كاسكو بدون ريش .... + صور

[كاسكو دبي]

السلام عليكم ...

من فتره لاحظت انه الكاسكو بدا يتغير شكل ريشه ... ما اعرف شو السبب ... تقريبا من 3 شهور ..قلت يمكن في مرحلة تبديل الريش ..لاكن الموضوع طول .. والريش كما هو ما تغير ...

شو السبب و شو العمل ... ؟؟ مع العلم انه في صحه ممتازه الحمدالله لاكن الريش شكله مو عاجبني ابدا ...

http://www.2zoo.org/get-4-2010-2zoo_org_xghfzmr9.jpg (http://www.2zoo.org)

http://www.2zoo.org/get-4-2010-2zoo_org_g7503q4o.jpg (http://www.2zoo.org)

[كاسكو دبي]

للرفع . . . .

[بندولة حب]

اخوي هل لاحظت ان الطير ينتف حاله

اوان الريش يتساقط من حاله

[ملآكـ]

زي ماقلت اختي بندوله <<دخلت عرض مو طول :12::12::12:

هل ينتف ريشه ؟؟؟

والا يطيح لحاله ؟؟؟

اختك

ملآكـ

[كاسكو دبي]

ما لاحظت انه ينتف ريشه لحاله ... يمكن يتساقط ... بس حتى لو كان يتساقط ...كنت بشوف الريش في القفص ... لاكن ماكو ريش ... او يمكن كان يتساقط شوي شوي .. و ما لاحظت هالشي ...و لو كان ينتف ريشه كان بينتف ريشه من الجذور .. لاكن الريش موجود و شكله مثل ما تشوفون في الصوره ..مثل فرو الأرنب ...لول

[lll_o]

هههههههه

طيب شوف الريش الي بالقفص الريشه جايه كاملة؟؟ ولا مقصوصه قص؟؟

[نونيـ]

يـؤؤ شكلــه غررريب *_* ماكأنه منتف أو متسآآقط

مدرري ربي أعلم بحآآله ...

[the-gray]

اخي إذا ما خاب ظني
هو في مرحلة تبديل الريش

واضح من الريش
لو كان ينتف ريشة تشوف لو الجلد وليس الزغب كما هو ظاهر

غير كذا الطير فرخ
والفروخ ما تنتف ريشها

وعمرة حول السنة والإفريقي في حدود السنة يبدل ريشه

إن شاء الله خير

وتأكد من الريش الطايح هل هو مقصوص او كامل كما قالوا الاخوان

اهتم في تغذية وكثر له من الفواكة واعطية فتمينات عشان الريش
يطلع فاتح وجميل

[كاسكو دبي]

شكرا عزيزي ... بس لو مثل ما قلت في مرحلة تبديل الريش ... كم من الوقت ياخذ لين ما يتبدل ريشه و يطلع ريش جديد ...؟ مع العلم انه على هالحاله تقريبا 3 او 4 شهور ...
والطير عمره تقريبا سنه و 8 شهور ... انا شريته يوم كان عمره 8 شهور و الحين كمل سنه عندي تقريبا .. ..

[في خاطري شي]

والله كانك تحكي عن ببغائي نفس اللي مر فيه بالضبط !!!!!

عموما اخوووي اتطمن ببغائك مافيه الا الخير والعافيه

وانا راح احكي لك التجربه اللي مريت فيها



* عند بلوغ ببغائي مرحلة السنه بدأت معا مشكلة الريش وخاصة ريش الزغب .. مع اني مالاحظت عليه اي سلوك عدواني اتجاه ريشه "تنتيف"

وكذلك صحته تماااااام وعال العال .. فـ اللهم الموضوع تساقط الريش الصغير " الزغب" وتغيير في جمال الريش بشكل عام


في هالمرحله كثفت عملية الفيتامينات "ميلت فيتامين" اللي تتباع عند الصيدلية البيطريه + الترويش بشكل يومي

وكذلك استخدمت زيت الصبار ... وهذا الزيت له الفضل الكبير بعد فضل الله في بناء الريش الجديد بصوره اسرع


واذا حاب تستفسر عن هالنقطه .. روح شوف موضوع للعضوه " كاسكوكيه" الله يجزاها الف خير طارحه موضوع وفيه التفاصيل الكامله عن تحضير الصبار ولها الفضل بعد الله



وبقولك بالضبط متى بدأت معي فترة لخبطة الريش وحتى بنائه بشكل 90% ولله الحمد


بدأت معي من شهر (1- 2010) وانتهت في آواخر شهر (4-2010)م

يعني تقريبا 3 شهور وشوي


الاهم في الموضوع ياخوي انك تتطمن ببغائك مافيه الا العافيه ومجرد فتره بسيطه وتنتهي فلا تقلق .. الا لاحظت على ببغائك سلوك الخمول فهذا امر ثاني ويحتاج عرضه على طبيب بيطري متمكن لوضع العلاج المناسب



اتمنى اني افدتك عن تجربتي


واسف ع الاطاله

[NAHHAS]

انشالله خير وما يشوف شر وعل الاغلب انو تبديل ريش
وتقبل مروري...

[كاسكو دبي]

شكرا للمشاركه ... و اخص الاخ ( في خاطري شي ) على اهتمامه و شرحه لحالة الطير ... الله يجزيك كل خير .. وان شاء الله بقوم اعطيه فيتامينات

[محمد الساعدي]

اخواني الاعزاء:
هذا مرض وليس تبديل ريش ولي اكثر من دليل اولا عمر الكاسكو الباين من خلال الصوره ثانيا ان استبدال الريش ليس بهذه الطريقه !
المهم انه مرض نفسي لا يواثر على الطائر كثير غير الريش ويجعله خامل بعض الشي لان سبب المرض هو الكابه
نصيحتي لك لا تخاف على الطائر ولكن ان بحاجه الى بعض الامور وهي
1-زيت الصبار ان وجد واقل منه فائده زيت الزيتون تدهن به الطير نهارا وفي نهايه النهار اغسله بالماء وشامبو الاطفال ولكن احذر عليه من البرد
2-اكثر من تواجدك معه ولعبك معه واعطيه العاب يسله فيها ولا تتركه وحده كثير
3-اعطيه وقت بالنهار ينام فيه في مكان اظلم وهادء اوغطي القفص افضل وكذالك بالليل
4-اعطيه الفيتامينات وخصوصا زيت السمك فيتامين a-e
وانشاء الله ماعنده الا العافيه