ارجوووووكم ساعدوني :(

[نجمه]

السلام عليكم

عندي مشكله و حيره و ارجووووكم ابي مساعدتكم

قريت مواضيع كثير هنا و عرفت ان هذا هو المكان المناسب اللي راح الاقي فيه محترفين يقدرون يرشدوني :)

انا عندي ببغاء عمره كبير للاسف :( تقريبا 6 سنوات الى سبع :eek: >>> على كلام البائع

شريته من زمان
يعني عندي من ثلاث سنين اظن

نوعه ببغاء رمادي افريقي

بس متوحش اول ماشريناه كان عند اخوي وكان يصعد على اليد تقريبا ماقعد اكثر من شهر ونص وخذيته عندي وللاسف ماكنت فاضيه له مره صار الشغاله تعطيه اكله و مويته ومحبوس بالقفص كل هالمده :(
واحيانا انا اعطيه اكل واحيانا الوالده

ماعمري طلعته من القفص الا مره وحده قبل خمس ايام فتحت عليه باب القفص من الظهر وماطلع الا بالليل لقيته يطلع الدرج للسطح :eek:

وحاولت ارجعه وبالموت رجع :mad:

كان يرتجف مره من الخوف
وبعدها ماسويت له شي

متردده كيف ابدا اعامله
لاني قريت مواضيع عندكم اظن للاخ سكر تقول انه اخليه اسبوع ما احد يجيه الا انا و اعطيه الاكل و مويته

واول ماسجلت عندكم سألت بموضوع حق الاسئله
جاوبني واحد جزاه الله خير اني اروضه بطريقة المنشفه اللي ساعه باليوم ولمدة ثلاث ايام

فأحترت وش ابدا فيه اروضه كيف

فكرت ابيعه :(

وفكرت ارسله عند مدرب او مروض يروضه لي :(

بس عندي امل اني اقدر اروضه انا :cool:

فأحترت ارجوكم ابي حل واضح و طريقه مرتبه اتبعها اصل اني اخليه أليف عالاقل :(
ارجوكم :(

وعلى فكره

هو يصفر و يصارخ اذا هو لحاله و يقلد بعض الاسماء بطريقه شوي مو واضحه
بس مااحد دربه هو يسمعنا ويقلد :confused:

طبعا اذا قربت له وجلست عند القفص يجعر ولو احد مسك القفص شوي يجعر بأقوى ماعنده :(

احيانا اجلس عنده ويجعر واغني له او بشويش اناديه باسمه يبدا يسكت و يصفر بشويش


ارجوكم عطوني طريقه مرتبه و واااضحه اتبعها .


ثقتي بكم كبيره بعد الله ان تساعدوني :shy:


وشكرا لكم واسفه عالاطاله

[نجمه]

ايه نسيت اقول لو ببدأ بترويضه بطريقة المنشفه
انا خايفه يعضني اروح فيها http://www.2zoo.com/vb/images/smilies/eek.gif

قلت بسويها بالقفاز شرايكم .. عادي ؟ لاني قربت منه مره وبيدي قفاز بغى يتجنن وانا بموت خوف :(

[0030879]

الله يوفقك

حكاية انك تتركيه اسبوع

انتي اصلا تركتيه 3 سنين يعني هو اساساً تعود على البيت لكنه يعاني من الإهمال

طلعيه فوق القفص وحاولي تعلميه الطلوع على اليد اول شيء

واكل العنب حبة حبة على قولهم

وطريقة المنشفة هذي بصراحة ماهي فعالة

طولي بالك وخلك صبورة على الطير خصوصا بعد هالفترة كلها من الحبسة

والظاهر له فترة طويلة ماتروش ولا شاف الشمس

واتوقع انه يكون جناحه طلع فلازم ينقص الريش او على الاقل انتبهوا له لا ينحاش


موفقة

[0030879]

دربيه على الطلوع على اليد اول شيء

واذا صار يطلع على اليد

خذيه على يدك واقضي معه وقت يوميا ساعة او نص ساعة

كلميه او نشدي له على قولتك وأعطيه محفزات عنب او فول سوداني

خليه يتعلم انه كلما طلع على يدك بتاخذيه لفة في البيت يشوف نفسه في المراية ويلقى جائزة على هدوئه

