كروااني مريض جدا جدا

[ملسونه_تشان]

السلام عليكم ورحمه الله وبركاته
كرواني مريض من 3 ايام
وامس وديته البيطري وعطاه فيتامينات 3 قطرات في اليوم
ومضاد بابره احطه في الماي لمده خمس اياام
والحين صار له يوومين وماتحسن
ومره خااامل ولا يتحرك وكاان اذاشرب الماي يرجع كل شي
بس الحين ماصار يرجع ولايااكل شي ابدا
اتمنى تسااعدووني باسرع وقت
تكفووون:(:(:(:(

[ملسونه_تشان]

يااليت احد يرد بسرعه ويطمني
لانه شكله مره تعباااان ومنزل رااسه
ومايمسك يدي بقوه

[بوخالد87]

عليكم السلام
اختي ملسونة انا عندي كروان مرت عليه حالة قريبة من حالة طيرك بل اعظم لدرجة انه صار مايقدر يوقف على رجوله
وديته لبيطري عطاني مضاد حيوي و(فاتح للشهية) وانصحك انك تاخذية علشان يرجع طيرك ياكل باذن الله
زيادة على ذلك سويت خلطت الثوم والليمون وزدت عليها تفاح وطحنتها زين واخذت منها بالابرة واكلت كرواني منها غصب
يعني غريته كانه فرخ
وبعد كم يوم الحمدلله رجع مثل اول واحسن
وحبيت اقولك ركزي في برازة تكرمين كانه طبيعي ولا لا
لان بعض الامراض تخلي الطير مايقدر يهضم الحبوب ولا يقدر يخرجه الا بصعوبة علشان كذا ماياكل
واسال الله ان يشفي طيرك ويرده مثل اول واحسن

[ملسونه_تشان]

مشكووور اخوي على الرد
بس من وين القى فااتح للشهيه موجود عند البيطري؟؟؟؟
وخلطه الثوم واليمون والتفااح كيف اسويه
وبراازه ونت بكراامه صار بس يطلع ابيض سائل يمكن لانه ماياكل
وياارب يرجع نفس اول لانه شكله يقطع القلب

[hassn1402]

الخلطه انك تطحني وتكبسي على الثوم حتى تطلع منه العصاره وتضعي معه الليمون
والتفاح والتفاح لازم تطحنيه ايضا يعني لين يصير بشكل شبه سائل
وتخلطيهم مع بعض
فاتح الشهية تحصليه عند البيطري
وان شاء الله يرجع لك بالسلامة

[ملسونه_تشان]

مشكووو اخوي مااقصرت
وبروح اسوي الخلطه الحين
لانه ماصار يوقف عدل

[ملسونه_تشان]

عندي استفسار بسيط
انا ودي اوقف عنه الدواء
لانه زااد من استخدمته
بالاول كان بس خاامل الحين ماصار يقدر يوقف
وبستخدم خلطه الثووم والتفاح احس انها أفيد عاادي؟؟؟

[kaserii]

لا توقفي الدواء،
أي دقيقة تمر بدون علاج تقربه خطوة من الموت، أنا أتساأل إن كان يستطيع الوقوف على المجثم، إذا كان لا، حاولي الحفاظ على نظافة أسفل القفص، وإن اضطررت لإطعامه غصب لا تقصري.
الثوم والليمون حل جيد مع الدواء.

أهم شيء الطعام والشراب، إذا توقف عنهما، سيموت حتماً في غضون يوم أو اثنين على الأكثر

[عمري]

انا اتوقع المشكلة من المضاد ممكن الكميه زايدة عليه نفس مشكلتي مع الفرخ ومات لابد يتخفف المضاد
/ارجع للعنوان / الفرخ مات ذكرت القصه كاملة

[hassn1402]

ادا ممكن تعطيني الجرعه اللي تستخدميها مع الطير بالتفصيل
ويا ليت مع الصور حتى اشوف جرعتك صحيحه يمكن هذا اللي ضره

[عمري]

الفرخ الصغير مات قبل قليل /على كلام البيطري 1سانت من المضاد يوضع في 1لتر من الماء ثم يؤخذ من هذا الماء 1سانت ويعطا للكروان /ولاكن قالي هذا الكلام بعد مااعطيت الفرخ 1سانت من المضاد بدون ما اخففه بالماء /الحمدلله اول تجربه اول انتاج والانسان يتعلم /وقدر الله وما شاء فعل ياليت مواضيع اسباب المرض وعلاجه تكون موجوده في المنتدى وتثبت لان مرات مايسعف الوقت حت يسال الشخص بالتوفيق

[ملسونه_تشان]

الطير ماات اليوم رجعت من الدوام الظهر ولقيته ميت
شكله نفس مرض اخ عمري
بسانا كنت احط له واحد سانت في علبه الماي في القفص
شكله كان ثقيل عليه لانه كان افضل قبل المضاد
الله يعوضنا خيرر ياارب:(

[hassn1402]

الطير ماات اليوم رجعت من الدوام الظهر ولقيته ميت
شكله نفس مرض اخ عمري
بسانا كنت احط له واحد سانت في علبه الماي في القفص
شكله كان ثقيل عليه لانه كان افضل قبل المضاد
الله يعوضنا خيرر ياارب:(
الله يعوضك خير ان شاء الله
جالي توقع انك زدتي الجرعه عليه
لانه غريبه مضاد وتجي اعراض قوية
على كذا انا سالتك من قبل شنهي الجرعه اللي كنت تعطيها اياه
المفروض من اي شخص ياخد في عين الاعتبار ان اي دواء يصرف له
انه يراعي ان اللي بيشرب الدواء هو طير وما عنده طاقة تحمل كبيره
يعني ينقص من جرعه الدواء ولا يزيد منها
وهذا شي انا اتبعه مع جميع طيوري
وشنهو تقصدي
بواحد سانت
انا راح اعطيك بالصور لطريقة وضع الدواء بحيث لا يضر الطير من حيث زيادة الجرعه
والله يعوضك منه ان شاء الله

[ملسونه_تشان]

مشكوووور اخوووي على الاهتماام
وااسفه كنت اقصد وااحد مل والدواء كان شفاف
بس البيطري مااقال مقدار المااي الي احطه
فيه عشان كذا حطيته في علبه الماي الي في القفص
يعني انا السبب في موته
وهو صغير توه مكمل 3 شهور
يااليت اخوي اذا ماعليك تعب تحط مووضوع عن هذا المرض
وطريقه علاجه ممكن احد يستفيد اذا مرض طيره
ولايصير له مثلي ويرتكب نفس غلطي