اوريد حلا سريعا .....؟؟؟

[مجرد شخص]

بسم الله الرحمن الرحيم
السلام عليكم ورحمة الله وبركاتة

اول عضو جديد وحبيت انضمام اليكم
واستفيد منكم ....وافديكم قد ما اقدر

انا عندي بغباء رمادي مشترى من قرابة سبعة شهور
اهو يتكلم بعض الكلامات ..مثل(ينادي دام باسم يعقوب ..يقلد اي صوت يسمعه ..ويقول/الوو..مرحبا
هلا ..)
ولما اخذته اشوي اشوي تعود علي ..و صاريجلس على رجلي ..ويحب امسح على راسه..ويجلس على كتفي ...
بس مشكلة ما يحب يوقف على يدي ؟؟؟ما ادري ليه
والى الان مو قادر يتكلم غير هالكلمات بس نطق اسم فاطمة ..
مع اني دوووووووووووم اردد له السلام عليكم وبعض الكلمات ..بس احس انس عجزت منه
مع العلم انو ذكي لانوا لما انادي باسم يعقوب تعال يطلع من القفص ويجلس عندي

تكفوووووووووووووون ساعدوني كيف اخليه ينطق كلمات اكثر

واكون شاكر ومقدر لكم

[شاهيـن]

أخي الكريم :

أهم شئ أن الطير عاجبك و أليف و يتكلم بصراحة أنا لا حظتها كثير أن أفضل الطيور المتكلمة هي الطيور التي لا تقف على يد صاحبها و هذا لا يمنع كونها أليفة
شاهد هذا الموضوع عن تعليم الطائر الركوب على اليد لكن بشويش عليه ولا تخليه يخاف و يتعقد منك

طلع طيرك على يدك (((بالصور)))
http://www.2zoo.com/vb/showthread.php?t=32029

أسرع طريقة لتدريب الببغاء الصعود على اليد في أقل من نصف ساعة,, بالفيديو (((حصرياً)))
http://www.2zoo.com/vb/showthread.php?t=118919

[’Parrot ’fofo]

اخوي انا متأكد ان طيرك تعلم الكلمات اللي قلتها له...
بس تلقاه يقولها وانت مو موجود...
بالنسبة للباقي...أخوي شاهين ما قصر...
مع الف تحية..

[مجرد شخص]

شكرا اخواني( على الرد وحسن الاهتمام )
وراح ان شاء الله اجرب هالطريقة واتمنى انة يتكلم وبسرررررررررررررررررررررررعه \لاني عجزت منو
ودمتم بخير

[د. إحتـراف]

السلام عليكم ورحمه الله وبركاته

اخوي العزيز , الطير يتكلم اذا حُبس في القفص لمده اسبوعين , وعلى كلامك انك تطلع طيرك وتروح وتجي معاه ويطلع على رجولك الله يخليه لك

الحل المثالي لك التحفيز او الجائزه , اعرف ماهو الاكل المفضل لطيرك , وقف امامه واعطه الاكل المفضل لديه بكميه قليله بعدين قل له { اذا قلت الكلمه .... راح اعطيك اكثر } وردد الكلمه المطلوبه 3 ايام وسوف تلاحظ الفرق


اسال االله ان اكون افدتك
تقبل مروري

[مجرد شخص]

مشكور اخوي على ردك ونصحيتك القيمة ..وان شاء الله راح اجرب معها هالطريقه وتكون فدته..يارب
والله جربت اني اسجل صو تي واحط له قبل النوم واول ما يجلس من النوم
بس ما نفعت يلا الله يعين
ونسيت ان اطرح لكم انو بعض الحين (يتكلم ويقول اشياء غريبة ما افهمها كانها طلاسم واي كانوا هندي او اعجمي والله مدري وش يقول ولما اقوله وش تقول يرجع يعيد الكلام نفسه....

[د. إحتـراف]

مشكور اخوي على ردك ونصحيتك القيمة ..وان شاء الله راح اجرب معها هالطريقه وتكون فدته..يارب
والله جربت اني اسجل صو تي واحط له قبل النوم واول ما يجلس من النوم
بس ما نفعت يلا الله يعين
ونسيت ان اطرح لكم انو بعض الحين (يتكلم ويقول اشياء غريبة ما افهمها كانها طلاسم واي كانوا هندي او اعجمي والله مدري وش يقول ولما اقوله وش تقول يرجع يعيد الكلام نفسه....

لا ياحبيبي هذا الطير يحاول انه يقول الكلام لكن انه ماسمعه بالشكل الصحيح او ان الكلام صعب عليه ويحتاج لتقلين واضح
والطريقه الصحيحه لتلقين ان تاخذ طيرك ويكون قريب من الفم اذا كان اليف وتقول الكلمه الي تبيها 5 مرات وتسكت لمده 10 دقايق وترحع تقولها 5 مرات وتسكت 10 دقايق وهكذا لمده نصف ساعه

هذه الطريقه 4 مرات في اليوم بأذن الله بعد يومين راح تسمع طيرك يتكلم

[NAHHAS]

ماشالله احتراااف يا د. إحتراف الله يديمك للمنتدى زخرا
واخي اتبع التعليمات وانشالله تلاقي الفرق...
تقبل مروري...

[مجرد شخص]

مشكورين اخواني على المرور
بس اخاف انو يعضني ..مع انهو ما يعض بس اتخوف
بس ان شاء الله بجربها

[ابوالكناري]

انا اقول انك تسوي شريط من تسجيل صوتك وشغل له الشريط كل يوم وشكرا:D