ببغائي الافريقي الجديد....اليف جدا ومتكلم ...+صور

[ابو سفر]

السلام عليكم

الحمدلله الله رزقني بطير افريقي توووووووووووووووحفه:88::88:

اليف جدا وذكي ولعوب ماشاءالله عمره قرابة السنه

ومتكلم الو بابا ماما ....والطير ياخوان ريشه منتف حساسيه منطقة الصدر والجناح قليلا

وفي ناس قالو روشه بموية البحر وناس قالو روشه بمويه وفيها عسل اصلي وناس قالو روشه بالصبار وانا محتااااااار ياليت تفيدوني ياخواااااان جزاكم الله خير


تمنياتي لكم بالتوفيق

هاذي صور القمر حبيبي ماشاءالله

:12::12::12::12::12:
http://up.graaam.com/uploads/imag-4/graaam-405e09372c6.jpg (http://www.graaam.com/)

http://up.graaam.com/uploads/imag-4/graaam-455af96b9e6.jpg (http://www.graaam.com/)

http://up.graaam.com/uploads/imag-4/graaam-42a7dd33de2.jpg (http://www.graaam.com/)

[هاي توز و]

ماشالله تبارك الله

والله انازيك طيري منتف ريشة ذيلة ايش اسوي هل راح يطلع اوراح يبطي

[د. إحتـراف]

ماشاءالله الف مبروك يتربى بعزك يارب

شوف يا بوسفر طال عمرك

الصبار علاج الريش ومويه البحر علاج الجلد الحساس

انت شوف المشكله من وين الريش او الجلد ؟

بس وانت ترش عليه مويه بحر انتبه الطير يشوفك حاول تسكر عيونه او تلبسه برقع الصقر


لان مويه البحر تحرق وراح تحرق الطير ويكرهك وهو توه جديد


تقبل مروي

[ashrafco]

ماشاء الله طير روعة يتربى بعزك إن شاء الله

[ابو سفر]

هاوي توزو الله يشافي طيرك ان شاء الله

دكتور احتراف الطير كل شوي يحك ريشه احسه كأن الجلد ياكله ويحكه

وهل مويت البحر تفيده وتعالجه ان شاء الله ؟؟؟

او اروشه بصبار ؟؟؟

انا الى الان اروشه بماء دافي فقط

وماقصرتو على المرور

[’Parrot ’fofo]

ماشاء الله طير مواصفاته حلوة...
اخوي انا سمعت ناس كثير يمدحون الصبار...وأنهم جربوه مع طيورهم...عشان كذا دامه مجرب...
اتوقع انه احسن شي...
الله يحفظ لك طيرك...

[’Parrot ’fofo]

وعلى فكرة ...
الصبار إذا ما نفعه مب ضاره انشاء الله...
يعني جرب مب ضارك شي..

[ابو سفر]

مشكور اخوي فوفو على مرورك

والله انا صرت محتاااااااااااااااااااااااااااااااااار ناس يقولو صبار وناس موية بحر وناس يقولو موية مع ملح

:( حيرونا

اوكي انا بتوكل على الله وبجرب هالحين ان شااءالله

والله يوفقنا وويوفقكم ...شاكر مرورك اللي ريح بالي:)

[د. إحتـراف]

ابو سفر ياليت صوره بدون فلاش وتوضح لون الجلد

اذا كان لون الجلد احمر غامق هذي حساسيه في الجلد ويحتاج مويه بحر

بس مثل ماقلت لك لازم برقع حق الصقر عشان لا يشوفك الطير

[the-gray]

ماشاء الله
مبروك على الطير الجديد
وانا ماعندي خبره
بس مع كلام د. إحتـراف
وإن شاء الله يتحسن

[ابو سفر]

دكتور احتراف يالغلا الصوره الثانيه واضح فيها الطير وواضح الجلد ركز شوي بس جزاك الله خير

اخو ذا قري شاكر لك مرورك لاهنت

[تمناوي]

اخيرا يا بو سفر

الله يبارك لك فيه ويوفقك

[د. إحتـراف]

اخوي ابو سفر انا اشوف لون احمر في الصوره الثانيه , هل هو دم ؟ اذا كان دم تأكد انها حساسيه

لان الطير يحك الجلد , وسبب الحك اما ان يكون الجلد فيه بكتريا او حساسيه من شي جا على جلده

ولو كان فيه مشكله في الريش كان الطير نتف ريشه كله مو منطقه وحده بس .

مويه البحر راح تفيده في تقويه الجلد + قتل البكتيريا العايش على الجلد + تنظيف الجلد من الحساسيه


واذا كنت راح تروشه بـ مويه البحر طبعا تحطها في رشاش مويه وترشها بالراحه عشان ماتحرق الطير

اذا احنا الاوادم مانستحملها اجل الحيوان الضعيف ايش راح يسوي

* ذكرتني في طير يابو سفر الله يذكرك الشهاده كان عنده بكتيريا على الجلد ورحت لشرقيه عشان اخذ مويه من البحر وارجع لرياض واخر شي طار < الي قهره روحه الشرقيه هههه

اسف للاطاله وتقبل مروري

[ابو سفر]

ههههههههههههههههههههههههه

مشكور يالغلا دكتور احتراف ماقصرت بس والله انا ايف من موية البحر

والطير كشف دكتور وقال انه فيه حساسيه وانا خاااايف من موية البحر انها تضره

[طير جارح]