وكلها كم يوم وراح يوقف الجعير نهائي

بس الصبر اهم شي

[نجمه]

هلا اخوي

الا اطلعه بالحوش العصر بس مو كثير

و ريشه محد قربه يمكن طال :(

اصلا منقاره اشوفه حاد محد قصره يعني ان عضني بروح فيها :(

والترويش الا اسبوعيا تقريبا او كل عشر ايام اروشه بس مو مره
اروشه بالبخاخ

[نجمه]

كيف اطلعه على يدي وهو معقد كذا :confused:

صوته مزعج :(

واساسا مره فتحت له باب القفص ودخلت يدي بغى يموت خوف
وجنحانه تكسرت من كثر مارفرف :D

الله يجزاك خير ماقصرت
ونبهتني على شغله مهمه والله :)
انه صدق هو يعرفنا بس يعاني من الاهمال

الف شكر لك ^_^

[0030879]

طبعا اسهل شي يتعلم الطير الطلعة على اليد

ومن الأفضل تبدأي فيها عشان انتي بعد يكون لك نوع من التمرين على التعامل معاه

طلعي له العصا اللي يوقف عليها "المجثم" وهو فوق القفص

وحاولي تخليه يتعود عليها

وخلي يدك ثابته وحركاتك هادئة بدون اي حركات مفاجئة

بتلاحظي الطير كلما له يهدأ

اذا طلع على العصا قولي له " شاااااااطر " بهدوء

ورجعيه على القفص واعطيه مكافأة

وكرري التمرين 15 الى 20 مرة وخلي الطير يرتاح

وتذكري ان الطير يحب يطلع من المكان الى مكان اعلى ، يعني لو تحطي العصا بمستوى منخفض ماراح يطلع

وبعدين خذي عصا ثانية

واذا طلع الطير على العصا علميه انه يطلع من العصا على العصا الثانية

واذا سوى الحركة تكوني قطعتي ثلاثة ارباع المسافة

عوديه يتنقل من العصا للعصا الثانية

وخليكي رافعه العصا فوق مستوى الراس

وبعدها تقدري تبدأي تخلي الطير ينتقل من العصا على ذراعك وتكوني لابسة كم طويل

يمكن يترد الطير بس لا تيأسي

وعلى فكرة الطيور تحب تنتقل من المكان الى مكان اعلى منه

فخلي ذراعك اعلى من العصا وقربيها منه راح يطلع

وطول الوقت شجعيه " شاطر شاطر "

وبكل هدوء ولا تحركي يدكم كثير وخلك ثابتة وهادئة بدون خوف لأن الطير يخاف اذا حس بخوفك

وعلميه من العصا الى الذراع الى العصا مرة اخرى

وبها الطريقة بشكل يومي بيصير كلما حطيتي يدك امامه على طول يطلع

ويبي لك من يقص لك اظافر الطير او يبردها

وترى الطريقة اسهل من السهولة وراح تتفاجئي لسهولتها دربت بها اغلب طيوري

اسف للإطالة وبالتوفيق

[NAHHAS]

مثل ما تفضل الاخ ( 0030879 ) يجب ان تطعمي الطير بنفسك ولا تجعلي احد غيرك يهتم به وطلعيه من القفص لمده جيده كل يوم حتى يحس بفرق ويحاول يتجاوب معك وحاولي ان تعطيه الفول السوداني من يدك ونوعي له بالفواكه
كذلك خذيه الى احد خبير بالطيور حتى يقص جناحه ويحف المنقار والظفر حتى لا يجرحك
وحاولي ان لا تاخافي منه لانه الطير يشعر بك اذا كنت خائفه ويحاول ان يزيد من دفعاته حتى يجبرك على تركه
يعني غيري معاملتك له 180 درجه...........

تقبلي مروري........

