للخبراء فقط

[THE STALION]

:( :( :( :( ياأخوان الكلب اللي خبرتكم عنه جرو الجيرمن ال6شهور فجأة صار ما ياكل ولا يشرب وهو معروف من بين كلابي أكثر كلب شهية مفتوحة للأكل حتى الخضروات ما يقصر فيها بس البارحة لين اليوم ما أكل ولا شرب شي ولا يقدر يشيل عمره بالمرة ويتألم بأنين خفيف, ويوم شربته ماي لأني شفت لعابه صار لزج جدا مثل الصمغ أستفرغ بعدها بدقايق ولا حظت وجود (حبة) طالعة على اللثة في الفك العلوي فهل هي حمى أم مرض أم ماذا؟؟؟؟ساعدوني جزاكم الله خير...:( :( :( :(

[بو راشد]

اكيد يا اخي مرض واذا حرارته مرتفعه يعني حمى

اتمنى ما يكون البارفوو .. واتمنى انك تكون طعمته

الرجاء اخذه الى البيطري في اسرع وقت .. اهو الوحيد الي بيقدر يفيدك

لا تتاخر عليه

وشكرا

[trpass]

البيطري لا غيرو يحلك اسرع ولا تهملو

[THE STALION]

والله يا خوي بوراشد الموقع تسلم عليه حلو بس ما يفيد أصحاب الجيرمن بل يفيد اللي يبي يعرف شو هو الجيرمن اليوم في بيطري ويوم تكون في وضع ما في بيطري شو بتسوي؟الحمد لله تصرفت بنفسي لأن صاحب الجرو خبرني بشيء كان يظنه عادي وهو الأسهال بس هذا المرض سواله جفاف حاد والحمد لله قدرت ألحقه بالنصل (جلوكوز)أو المغذي لأن البيطري بعيد عني والحمد لله تعلمت من أصحاب الخبرة فحاولوا ياأخوان تتعلموا الأعراض وما تتجاهلوها علشان تعالجون كلابكم بأنفسكم والبيطري تراه مب دوم موجود علشانكم والحمد لله جروي بخير وردت فيه الروح ماشاء الله عليه جسمه تقبل العلاج بسرعة,وأشكركم عا المرور ياأخوان والسموحة يابوراشد مب القصد أي شي عا الموقع بالعكس الموقع ممتاز للتعليم بس المرض اللي ذكرته يصيب كل الكلاب والمقصد هنيه انه محد يعتمد كل الأعتماد على البيطري لازم لصاحب الكلب الخبرة الكافية لمعالجة كلبه ولو الأسعافات الأولية وهذا اللي اريد الأخوان يعرفونه لأني مريت في الموقف وفي مكان معزول مافيه بيطري بس الحمد لله أدواتي معي

[بو راشد]

وشدخل الموقع اخوي .. !!

انا ما يبت طاري اي موقع اكيد انك فاهم غلط

وصح الي تقوله .. بس مهما كان درجه معرفتك كل الي تقدر تسويه ممكن تسميه اسعافات اوليه

مستحيل توصل لي علم البيطري الي دارس سنين وبالتفصيل ومتخصص

وغير خبرته وآلاف الحالات الي مرت عليه

وخصوصا اذا كان شي تاعب الكلب لي هالدرجه

وبالنسبه للموقع فاكيد يفيد اي حد عنده جيرمن كزياده للمعرفه وعشان يعرف شعنده ويعرف اكثر عن الحيوان الي يربيه من كل ناحيه ... مو بيطره !!

[THE STALION]

أشكرك شكر خاص يابو راشد على تفاعلك معي في الموضوع وروحك الرياضية العالية وأسمحلي اذا أسأت في التعبير ترى مرات الواحد يخربط في كلامه والأنسان مهب معصوم عن الخطأ وأكرر شكري لك وتحياتي
أخوك The Stalion ......

[بو راشد]

لا عادي يالغالي .. لولا اختلاف الآراء لبارت السلع !

وانت واعضاء المنتدى غاليين علي ومحد يزعل من اخوه .. واسمحلي انا بعد ان قلت شي زعلك مني مناك

والسموحه يالطيب :)