كاسكو مصيود وحشي و محجل في نفس الوقت كيف تركب !!! (صورة الحجلة بالداخل)

[كاسكاوي هاوي]

السلام عليكم أحبابي ، تعجبت من الحجلة اللي في رجل الأفريقي اللي عندي ، و اللي توني شاريه السبت الماضي ، لكن ما انتبهت إني أصور الحجله لكم علشان تشوفوها

الحجله بلاستيك !!!
فكيف يكون الطير كاسكو أفريقي ! و البياع قال لي انه مصيود ! و يكون محجل في نفس الوقت ! لا و الحجله بلاستك !

هي الصورة !

http://img682.imageshack.us/img682/3350/19042010431.jpg

و هذا الكاسكو

http://img641.imageshack.us/img641/2467/17042010426.jpg

يا ريت اللي عنده علم و خبره يفيدنا و جزاكم الله خير !

[يوفاوي الكويت]

الف مبروك الكاسكوو

فعلا انا شفته الكاسكو يوم السبت

واستغربت من الحجل

بس اتوقع ان المحل هو الي حاطه علي شان يميزه عن الباقي

بس انشالله ما شريته بسعر غالي

وتقبل مروري

[كاسكاوي هاوي]

يوفاوي الكويت
لا والله ما شريته من محل ، كان واحد يبيعه مبسط في سوق الجمعة ، و كان عنده 4 كلهم مصيودين يقول ، و ما شريته غالي الحمد لله لأني توني مبتدئ و كنت أدور شي بأرخص سعر كبداية لتعليم الترويض و التدريب و بعد كم شهر إن شاء الله أبيعه و أشرتي واحد صغير ، بحيث يكون الواحد تدرب على كل شي
ترويض الوحشي و تربية الصغير ، و بعدها نبدأ في مرحلة التدريب على الكلام و خلافه

بس صراحة متعه ترويض الوحشي

[يوفاوي الكويت]

صح كان بره مبسط فيه

بس اغلب المحلات يبسطون بره

بالتوفيق يارب دام انه مو غالي

ترا سعره ما يزيد عن 40 دينار

واذا محتاج اي شي

انا حاظر

[عبووووووودي]

الحجل مفتوح او مغلق

اذا مغلق \ انا شفت حجول تشابه هاذي

وهي تحجيل بحريني


واذا مفتوح فهاذا مركب يغآلي


بآلتوووفيق

[كاسكاوي هاوي]

يوفاوي الكويت
والله أعاطني على 50 و ما كان في أرخص منه بالسوف كله ، و انا قلت له ترى سعره أربعين ، بس خير الحمد لله ، انا أعتقد ان الطير ذكي ، لأن خلال يومين فقط صار ياكل من الإيد و ألعب في رقبته ومنقاره ، صحيح لسا في عضه بس الإستجابه السريعة خلال يومين تدل إن إن شاء الله في أمل قريب يصير مستأنس و يبطل عض و جعير إن شا ءالله آمين


عبووووووودي
و الله انا متعجب ، لأن الحجل زي ما انك شايف في الصورة ما تقدر تقول مفتوح ولا مغلق بس هو معضوض من الكاسكو ، و إلى الآن ما أقدر أقرب من رجوله بشكل مستأنس لازم غصب ، و طبعا ما أريده يخاف و أعقد موضوع تدريبه خاصة انه بدأ يستجيب ، فمنتظر يصير أليف و أشوف موضوع الحجله إن شاءالله


تنصحوني أوديه البيطري الآن ولا بعد ما يهدأ و يألف على الناس ؟
أخاف أوديه يرجع خواف مره ثانية و يزيد صوت الجعير

[يوفاوي الكويت]

انا شفت الطير بالسوق كانت صحه زينه

بس انت لاحظه عليه اذا فيه خمول او لا

ولاخظ خروج الكاسكو وانت بكرامه

وانشالله ما فيه الا العافيه

اهم شي الصبر

واي شي تحتاجه انا حاظر

[nizarg]

مبروك الطائر انشاء الله يتربى بعزك
أخي يوفاي انا شريت طير غيني من يومين و ألاحظ عليه الخمول داخل المنزل هل هذه مشكلة ؟ و عندما أوضعه على البلكونة بخف خموله شوي لكن في المنزل أحسه أهبل هههه

[’Parrot ’fofo]

هذا اخوي عشان يميزه عن غيره بس...
مثل حجل الحمام...
مع ألف تحية...

[كاسكاوي هاوي]

مشكورين على الردود ، ومشكور يا فوفو
مكتوب عليه 0072 ّ!!!

أخاف مواليد 72 هههههههههههههههههه