حبيت اربي القولد فيش

[salman-q8]

السلام عليكم والرحمه

شبونكم شخباركم

انا ببدي بالموضوع على طول

انا ربيت القولد فيش من زمان بس ما يتمون عندي

وانا ابي منكم معلومات لو عادي

يعني انا بحطهم بالحوض البلاستك وشنو لازم احط فيه غير الصخر

والنباتات الحيه و متى اطعهم وشكثر الاكل اللي احطه لهم

وهل لازم احط لهم الاوكسجين ومتى اشغله ومتى اطفيه

وبس واسف على كثر الاسئله :shy:

[العقرب الامبراطوري]

و عليكم السلام
سمكة القولد فش سمكة صعبة
اول شي صعب تربيتها في الحوض البلاستيكي
و هي تحتاج اكسجين و سبب موتها عند الناس دائما هو نقس الاوكسجين لازم تحطلها فلتر
الاكل : تعطيهم 3 مرات في اليوم و لكن بكميات قليلة
و انا حاضر لو عندك سؤال

[*حامي الحيوان*]

أخوي تقدر تربيها بحوض بلاستيك

بس لازم تراعي أنه مايكون صغير زيادة عن اللزوم

ألي تحتاجة صخور ( فرشة الحوض )

و أذا تبي تقدر تحط ديكورات بس النبات الطبيعي ما يصلح لعده أسباب :

1_ القولد ما يتركة لك راح يأكله
2_ النبات يحتاج لعده مستلزمات منها ثاني اكسيد الكربون وتوفيرة صعب
3_ النبات البلاستيكي أفضل أذا حبيت تظيفة

وأذا الحوض يكفي تقدر تحط لهم أكسجين صغير

وبالنسبة للأكل فا أنصح لا تسوي مثلي كنت أحط لهم وأنا مدري بكميات كبيرة

أسهل شيء تقدر تسوية تعطيهم الاكل حبه حبه

وتنتظر لين يشبعون بهالطريقة تظمن انهم أكلوا الاكل كله

وأنه ما يطيح في قاع الحوض ويتعفن



وبالتوفيق في التربية



تحيااااااااااااااااااااااااااااااااااااااااااااااااااااااااتي

[انجل مان]

اذا بتربي كميه .. يعني مو سمكه وحده .. اقل حوض .. 30 سم .؟؟ والسمك يكون صغير ..

وما يتعدون 5 سمكات .. وتضع لهم فلتر اهم شي لان القولد يوسخ كثير .. وسخان صغير والديكور على كيفك .. بس اهم شي بدون نباتات طبيعيه .. ولا احجار كبيره جارحه ..

وبالتوفيق

[salman-q8]

مشكورين حبايبي

على مساعدتكم لي

ويعطيكم الف عافيه

ونشاءالله تكون من ميزان حسناتكم