعد انتظار مده كافيه

اما ان تجبره او تاتي فورا لحمله فلا اظمن ذلك سواء بيدك او بالعصى والف شكر لمرورك

الاخ دكتور احتراف الف شكر لمرورك وقد يكون ماذكرت صحيح

علما اني طبقته على طيري وهو متوحش وغير اليف

هنوو بالفعل الموضوع كان صدفه واتمنى لك التوفيق وهي فرصه لتعويده الطلوع على اليد

راينوو شكر لك مره اخرى

ابو حمزه الف شكر وبالفعل هذي هي الفكره بالموضوع طلوعه على اليد بسبب حاجته للصعود الى اعلى

وهي فرصه لتعويده على الطلوع على اليد

[صمت الأمل]

خخخخ ..



طريقة حلوة وسهله ولا تكاليف ولا شيء ..



ألف شكر لكـ ..



تحياتي لكـ .




http://www.2zoo.org/get-2-2010-2zoo_org_2wjwfz6q.jpg (http://www.2zoo.org)

[اكون او لا اكون]

الاخت صمت الامل

الله يحلي ايامك الف شكر لمرورك

تقديري

[نبض قلم]

مشكوره اخوي على طرح الفكره

[كاسكوكيه]

:D

رب صدفه خيرن من الف ميعاد خخخخخخخ

[’Parrot ’fofo]

باروت فوفو طريقة الاخ سكر موجوده بالصفحه الاولى تقدر تشوفها

وانا ذكرت ان الطير هو من سيطلب الصعود وذلك برفع رجله حتى لو كنت بعيد وذلك بعد انتظار مده كافيه



مشكوور اخوي..
<الله يستر من التقريض..:(

[سكر]

عزيزي أبو غالي

بيض الله وجهك

طريقة ممتازة جداً

وهي طريقة فعّالة ودائما ينصح بها

أشكرك لأنك نزلتها في موضوع مستقل حتى يستفيد منها الأعضاء,,

وأفكر أعمل فيديو يوضحها أكثر لأنها تحتاج تدعيم لإيصال الفكرة بشكل أكبر

بارك الله فيك وكثر الله من أمثالك,,

تحياتي

[NTFA]

مشاء الله طريقة مفيدة و سريعه..

تسلم والله يكثر من أمثالك..

[salman-q8]

اكون اولا اكون

يعطيك الف عافيه

على الموضوع

تقبل ودي......}

[#عبدالرحمن#]

مشكلتكم انكم جالسين تحطون تجاربكم على طيور أليفه

طريقه مو صحيحه

جالسة ساعه أنا وياه أبيه يحط رجل وحده على يدي ورافض

وانا أتحدى صاحب الموضوع يطبق طريقته على طير غير اليف اتحدى

[سكر]

مشكلتكم انكم جالسين تحطون تجاربكم على طيور أليفه

طريقه مو صحيحه

جالسة ساعه أنا وياه أبيه يحط رجل وحده على يدي ورافض

وانا أتحدى صاحب الموضوع يطبق طريقته على طير غير اليف اتحدى

يا عبد الرحمن مشكلتك تبغى تطبق كل الطرق على ببغائك

صدقني يا غالي مالك إلا حل من الحلين,,

يا تجيب ببغائك عند واحد فينا

يا تبيعه وتشتري ببغاء أليف


أما الطرق اللي نحطها في المنتدى فهي مخصصة لناس معينين,,

مين قال لك انها تنفع معاك, عشان تقول ان الطريقة مهي صحيحة؟

الطريقة صحيحة 100% وانت مثل اللي يقول ان الرياضيات غير مفيدة,, بس لانك متخرج أدبي

أو لأن تخصصك لغة عربية,,

يا غالي على نياتكم ترزقون,,

والله ما يغير ما بقوم حتى يغيرو ما بأنفسهم,,

شفتك في أكثر من موضوع وانت زعلان ومتضايق من ببغائك,, وتنتقد طرق الأعضاء في التربية والتدريب والترويض,,

واللي أعرفه ان اللي ينتقد يجب أن يكون صاحب معرفة وعلم أولاً,, حتى يكون إنتقاد بناء,,

وإلا سيكون مجرد تهجم, وسخرية فقط,,

وصدقني احنا ما اقتنيناها الا عشان تبسطنا,,

إذا ما تحققت هذي الغاية معاك,, أنصحك نصيحة محب للخير,, انك تبيعه وتشتري ببغاء يلبي لك هذي الغاية ويبسطك

وربي يوفقك وانا أخوك

تحياتي

[بويوسف الميلاني]

سكر رحم الله البطن اللي شالك...

انا استمتع وانا اقرا كلماتك ... لا فض فوك ياغالي...

وبالنسبه لصاحب الموضوع ...هذي طريقة ممتازة وانا مجربها...

بارك الله فيكم جميعا

[3doli]

فعلا انا مجربها ولاعمره رفض

[محمدMM]

مشكور اخوي

[اكون او لا اكون]

نبض القلم العفو اخوي والف شكر لمرورك

كاسكوكيه صدقتي اختي الف شكر لمرورك استاذتي

باروت فوفو شكرا لك مره اخرى والله يقويك وموفق خير باذن الله

[اكون او لا اكون]

الاخ العزيز سكر الف شكر استاذي و وجهك ابيض

وبالفعل قد يحتاج الاعضاء للتصوير فيديو وانت عاداتك طال عمرك المواضيع المميزه

فحتى وضع الصور والمقاطع في الشروحات يحتاج الخبره لايصال الفكره وهي مالا املكها حتى الآن

بارك الله فيكم ولكم وشرفني مرورك اخي العزيز

NTFA يسلم غاليك ومغليك الف شكر لمرورك

اخي عبدالرحمن هداك الله وهداني والله اني حاس فيك ولو ماني حاس كان مارديت على أسائتك

وبالنسبه للتحدي لا والله ياخوي لاتتحداني ولا اتحداك وكفى الله المؤمنين شر القتال , وارجو منك

الحلم وسعة البال وسعة الصدر والموضوع هوايه وليست عملية حسابيه فتربيه الطوير وتدريبها يحتاج

مقومات وركائز اساسية ان لم تمتلكها فلن تتقدم خطوه واحده , يعني موضوعي هذا انا شخصيا استطيع

ان اجعله غير مناسب وغير مجدي بحركه بسيطه منها
1- ان اهجم على الببغاء هجوم وانا واقف وهو بالارض(دفاشه) وعندها والله لو كان ولدي غير يهرب مو عاد طير خائف
2- ان اجعل القفص على الارض وهو بجانب القفص فهذا كفيل بافشال العملية
3- ان لا انتظر فتره كافيه لانه يحتاج وقت ليستكشف المكان ويحاول الصعود لمكانه الصحيح
4- ان اظل واقف على رأسه ولا ابعد عنه ليحس بالامان فتره كافيه
5- ان يكون شبعان جدا و القفص اصلا ما يدانيه لاي سبب فيجد الارض اصرف له
6- ان لايكون معتاد ومستقر استقرار نفسي وغذائي في قفصه او الاستاند قبل نزوله الارض لانه لن يستفقد مسكنه

وبالنهايه آآآآسف جدا لاني طريقتي لم تناسبك وان شاء الله تلقى الطريقه اللي تناسبك وبالتوفيق

الاخ سكر الف شكر لتعقيبك وشرحك لاهنت وكثر الله من امثالك

بو يوسف الميلاني الف شكر لمرورك الجميل اخوي

اخي عدولي واخي محمد العفو والف شكر لكم لمروركم الكريم

[ابو هدهوده]

يعطيك العافية