ارجوكم ارجوكم ارجوكم ثم ارجوكم اعطوني حل وخلصوني من حيرتي

[الصقر122]

السلام عليكم

راح اختصرلكم وش صار معاي اليوم

طبعا رحت اليوم العصر لمحل لبيع الطيور ادور على كاسكو اليف
اقدر امسكه واطلعه على يدي وامسح على راسه
وبعد ما دورت لقيت طير " كاسكو "
عمره يمكن من سنه وشهرين لـ سنه و4 شهور اذا ما كان اقل
وقالي صاحب المحل انه اليف ويطلع على اليد واقدر امسح على راسه
وبالفعل طلعه من القفص وكان فيه جعره على خفيف ، لكن مسكته
ومسحت على راسه ووقف على يدي ، واتفقنا وشريته

" وش صار بعدين "

طبعا قبل ساعتين تقريبا وصلت البيت
واول ما وصلت قلت خلني اطلعه من القفص
وادلعه وامسح على راسه واخليه يطلع على يدي
وتفاجأت انه يصارخ ويجعر جعير بعير ماهو ببغاء
قلت ما عليك الطير اليف حاولت امسكه
والله عضني عضه خلاني اصيح
والحين اكتب هالموضوع واصبعي يسيل دم والله

-----------------------------------------------------------------------
طيب وش السالفه ، لو قلت خدعني صاحب المحل
كيف طيب هناك مسحت على راسه وطلعته على يدي

عموما انا محتار والله وابي مشورتكم
ارجوووووووووووووكم لا تبخلوا على باي شي تعرفونه


راح انزلكم ان شاء الله صورته وصورة اصبعي المجروح:D

-----------------------------------------------------------------------
طبعا بعضكم يعرف اني شريت كاسكو قبل اسبوعين وسميته " ريكو " والحين خليتهم مع بعض
يطالعون فيني وما كأنهم مسوين شي :(
والحمد لله

[ProOoF]

سلامتك وماتشوف شر , ومبروك عليك الطير

طالما أنك بـ 2zoo لاتشيل هم

أول شيء طبيعي الي سار وممكن يسير مع أي أحد

طيرك قوي ومستنكر المكان عكس المكان الي كان فيه

كل الي عليك أتركه فتره ليتعود ع مكانه الجديد والناس الي حواليه

خليه من 3 أيام إلى أسبوع يتعرف ع المكان والناس الي بيتعايش معهم

وكل الي عليك بهالفتره غيرله المويه والاكل فقط , ولا يحس أنك تشكل عليه خطر

وبعدها بإذن الله بتشوفه مثل ماكان بالمحل

نقطه مهمه : أنتبه عليه أنه يتعرض للضرب أو الخوف من كل أفراد البيت ( الله يحفظهم )


00000000000

بالتوفيق لك ,

[الصقر122]

سلامتك وماتشوف شر , ومبروك عليك الطير

طالما أنك بـ 2zoo لاتشيل هم

أول شيء طبيعي الي سار وممكن يسير مع أي أحد

طيرك قوي ومستنكر المكان عكس المكان الي كان فيه

كل الي عليك أتركه فتره ليتعود ع مكانه الجديد والناس الي حواليه

خليه من 3 أيام إلى أسبوع يتعرف ع المكان والناس الي بيتعايش معهم

وكل الي عليك بهالفتره غيرله المويه والاكل فقط , ولا يحس أنك تشكل عليه خطر

وبعدها بإذن الله بتشوفه مثل ماكان بالمحل

نقطه مهمه : أنتبه عليه أنه يتعرض للضرب أو الخوف من كل أفراد البيت ( الله يحفظهم )


00000000000

بالتوفيق لك ,


مشكوووووووووووووور ويعطيك العافيه والله يبارك فيك

لكن متأكد انه امر طبيعي حتى لوكان الطير اليف
وصاحب المحل يحلف يقول والله حمامه!!

