المساعد الشخصي الرقمي

مشاهدة النسخة كاملة : ابي اشتري كاسكو فهل من مساعده

قناص الأحساء
04-03-2010, 07:59 PM
السلام عليكم ورحمه الله وبركاته

اخباركم

ما شاء الله تبارك الرحمن دخلت المنتدى وحسيت اني استفد اكثير من نصائحكم وتوجيهاتكم لطيور

انا احب الطيور وعندي من الطيور هو بلابيل ومينو

المهم حبيت اشتري كاسكو بس ما ادري ولا اعرف شنهو اشتري

كلمت واحد يصير نسيب صديقي يقول على انه يعرف للكاسكو

قالي جيب 1500 ريال وجيب القفص حقك واجيب لك واحد

بس انا ما ابي اخذ واحد وبس

ابي فرخ وابي انا اعلمه واربيه

عاد حبيت تعطوني من خبرتكم شنهو نوع واسم الكاسكو الي اشتريه

وكيف اعرف الكاسكو انه زين ولا مو زين

فأرجو انكم تفيديوني لان اسبوع الجاي بشتري واحد ولأول مره اشتري
شايب حائل
04-03-2010, 08:20 PM
الي اعرف اخوي انك تاخذه عمره من 6 الى 8 شهور طبعاء الطير قدامك يبين ريشه شكله حركاته في القفص مثل الخروف لا جيت تشريه يبين الخروف التعبان والخروف الطيب هذا مثله قدام عين يبين والله يوفقك هذا الي اعرفه واعذرني اذا غلطت
روجيادا
04-03-2010, 08:50 PM
نصييييحة لا تاخذ فرخ اقل من 6 شهور وتحسس عضمه صدره اذا كانت مبينه لا تاخذه وافتح منقاره لازم يكون خالي من الحبوب ويكون ريشه مكتمل ونظيف ومايكون في رطوبه ف ريشة ولا تحت اجنحته وعينه لامعه وفيها بريق ويكون نشيط ويتحرك ما انه يكون خامل
هذا اللي عندي وانتظر ردود الخبراء بس اهم شي لا تاخذ اقل من 6 شهور
واختار نوع جمبو وت تتأكد ان اللي اخترته حمبو من بعيد شوي تبين عين الفرخ سودا كامل ومن قريب تبين سودا من النص محددة بالبني الغامق
’Parrot ’fofo
04-03-2010, 09:18 PM
دامك مبتدئ ما انصحك تاخذ فرخ صغيير ..أقل شي خذ 7 شهووور...
ودامك تعرف نسيب صديقك خلاص رح معه وخله هو ينتقي لك...
الجوهر
04-03-2010, 09:21 PM
عزيزي قناص الاحساء

اذا كنت تسكن في المنطقه الشرقيه عندك سوق القطيف وراح تلقى فروخ كثيره وانصحك تاخذ معك خبير

اما اذا كنت في الرياض فبكره الجمعه ان شا الله تروح تلاقي المحلات مليانه والحراج مليان

في حي العزيزيه سوق كبير والافريقي والامزوني متوفر بكثره ولله الحمد واسعارها في متناول الجميع

موفق اخي
قناص الأحساء
04-03-2010, 11:52 PM
الف شكر لكم وعلى تواجدكم

مشكورين وما قصرتو على هذي المعلومات واي معلومات ثانيه لا تبخلو علينا

دامك مبتدئ ما انصحك تاخذ فرخ صغيير ..أقل شي خذ 7 شهووور...
ودامك تعرف نسيب صديقك خلاص رح معه وخله هو ينتقي لك...

طيب اخوي الي عمره 7 اشهور اقدر اعلمه يتكلم !!!

سؤالي الثاني ....؟؟؟

طيب اخوي ابي اعرف كم قيمتهم ....؟؟؟
’Parrot ’fofo
05-03-2010, 02:41 PM
أكيد تقدر تعلمه 7 شهوور عمر ممتاز...
اما اسعاره...اليوم الجمعه رح للسوق وش كل شي...d