أبي عمر الطائر وحل لريشه لو سمحتو

[أريام]

بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بالخير والمسرات في الحقيقه أنا سعيده لإنضمامي لهذا المنتدى الرائع المهم

أنا شريت طائر كاسكو لكن عندي بعض الإستفسارات وهي


1ـ ريشه منتوف ودائماَ الطائر يحك أو ينظف ريشه .

2ـ ودي أعرف عمره هل هو عجوز أم لا ، الصور في الأسفل .

3ـ كيف أجعل شكله رائع مثل الطيور الأخرى ، لأن منظره الحالي مفرق .

والطائر شكله متعرض لضرب أو لا أحد يراعيه ، وريشه صغير وناعم ولما أحك الطائر يكون في يدي مثل البودره البياض .




وشاكره لكم تجاوبكم

http://img101.herosh.com/2010/03/10/481479153.jpg

[أريام]

إذا الصوره مو واضحه أنزل لكم صور ثانيه

[nawaf686]

والله يا حبيبي من انا ما عندي خبره بس من المواضبع الي قريتها في المنتدى
اقدر اقولك انه كبير يعني فوق السنتين والله اعلم وانشالله يفيدونك الاخوان اكثر

وبنسبه للريش استخدم الصبار وانشالله راح يفيدك

وهذا رابط
http://2zoo.com/vb/showthread.php?t=135812&highlight=%CA%CD%D6%ED%D1+%C7%E1%D5%C8%C7%D1

ادخل عليه وانشالله بتستفيد

[أريام]

فوق السنتين يعني مافيه أمل إنه يتعلم الكلام أو الطلوع على اليد

عموماً مشكور على الرد والفيديو

[nawaf686]

الا انشالله راح يتعلم بس انه يبي له تعب شوي
يعني اول شي الحين حاولي تصلحين ريشه
جربي الطريقه حق الصبار وانشالله يزين ريشه
وبعدها انشالله راح يتعلم
لاكن اصعب من الصغير يعني الصغير يتعلم اسرع من الكبير
واقري المواضيع الي في المنتدى حقت التدريب وانشالله ينجح معاك بس اول شي عالجي الريش
بعدها دربيه

[أريام]

وهذي صوره أكثر قرب للعين

http://img101.herosh.com/2010/03/10/689035721.jpg


ومشكورين على تجوابكم

وأبي رايكم هل أبيعه وأشتري غيره ولالا

[د. إحتـراف]

بسم الله الرحمن الرحيم

السلام عليكم ورحمه الله وبركاته


اختي العزيزه اريام ,

طيرك عمره من سنه ونص الى سنتين , وهذا مو معناه ان الطير ماراح يتعلم الكلام او الطلوع ع اليد مثل ماقالو اخواني .

لا يا اختي يمكن يكون طير ذكي يفهم بسرعه ويمكن يكون متحدث بارع

كل هذا يمكن يصير بس يبغاه وقت اطول وتعب مكثف حبيت اقولك هالكلمتين فقط تعديل لكلام اخواني


اما رأيي في الطير واضح انه يمر في حاله نفسيه سيئه جدا والدليل النتف الي موجود على الطير

يمكن تكون حاله نفسيه ويمكن يكون الطير من زمان ماتروش وصار يحك نفسه وينتف الريش

روشيه بـ شويه مويه فاتره واذا كان الطير اليف فقط قومي بـ لمس الجلد وانتي ترشين المويه عشان تنزل الاشياء العالقه .

انا عندي سؤال اختي يحدد مصير الطير عندك , الطير كم له عندك ؟ وهل هو اليف ؟

والسـؤال الاهــم من يوم جبتيه سمعتي منه أي شي تصفير او شي زي كذا ؟

انتظر ردك

[أريام]

الطير له عندي اسبوع واحد فقط ،،،

هو أليف وماهو أليف يعني يلعب بالققص ويتحرك وكأني مو عنده ، بس لما أقرب منه كثير أو أبيه يكرب على يدي يجعر لكن خفيف والغريب إنه مايعض وإذا عض تكون خفيفه جداً جداً يعين بس يطبق منقاره ،،


أما الأصوات نعم يصفر بالصباح فقط والغريب مره صويت صوت بفمي وقلدني ثم كررت وقلدني وبعدها ماقلدني أبداً

وشاكره لك أخي د/ محترف على حسن تعاونك

[أريام]

8888
888
88
8

[د. إحتـراف]

اختي العزيزه ,

من كلامك الطير شبه اليف ومايعض وذكي

على كلامك عنه خليه عندك لا تبيعينه ولفيه انتي واجلسي معه كثير

حطي له العاب كثيره وكل يوم طلعيه ولعبيه انتي بنفسك عطيه قلام خشب

واذا تبين تروضينه او تعلمينه الكلام انا في الخدمه

اسف ع التأخير


تقبلي مروري

[أريام]

نعم قررت أروضه بس ما أعرف كيف مع الرغم إني قريت كل المواضيع المتخصصه بالترويض

أنا أبيه بس مايخاف مني ، لما أقرب منه بس يهوش وينتفض ما أدري أيش فيه

والي حببني فيه إنه مايعض أبداً بس يخوف .

أنا أبي الخطوات الي تخليه يألفني ومايخاف مني لو سمحت


ولك كل التقدير والإحترام

[د. إحتـراف]

أبشري ,

مشكله الخوف حلها سهل بأذن الله بس تحتاج صبر ولا تحتاج جهد

اولا الجلوس مع الطير اكثر وقت ممكن

ثانيا مايكو نفيه تلفزيون او راديو يشتغل عشان مايوتر الطير

يكون القفص جنبك تماما , وانتي تقرأين اما في النت او في كتاب المهم ان الطير يكون جنبك ولا تعطيه اي بال

في الساعات الاولى راح تلاحظين ان الطير خايف وبعيد عنك

بعدها راح يحاول يلفت نظرك , اما انه راح يلعب في القفص او بالتصفير

قبل هذه الاشياء يكون الطير نايم اقل شي من الساعه 10 تجيبين شرشف خفيف وتحطينه على القفص وتخلينه في غرفه مظلمه وتطلعين , بعد صلاة الفجر تشيلين الشرشف من القفص

تكونين شلتي الاكل منه قبل ماينام الطير , واول ماتشيلين الشرشف من القفص تحطين ربع الكميه الي كنتي تحطينها له قبل .

تجلسين جنب القفص تماما وماتعطين الطير اي اهتمام او وجه .

اذا بدأ يصفر ويلعب في القفص خذي حبه وعطيه بيدك يمكن يطيحها وهذا معناه انه الى الان خايف منك .

انتظري نص ساعه وارجعي عطيه حبه بيدك اذا اكلها يعني الخوف زال قليل منه .

بعدها ترجعين لنفس الاول لا تعطين الطير اي بال وخليه كذا لاخر اليوم وكل ساعه تقريبا عطيه حبه من يدك

كرري نفس الطريقه لمده يومين الى 3 ايام راح تلاحظين ان الطير بدا الخوف يروح منه شوي شوي

اي شي مافهتميه انا حاظر

تقبلي مروري

[أريام]

يعطيك العافيه على المجهود والتعليمات الرائعه وإن شاء الله أطبقها بكل دقه .

وإذا أشكل على شي بستفسر منك وآسفه على كثر الأسئلة

دمت بود

[in my dream]

عليك بالفيتامينات والترويش واعرضه على بيطري خلة يعطيك فيستامينات لانها تحسن من نمو الريش