والصح اني اخليه داخل القفص ولا خارج القفص
لانه الحين جالس برى القفص ومروق وهاديء

يعطيك العافيه

[د. إحتـراف]

بسم الله الرحمن الرحيم

السلام عليكم ورحمه الله وبركاته

اخي العزيز اجابك اخوي العضو ProOoF جزاه الله كل خير واذا يسمح لي ازيد اشياء خفيفه على كلامه

لو تترك الطير داخل القفص في مكان داخل البيت عشان يتعرف على اهل البيت ويكون المكان هذا يكثر فيه الرايح والجاي

خله فوق طاوله او كرسي لـ مده اسبوعين كامله فقط قدم له الماء والاكل وانت تناديه بأسمه

لا تحاول تضايقه مثل ماقال اخوي العضو ProOoF في هذه الاسبوعين بعد هالمده أبدا طلعه من القفص


تقبل مروري

[ProOoF]

مشكوووووووووووووور ويعطيك العافيه والله يبارك فيك

لكن متأكد انه امر طبيعي حتى لوكان الطير اليف
وصاحب المحل يحلف يقول والله حمامه!!

والصح اني اخليه داخل القفص ولا خارج القفص
لانه الحين جالس برى القفص ومروق وهاديء

يعطيك العافيه


الأفضل تجنب الطير بهالفتره للتألف ع أهل البيت ويتطمن , وهي فتره لابد منها مع كل طير جديد وبمكان جديد

ولايمنع إذا طلع وتركته هو يطلع وينزل , بس التعامل لابد بعد فتره من الوقت

[الصقر122]

بسم الله الرحمن الرحيم

السلام عليكم ورحمه الله وبركاته

اخي العزيز اجابك اخوي العضو ProOoF جزاه الله كل خير واذا يسمح لي ازيد اشياء خفيفه على كلامه

لو تترك الطير داخل القفص في مكان داخل البيت عشان يتعرف على اهل البيت ويكون المكان هذا يكثر فيه الرايح والجاي

خله فوق طاوله او كرسي لـ مده اسبوعين كامله فقط قدم له الماء والاكل وانت تناديه بأسمه

لا تحاول تضايقه مثل ماقال اخوي العضو ProOoF في هذه الاسبوعين بعد هالمده أبدا طلعه من القفص


تقبل مروري

مشكوووووووووووووووور وما قصرت وما قصر ProOoF
لكن اخي ProOoF يقول عادي لو خليته خارج القفص
وانت احسك تأكد على بقائه داخل القفص فأيهما افضل

[د. إحتـراف]

اخوي الصقر ,

الغرض من بقاء الطير في قفصه راح يكون متابع لـ اهل البيت بكل هدوء وبدون خوف وتوتر

لكن اذا كان برا القفص يمكن يكون متوتر وخاصه انه له كم ساعه عندك

وراح تلاحظ هذا الشيء بنفسك من صغر سواد العين يعني تشوفها تصغر وتكبر وهذا دليل

على ان الطير متوتر وخائف وراح يكون طبعه الشراسه .


انت شوف الطير اذا كان مو متوتر وعادي واموره طيبه خله يطلع برا مافيه مشكله واذا كان العكس

خله داخل القفص افضل

تقبل مروري

[لوتيه]

ماشاء الله عليهم ماقصروا معاك الاخوان:88: بيض الله وجيهم
وانا بعد انصحك تخليه فالقفص لين يتعود على البيت و ان شاء الله نشوف عيالهم :D
ومبروك عليك الطير ..

[in my dream]

هلا اخوي صارت معي تقريبا زي سالفتك شريت كاسكو وكان اليف وعلى اليد وقدامي ويوم جبته للبيت صار العكس خايف ويعض وبعد فترة يمكن عشرة ايام صار الوضع طبيعي بس ضروري ضروري تكون انت المسؤؤل عن اكل الطير وتنظيف القفص حتى يرتاح لك والله يبارك لك فية انشاء الله

[الصقر122]

هلا اخوي صارت معي تقريبا زي سالفتك شريت كاسكو وكان اليف وعلى اليد وقدامي ويوم جبته للبيت صار العكس خايف ويعض وبعد فترة يمكن عشرة ايام صار الوضع طبيعي بس ضروري ضروري تكون انت المسؤؤل عن اكل الطير وتنظيف القفص حتى يرتاح لك والله يبارك لك فية انشاء الله

الله يطمنك

لاني خايف انه ما يرجع اليف زي ما كان

والله ياخوان انه في المحل كان حمامه ماهو ببغاء

وهذا اللي خلاني ماهو استغرب بس الا اتجنن

[ليش لا]

شي عادي والله لو كان عصفور بيسوي كذا

بس خليه يتعود اسبوع يعني وبيرجع مثل اول واحسن مع التدريب طبعا

وانت خليه بالقفص وكل يوم طلعه على الاقل ساعتين الى 3 ورجعه << شي راجع لك .