شوف مبدئياً جرب الصبار وشوف النتايج
وبعدين اذا ما فاد جرب الطرق الأخرى مثل موية البحر والعسل

[ابو سفر]

مشكورين جميعا بارك الله فيكم

دكتور احتراف ضيفني لاهنت ********
الطير يحك جسمه بكثررررررررررررررررررررررررره

يُمنع وضع الإيميل في المشاركة

حب استطلاع

[mr . bahman]

لا تروشه بموية البحر إلا إذا كنت متأكد انها نظيفة
تعرف كيف البحر عندنا في جدة

إذا كنت تعرف مكان نظيف جيب منه
ولا روشه بموية وملح لأنه العبرة في ملوحة ماء البحر

[غسان الاشقر]

اخي ابوسفر

الف مبروك على الطير

وانصحك اخذه للطبيب البيطرى وهو من سوف يقرر العلاج المناسب فنحن لا نستطيع تشخيص الحاله من الصور

فقد يكون مصاب بحساسيه او مصاب بالطفيليات او المكروبات الغير مرئيه كما ان هناك احتمال يكون حالته النفسيه سيئه ولذالك نتف نفسه

ايقول لك شى بس لا تزعل ارجوك ان كان طائرك مصاب بفيروس PBFD
فقل عليه السلام

انا اسف ولكن ربما يكون الوضع اخطر من ما تتوقع

اتمني الشفاء العاجل لطائرك

اخوك/غسان

[ابو سفر]

مشكور اخوي غسان على ردك المؤلم

لكن الطير ياكل ويشربوماعليه خلاف ماشاء الله ..بس فيه حساسيه

والشافي الله سبحانه

وشكرا لكم جميعاااااااا

[naasooh]

علاجه يحتااج وقت
وصبر منك
واذا مستمر بنتف ريشه
حط له شئ يمنعه من انه يستمر بالتقطيع الريش + العلاج
الفكره لي الي عملتها
اني حطيت كوب من الكرتون الي يستعمل بالمطاعم للبيبسي
برقبته
وقصيته من ألأسفل عشان يركب بالرقبه+ قصيته من فوق بحيث انه يقدر ياكل وهو مرتاح

مبرووك
عليك الطير
ووسع صدرك عليه

[غسان الاشقر]

مشكور اخوي غسان على ردك المؤلم

لكن الطير ياكل ويشربوماعليه خلاف ماشاء الله ..بس فيه حساسيه

والشافي الله سبحانه

وشكرا لكم جميعاااااااا


اخي ابوسفر
انا اسف جدا ولم اقصد ان اضيق صدرك ولكن فى بعض الاحيان تكون الحقيقه مرة شوى
عموما الحمد لله ان الموضوع حساسيه وكما قال اخونا جرب تحط شى على رقبته بحيث تمنعه من نتف الريش.
ويمكنك استخدام الاشعه وهو ان تقوم بقصها بشل دائري ومن ثم عمل فتحه لها بحجم رقبه الطير من ثم تلبسها اياه.وقد تزعجه فى البدايه وتلهيه حتى عن الاكل ولكن مع الوقت سوف يتاقلم وسوف تلاحظ انه لا يستطيع الوصول للريش لنتفه.

اكرر اسفى واتمني الشفاء العاجل لطائرك الجميل

اخوك / غسان

[ProOoF]

حياك الله أبو سفر

بالبدايه مبارك عليك الطير

ياليت لو تبدأ بالصبار كتجربه ومعرفة تجاوبه معك , الصبار كما هو متعارف عليه مهدئ للهيجان ويبرد المنطقه للطير

إذا مانفع ممكن تجرب بعدها مويه مملحه , أو مويه البحر

أو واقي الرأس سهل الصنع تحطه برقبه الطير بحيث مايصل لمنطقة الهرش والنتف ممكن يقاوم أو يتضايق منها لكن كلها نصف ساعه وبيتعود عليها

ممكن يكون تاخذه من مويه الصحه ببدايتها والأهم مايكون فيه زوائد حاده

0000000000

الله يشافيه لك ,

[ابو سفر]

مشكورين جميعاااا اخواني ..اشكركم من اعماق قلبي

والطير روشته بموية بحر والحمدلله تحسن كثير ولله الحمد والمنه

وصار يتكلم بكثره ويحب التصفير وحك الراس ....والحمدلله ان من علي بشفاء الطائر وتحسن حالته

وشكرا لكم جميعا ..وشكر خاص لدكتور احترااااااااااف جزاه الله الف خير

[د. إحتـراف]

مشكورين جميعاااا اخواني ..اشكركم من اعماق قلبي

والطير روشته بموية بحر والحمدلله تحسن كثير ولله الحمد والمنه

وصار يتكلم بكثره ويحب التصفير وحك الراس ....والحمدلله ان من علي بشفاء الطائر وتحسن حالته

وشكرا لكم جميعا ..وشكر خاص لدكتور احترااااااااااف جزاه الله الف خير

الف الف الف مبروك

اقسم بالله فرحت لطير كأنه طيري والله

كنت خايف على طيرك من مويه البحر لانها تحرق بس واضح انك تعاملت معها بكل حذر الف مبروك يابو سفر

يتربى بعزك يارب

تقبل مروري

[سماوي الجبه]

عندي نفس الحاله وصار له اكثر من سنتين وينتف ريشه وعايش حياته طبيعيه، وان شاءالله بوديه البحر وبغرقه قريب وبيكون تصوير ععععع حق الطير،،،