[0030879]

صوته مزعج

واساسا مره فتحت له باب القفص ودخلت يدي بغى يموت خوف
وجنحانه تكسرت من كثر مارفرف

الجعير هذا سببه الخوف ، وراح يروح بفترة بسيطة لاتخافي بس لازم تصبري عليه

ولا تدخلي يدك داخل القفص ، افتحي له القفص وخليه يخرج بعدين تعاملي معاه

علميه انه بأمان يعني لاتغصبيه على شي مايبغاه

في البداية راح يجعر اول ماتقربي منه

بس اذا وقفتي هادئة وخليتي القفص مرتفع شوي مو على الارض راح يسكت

وراح تلاحظي كلما تطمن الطير لك كلما خف الجعير

[نجمه]

اااا الله حسستني صراحه ان الشغله بسيطه
والطريقه هذي اشوفها سهله و حلوه
يعني بقدر اجربها يمكن

بحاول بكرا ان شاء الله

طيب كيف اخليه يطلع من القفص وهو مايطلع اذا انا قريبه من القفص

اعرفه ماراح يطلع على طول خصوصا وانا عنده :(

ربي يجزاك خير :)

ماقصرت

[نجمه]

مثل ما تفضل الاخ ( 0030879 ) يجب ان تطعمي الطير بنفسك ولا تجعلي احد غيرك يهتم به وطلعيه من القفص لمده جيده كل يوم حتى يحس بفرق ويحاول يتجاوب معك وحاولي ان تعطيه الفول السوداني من يدك ونوعي له بالفواكه
كذلك خذيه الى احد خبير بالطيور حتى يقص جناحه ويحف المنقار والظفر حتى لا يجرحك
وحاولي ان لا تاخافي منه لانه الطير يشعر بك اذا كنت خائفه ويحاول ان يزيد من دفعاته حتى يجبرك على تركه
يعني غيري معاملتك له 180 درجه...........

تقبلي مروري........


هلا اخوي

ايه ان شاء الله من اليوم و رايح ابدا اعطيه انا الاكل

مايطلع اصلا اذا انا موجوده عند القفص
فكيف اطلعه :(
هذاك اليوم ماطلع الا يوم رحت وماشافني وطول على ماطلع
مر نص اليوم بعدين طلع

الاكل جربت اعطيه الفواكه و الفستق والفول السوداني
ماياكل الا حب دوار الشمس
غيره ماياكل ابد


الف شكر لك اخوي

ماقصرتوا والله :)

[0030879]

اذا القفص ينفتح من فوق

افتحي القفص

وشيلي الغطاء والطير راح يطلع على طول

[0030879]

اااا الله حسستني صراحه ان الشغله بسيطه
والطريقه هذي اشوفها سهله و حلوه
يعني بقدر اجربها يمكن

بحاول بكرا ان شاء الله

الطريقة تاااااااااااااافهة وغاية في السهولة

وتنفع مع كل الببغاوات

بس بعضها يتدرب بسهولة اسرع

يعني زي الكروان في 15 دقيقة يتعلم الطلعة على اليد

الرمادي يبغى لك يوم او يومين اذا كنتي تسوي الطريقة صح

وانا متاكد 10000 % انك راح تنجحي بإذن الله

بس اهم شي

نزلي لنا صور الطير والتدريب في موضوع منفصل خلي الأعضاء يتعلموا من تجربتك ويستفيدو كمان

بالتوفيق

[نجمه]

ايه ينفتح من فوق

زين بفتحه من فوق .. راحت عن بالي :)

الله يعطيك الف عافيه

[نجمه]

ياااااليت صدق تضبط معي
وقتها بنزل اكيد موضوع ان شاء الله

طيب بس بسألك >>> تعبناك معليش :(

لو افتح له القفص من فوق اكون واقفه عنده وانا ماده العصا بالجنب ويطلع ؟
والا ابعد لين يطلع برا القفص ؟

[0030879]

لا ابعدي عنه خليه يطلع

[0030879]

ترى الموضوع كله سياسة هههههههههههه


كانه الطير طفل وتستدرجيه وحبة حبة

اذا فتحتي له القفص ابعدي عنه شوي الين يطلع وخليه ينفض جنحانه ويمدد رجليه زي العادة

بعدين قربي له العصا

وبكل هدوء

[نجمه]

طيب بكرا ان شاء الله او بعده اسويها http://www.kolobok.us/smiles/light_skin/girl_witch.gif

لو سويتها بوافيكم بالتفاصيل

الف شكر لك 0030879

http://www.parisnajd.com/vb/images/smilies/-08-09070.gif

[0030879]

بالتوفيق