الدراي فوود لاتكثرون منه

[ناريمان]

السلام عليكم...اخواني واخواتي الاعزاء..الدراي فود اغلب القطط يحبونه بس

كثرته مو زينه..خاصة للقطط الذكور..والسبب انه الذكر حالب البول عنده ضيق وضعيف

مو مثل الانثى..ومع كثرته يسبب ترسب بالحالب والكلى..فيصير عنده حصار بالبول ...

والدليل انكم تلاحظون لون البول يصير بني مترسب ومع مرور الوقت التبول يكون صعب مع دم

و راح تلاحظون القطو يتبول بكل مكان علشان ينبهكم ان في شي غلط وخطيير...المهم ان

الدراي فود لا تمنعونه بس قللو منه الا في حالات الضرورة تحطون له شوي طبعا اذا صحته

اذ بتطلعون مكان..على شرط كمية الماي تكون كثيرة بجنب الاكل ضروري ضروري ويكون نظيف.

عودو القطط تاكل من اكل البيت احسن من المواد الحافظة اللي بالعلب.. الله يعطي كل

قططكم الصحة والعافية .ترا هالكلام من تجربة لان القطو اللي عندي لو مالحقت عليه كان مات

اسم الله عليه وشكرا ...

[scooop]

... يعطيك العافية اختي الكريمة .... بالفعل اكل البيت افضل بكل شي للانسان والحيوان
وخاصا القطط لانها مخلوقات حساسة

انا اول كنت مربي قطة خمس سنوات وهية تاكل من الاكل حق البيت ما كانت تدري عن شي اسمه معلبات وما شاء الله عليها كانت زي الحصان صحة وعافية

تقبلي مروري ....scoop

[ناريمان]

حياك الله اخي سكووووب وشكرا لمرورك ..والله يطول بعمر قطوتك ويخليكم لبعض.. :freind:

[لوسي 99]

مشكور على المعلومه

[the master2010]

مشكور اخوي عالنصيحة

[دلوووعة باباتي]

تسلمين اختي على النصيحه

وفعلا انا بديت اخفف منه

قطوتي سموكي ما تاكل غيره بس يت فتره تحسست منه

وحاولت اخليها تاكل اكل البيت بس ماقدرت لي سنه وانا احاول معاها

اما كيتي الله يحفظها تاكل من اكل البيت الحمدلله

الله يعطيج العافيه حبيبتي ويحفظ لج قطوج من كل شر

[توتي,,]

مشكووره اختي ع النصيحه وفي ميزان حسناتج ان شاء الله

[ناريمان]

شكرا لكل من مر مرور الكرام واخذ بالنصيحة...لا تستغربون ترا الحيوانات مثلنا يجيها حصوات

بالكلى ومرض السكري والسرطان والقلب...بعيد الشر عنكم وعنهم ..وديرو بالكم عليهم الله

يحفظ الجميع:88:

[miss m]

الصراحة مرررررره موضوع مفيد
بحاول اخفف الدراي فوود بس ما اتوقع تاكل غيره لاني كم مررره جربت ااكلها اكل البيت بس ما رضيت

[ناريمان]

اخي حاول تجوعها يوم ..او جرب لها علبة فرسكيز ..قطوتي مثل قطوتك لو تموت جوع ماتاكل

غير الدراي فود..اضطر احرمها منه الين تاكل اي شي ثاني والله يعينك ويحفظها لك..موفق

[ابو زون]

الله يبارك فيك غاليتي

وتسلم يمناك على المعلومات القيمه

الله يجعلها في موازين حسناتك

الواحد يخاف يآخذ ذنب هالحيوانات المسكينه
نحن في حاجه لمثل هذه المعلومات لتجنب المشاكل والأثم

تقبلي مروري

[PINK COCKATOO]

كويس في ناس تعرف هالمعلومه ..!
واحب اضيف معلومه في اكل خاصه تكون للقطط الذكور وخاصه الذكور المخصيه ..!
بس عموما اكل الدراي فود مو كويس لانه اغلبه ذره ودقيق والقطط حيوانات لاحمه ..
بس حبيت اسألك كيف تعالجوا قططك ؟

[اخت امل]

ماظنيت في مشكلة من الدراي فود انا بستي ماتاكل الا
رويال كانون ودجاج مسلوق وبس والحمد للة . وشكرا ع المعلومة

[sisi_moon]

إي والله كلامك صحيــح

هو مضـر للقطط ســواء كان مخصـي أو لا

انا سابقا ماكنت مقتـنعه أبدا إنه يسبب مشــاكل للقط الغير المخصي

ومهما أقرأ ما أقتــنع ليـش مادري ., لكن قبل فـتره صاب هالبلا لقط أحد العضـوات وهو غير مخصـي . واقتنعت ..

الله يكافينـا ويكـافيــهم شـر الأمــراض

شكرا أختــي :)

[e..s..r]

مشكووور

انا قطاوتي احط لهم داري فود وأكل بيت بس اكل البيت ما ياكلونه

[pomme]

السلام عليكم ورحمة الله وبراكاته
يعطيج العافية أختي على الموضوع
بصراحة فديتينا
وبالذات أن قطوتي عتوي "ذكر" ما يبطل أكل دراي فوود
بس هم وما أعطيه بكثرة
"لا ماجال للدلع"
ولاحظت كثرة الدراي فوود تسبب السمنه
فخلال يومين وأنا كل شوي أعطيه دراي فوود زاد وزنه بشكل رهييب
2 كيلوووو
وبس
سوري على الإطالة

[genan]

-_-سمعت كذامره انو دراي فودمو كوويس بكثره بس انا قالي البيطري انواخلطه له مع الاكل مثلا الوسكاس .....قطع دجاج بالمرق يعني يكون معووشي يرطب الدراي فودافضل .....

[القطه مياو]

http://img408.imageshack.us/img408/492/thanks2.jpg (http://img408.imageshack.us/i/thanks2.jpg/)