أبي هالحلو متى بيتكلم؟

[Shama3ey]

السلام عليكم

حبيت اوريكم البلوفرنتد مالي اللي مسميه ( فطين ) لاني انقردت من خذيته و صرت نفس داوود حسين في مسلسل المقرود .. لانه بط جبدي يتكلم متى ما اهو اشتهى مو وقت اللي العب معاه او اعلمه عشان يتكلم .. يوم من ايام الاسبوع اللي طاف قال الو جم مره و الاسبوع اللي قبله قال كوكو مره وحده الحين معلق اذا سمع تلفزيون او يهال دار مداره قال ها بس مو واضحه او قام يخربط ... انا انهد حيلي ٣ اسابيع اعلمه كوكو او كاسكو و للحين مو راضي يقولهم ... ابي افتهم هالحمار متى بيصير ريال و يتكلم؟ و ابي افتهم ليش على كيفه مره يصعد على ايدي و مره مو بالعني كلش؟
على فكره انا على يوم بذبحه و بسويه مرق اذا ما صار ادمي و تكلم لوول

و هذي صورته .. قولوا ما شاء الله :)

http://q8ece.net/bird/DSC00254.JPG

http://q8ece.net/bird/DSC00253.JPG

http://q8ece.net/bird/DSC00255.JPG

[lll_o]

يا ساتر

و ليش معصب هههههههههه

سوية مرق و دق علي نتغدى عليه هع<<جيعان

الطيور الامزونيه معروفه بأنها تخزن كلام لمده طويلة

يعني تعلم فيه و تكرف معاه كرف الحمير

و بعد مدة تلاقيه اتكلم

هاذا الي اعرفه

و اذا في شي غير كذا اهل الامزوني بيفيدوك انشاء الله

[Shama3ey]

مو ذبحني يبي يمشي الامور كلها على كيفه و على مزاجه .. ما يحبني الا لمن امسك حبه سبال (فول سوداني) و اقربها يمه اهني يحبني و يتنازل شوي و يجيني ياخذها من ايدي .. غير جذي يقولي استرييييييييح

[آلتحيه]

ههههههههههههههههههههههههههههههههههههه


وربي ميت ضحك


شكله مروضك مو انت مروضه

يآحبنيلــك


خله على كيفه وكيفه يجيبه

الله يخليه لك طير جميل ماشاء الله تبارك الله

لك تحياتي

[Shama3ey]

لوول اي والله اهو اللي مروضني ... بس شسوي حبيته من اول نظره و الطير ونيس بس حضرته مزاجي مثل الشايب اللي معشينه متاخر

[بندولة حب]

ماشاء الله

طيرك مافيه عله ابد

العله فيك وهي قل الصبر طول بالك

الامزوني يتأخر باالكلام بس اذا نطق ماسكت

[mrmeemo]

ماشاء الله

[Shama3ey]

انزين يعني شكثر يطول على ما يتكلم؟ بالاسابيع ولا بالشهور؟ و شكثر تقريبا؟ انا صارله عندي تقريبا ٤ اسابيع

[بوسارة]

لول لاتذبحه يمعود هم جذي الطيور فالبدايه يدوخونك لكن يجيك يوم تقول

تتعلق فيه بس صبرك يخوي عليه والله يحفظك انت وطيرك موفق خيو

[ASOOOOOL]

أخوي كثر ملح شوي لأن الأمزوني يبغاله ملح <<< طبعا لا تنسانا

ههههههههههههههههههههههه

لا أمزح لاكن أصبر شوي عليه وغنشاء الله راح يتكلم بطلاقه

أحمد ربك أنا لي أسبوعين ولا فكر ينطق حرف واحد

[ASOOOOOL]

أخوي كثر ملح شوي لأن الأمزوني يبغاله ملح <<< طبعا لا تنسانا

ههههههههههههههههههههههه

لا أمزح لاكن أصبر شوي عليه وإنشاء الله راح يتكلم بطلاقه

أحمد ربك أنا لي أسبوعين ولا فكر ينطق حرف واحد

[ملآكـ]

مااشااء الله

يجنن الطير

اصبر يااخووي الصبر زين :)

بس شكله متعبك بالحيل ::64:

ذكرني بطيري اللي قبل كاان مهبل فيني <<<مسوووي فيهاا انا رجاال غصب :12::12:

بالتووفيق

اختك

ملآكـ