التهيئة للانتاج

[بوخالد87]

السلام عليكم ورحمة الله وبركاته
اخواني الاعزاء خبراء الانتاج للكوكاتيل
ابغى افادة عن الظروف اللي لازم اوفرها لكي احصل على انتاج من جوز كوكاتيل اليف
يعني الجوز اللي عندي اليف دايم مهدود وعلى كتفي وابغى احصل منهم على انتاج
هل هذا ممكن؟
وكيف؟

[مـغرد]

ممكن وهو الأحسن .
ليش ؟
لانه راح يكون متعود عليك وماراح يخاف منك ومايبيله فترة ليتعود عليك .
المهم اولا اذا تأكد من اجناسهم اذا كانو ذكر وانثى وبالغين 100%
ضعهم في قفص متوسط او مثل قفص الكاسكو العادي .
وضع لهم العش المخصص لهم بالقياسات المناسبة .
ووفر لهم بعض الراحة ولا تشيل على العش كثير .
واهتم لهم في التغذية وخاصة البيض بالبقسماط : http://www.2zoo.com/vb/showthread.php?t=125731 .
لانه محفز جنسي للطيور .
وان شاء الله تشوف أحلى إنتاج .

[عاشق~الحمام]

اخوي مثل ما قال مغــرد بس إذا تبيهم ينتجون لا تطلعهم كل يوم برا القفص طو الوقت علشان يأخذو على القفص والبياضه والوضع ويبدأ الذكر في التلقيح

[جرافيك بلس]

ان شاء الله بكون معك خطوة بخطوة لأني نجحت بالتفريخ والحمدلله

أهم شي أهم شي أهم شي ، العش الجيد من الخشب ، والدفئ الكافي والمتوازن لحرارة الغرفة ،

والله انا طول فترة الحضانة والتفقيس وللآن حاطط لهم مدفأة كهربائية بالغرفة قرب القفص

أتمنى لك تفريخ سليم بإذن الله ،، نحن بالخدمة

ولا تنسى خلي صبرك طوويل ، وانسي ان عندك طيور تحب تلعب معاها

لازم طيورك تعيش في خلوة لوحدها ، بدون اي تدخل منك ،

للعلم الأنثى عندي أليفة ومدربة بس الذكر نص نص ،،

[بوخالد87]

يعطيكم الف عافية على الردود
والله انكم شجعتوني من بعد احباط
لان بعض الاشخاص قالوا لي ان الجوز الاليف لا ينتج
بس بعد ماقريت ردودكم تشجعت
فشكرا الف يااخواني الاعزاء