أسعار الزيبرا في السعودية

[KEI]

السلام عليكم جميعاً ..
سؤال : لو سمحتم أبغي أعرف اسعار الزيبرا ( هاف أورانج ؛ فل اورانج ) بكم ؟؟
وخصوصاً سوق الشرقية ..

لأن ياجماعة الخير ناوي أشتري لي زوجين ونبغي نعرف الأسعار ..!

وبإنتظار تفاعكم أخواني الأعزاء ..
تحياتي

[ملك الزيبرا]

المنطقة الشرقية قريبة من البحرين على ما أعتقد

أعملك زيارة لأخوانا بمملكة البحرين وبتحصل اللي يسرك عندهم

ومن الأماكن المشهوره ببيع الطيور سوق واقف بمدينة حمد

مدخل البحرين جهة اليمني

وفية سوق بإجازة نهاية الأسبوع بمدينة عيسى بالقرب من رامز

وفية طيور بجميع المستويات بإسعار دااااااااااااون وفي متناول يد الجميع

وفية بعد أعضاء من دولة البحرين بيقدرون يفيدونك أكثر

لأنه مملكة البحرين مشهورة جدا بمربيين طيور الزيبرا بشكل خاص وجميع أنواع الطيور بشكل عام

أتمنى أكون أفدتك ولو بالقليل من المعلومات

تقبل تحياتي ومروي

أخوك ملك الزيبرر

[salman-q8]

والله وانا اخوك

من شخص لي شخص تتختلف الاسعار

لنهـ ع حسب الببايع يمكن يبيعلك برخبص ويمكن غالي

[KEI]

شكراً لكم أعزائي على الردود
وماقصرتو

طيب .. بس وين شباب الشرقية ايش دعوة ..!!!! :rolleyes:

[hassn1402]

اخوي الاسعار عندنا متقاربه بين 700 و 800 ريال للهاف اورنج هذا طبعا يعتمد على الحجم والانتاج السريع
والفل اورنج 1500 و 2000
طبعا هذه اسعار اغلب الباعه
ويمكن تلقى واحد يبيع باقل لانه انتج كثير منهم ويبي الربح السريع
بالتوفيق

[كي ام كي]

انصحك اخوي تشتري من البحرين لانها بسعر اقل بس دبرلك واحد يدخلهم لان النظام ممنوع