الحكه هذي طبيعيه ولا لا ؟

[ذيب امعط]

السلام عليكم
اخواني طيري كاسكو افريقي مرات يقعد يطلع اصوات كأنه يصفر على يطقطق ويتحرك بسرعه يدخل راسه تحت جناحه و بسرعه يروح لظهره ويرد لجناحه الثاني وعلى هالحال لكن لفتره بسيطه مو طوال النهار يمكن خمس دقايق بس
مادري هذي ظاهره طبيعيه انه ينظف ريشه بهالطريقه ؟ او انه فيه قمل او حشرات ؟
وللعلم صحته ممتازه ولله الحمد ونشيط ومافيه اي علامات خمول ويصفر كثيير ويتحرك

فيدوني :confused:

[عبســي]

اخوي هذه شي طبيعي ان الطير يقعد ينظف نفسه ودامه مايطول وبشكل مش دائم ولا يقعد يجعر ولاينتف بريشه والريش مب متئاكل لاتخاف على طيرك فهو فقط ينظف نفسه

[ذيب امعط]

مسكت الطير بالعافيه مساع وفردت جناحه حاولت اشوف جسم الطير وجلده احمر ولا لا ماقدرت من كثر الريش ماشاء الله
وبالنسبه للريش نظيف الحمدالله لقيت فيه مثل قشره بس شي بسييط اتوقع ثلاث او اربع قشرات فقط واتوقع انه شي طبيعي
وبالنسبه للريش المتأكل مادري شلون بيكون شكله اذا في له صوره بالنت توضحلي شلون لاني لقيت ريشه الجناح الاخيره اللي تصير اطول وحده مكسوره بالجناحين مادري هذا اهو التأكل ولا لا ؟ الحين الطير نايم بحاول باجر امسكه واصوره عشان تفيدوني اكثر
وشكرا اخوي على المشاركه

[ابوميسون]

اخوي ذيب امعط انا عندي كم واحد وكلها نفس الطريقه والعلم عندالله انها تلعب وزي ماقلت انه بصحه وعافيه الله يحفظه شكلك شفت موضوع بندوله ودخلك الشك انشاء الله مافيها شي

[ذيب امعط]

ههه لا والله ماشفت موضوعها بدوره الحين
شكرا على مشاركتك وان شاء الله ماكو الا العافيه

[د. إحتـراف]

الطير يلعب

حط له العاب خشب يتسلق عليها ويلعب فيها او العب معا ه انت بنفسك


تقبل مروري

[Black Die]

طبيعي لا تخاف؟.@.@"

[ذيب امعط]

نسيت اذكر انه لما يدخل راسه تحت جناحه يقعد يحك جسمه بمنقاره .. بهالطريقه عادي هم معناته يلعب ؟