ارجو الافاده جزاكم الله خيرا

[apu_reemas]

السلام عليكم ورحمه الله وبركاته
كيف حال الشباب ان شاءالله مبسوطين

عندي سؤال وارجو افادتي جزيتم خيرا

شريت كاسكو قبل ثلاث اسابيع من شخص وفيه حجل ضيق عمره تقريبا سنتين صاحبه قالي مايتكلم بس ممكن تعلمه المهم شريت الطير انا لي خبره بسيطه فيها وعندي 5 كاسكو متكلمه وامزوني بلوفرنتد

بس الطير 3 اسابيع ماصفر تصفيره وحده الي ابي اعرف هل يوجد طيور بكمه او اصمه او ماتسمع نهائيا هاذا الي خلاني اشك واسالكم واكيد بتجاوبوني


وتقبلو تحياتي ,.,,,

[د. إحتـراف]

بسم الله الرحمن الرحيم

السلام عليكم ورحمه الله وبركاته

اخي العزيز لا اعتقد انه يوجد طير ابكم لاني لم اقابل طير ابكم

ثانياً يمكن يكون طيرك واجه معامله سيئه جدا جدا وامتنع عن الكلام

اول ماتعمله عزل الطير عن بقيه الطيور في اول 3 ايام من العزل ينام الطير من الساعه 10 الليل وبعد الفجر تعطيه الاكل والماء بنفسك

حاول تجلس من الطير اكثر وقت ممكن حتى يتجرأ ويولف عليك يعني اذا سمعته يصفر وانت موجود

اجلس مع الطير ساعات طويله لكن بدون ماتعطيه أي بال ولا يكون فيه تلفزيون يشتغل او راديو

كثر له الالعاب والعب معاه انت بنفسك

اذا سمعت الطير يصفر وانت موجود هنا الحمدلله عدت المرحله وترجع تحط الطير عند باقي الطيور وهو راح يتعلم منهم

انا واجهت مثل مشكلتك بالضبط من سنتين وسويت هذي الطريقه والحمدلله الطير رجع يتكلم لكن ماولف الا على انا وغيري يجعر في وجهه ويعضه

تقبل مروري

http://up.arab-x.com/Feb10/z1Y12897.jpg

[apu_reemas]

الله يجزاك خير اخوي

ويدخلك انت ومن تحب فسيح جناته


سوف اعمل بالطريقه باذن الله وابشرك اذا نطق :o

[ProOoF]

بضيف ع كلام المبدع د . إحتراف جزء بسيط

واجهت طير لاينطق بتجربه سابقه وكأنه محنط ولاتميز بأنه حي إلا بحركته

لكن طريقه د إحتراف ممتازهـ , لكن تقدر تتأكد بهالحاله بوضع الطير بالشباك ( الطاقه ) الصباح , وإذا تفاعل مع الأصوات الخارجيه والطيور تتأكد وقتها بأنه لقي معامله سيئة , وممكن تكون طريقه علاجيه لفتره بسيطه

0000000000

بالتوفيق ,

[apu_reemas]

بضيف ع كلام المبدع د . إحتراف جزء بسيط

واجهت طير لاينطق بتجربه سابقه وكأنه محنط ولاتميز بأنه حي إلا بحركته

لكن طريقه د إحتراف ممتازهـ , لكن تقدر تتأكد بهالحاله بوضع الطير بالشباك ( الطاقه ) الصباح , وإذا تفاعل مع الأصوات الخارجيه والطيور تتأكد وقتها بأنه لقي معامله سيئة , وممكن تكون طريقه علاجيه لفتره بسيطه

0000000000

بالتوفيق ,



اشكرك اخوي على تفاعلك في الموضوع

وماقصرت الله يجزاك خير

[naasooh]

الكاسكو
من اطيور المتكلمه
هل
في كاسكوو ما يتكلم؟؟
أي نعم فيه
إذا اهمل من صاحبه
او تم عزله بتاتا
اما
بالنسبه لطيرك
فهذا ألأمر طبيعي
اصبر عليه
لأنه حاليا يستكشف كل المكان حتى ألأشخاص
حاول انك تجلس امامه وتكلمه بهدوء وتكررها عليه
وشغل المسجل بالكلمه نفسها مكرره
متى يتكلم؟؟؟
يختلف سرعة ألأستجابه من طير الى طير
بس كل ماا حس بألأمان بالمكان
راح يساعده بالتعليم
والف مبروك عليك اطير