إستفسارات عن الـ Sand Boa

[|| PyTHoN ||]

السلام عليكم

< أدري أذيتكم و لا راجعلكم اذا شريت الـ Red Tail

عموماً أنا أعتزلت من شي بأسمه كلمة بايثون :88:

اول تجربه لي و كانت فاشله لكن الحين قررت إني أربي بوات

و صار بخاطري الـ Sand Boa or Red-Tail Boa
إنحلت المشكله بأني أشتريهم اهم الاثنين ههههههههههه :12:

اليوم أشتريت Sand Boa صغيره :D
و هاذي صورها

http://img63.imageshack.us/img63/1124/68744123.jpg

http://img62.imageshack.us/img62/9996/52321162.jpg

طولها تقريبا 30 سانتي

عموماً عندي جم سؤال عنها

أولا الحوض شكبره لازم يكون ؟
الحين محطوطه مؤقتاً بحوض عرضه شبر !!
ههههههههههههه

و اشوفها قاعده عادي

و مخلي هالحوض الصغير داخل حوض البول بايثون
عشان الدفا

فالسؤال بما إنها أغلب الوقت دافنه نفسها تحتاج دفايه :confused:

و شلون راح يكون حجمها أكبر شي ؟

و الأكل شنو ؟ الريال قالي بيض فري بس أتوقع كبير عليها
و قالي فيران بيض مادري شلون الحين ؟
عندي همسترات صغار تقريباً أعطيها ؟ :rolleyes:

و وين أوكلها لازم مكان فيه تراب لأن ما ودي أوكلها بمكانها :(

و تحتاج حوض فيه ماي ؟

و بس :D

[ثعبان]

مرحبا فيك اخوي

اول شي الحوض بطول 50 سم مناسب جدآ انا ربيتها في حوض مثل كذا

مايحتاج تراب جرائد تكفي

الأكل ماتوكلها بيض ابد لانها ماراح تاكل

وكلها فيران صغار بيض اوي قارض صغير يكون بيبي

الطول في العاده يوصل طولها ل 50 سم

اما الحراره عاملها مثل ماتعامل اي ثعبان ثاني

وبالتوفيق ان شاءالله

[خالد414]

هلا اخوي مبروك الثعابين اولا

حجم الحوض ممكن من متر او اصغر

بالنسبه انها تحتاج دفايه ولا لا ؟ اذا كان جو الغرفه دافي بدون مكيف تقدر تحطه فيها

حجمها اكبر شي شفته طوله 80 سم

بالنسبه للاكل انا الي عندي اوكله فيران بيض وقد اكل هامستر

اكلها بنفس الحوض حقها الي فيه تراب و الماي تقدر تحطلها بصحن صغير بس نادر تشرب ماي

والتراب ضروري لها

وشكرا

[|| PyTHoN ||]

صار في إختلاف بالآراء !

ننتظر الباقي من ناحية الأكل ,,

و في مخطط للحوض جهنمي و راح أحط له صور
بس بعدين بعد ما أضبط المكان لأن لما الحين
الوضع مو مستقر @@"

[خالد414]

مرحبا فيك اخوي

اول شي الحوض بطول 50 سم مناسب جدآ انا ربيتها في حوض مثل كذا

مايحتاج تراب جرائد تكفي

الأكل ماتوكلها بيض ابد لانها ماراح تاكل

وكلها فيران صغار بيض اوي قارض صغير يكون بيبي

الطول في العاده يوصل طولها ل 50 سم

اما الحراره عاملها مثل ماتعامل اي ثعبان ثاني

وبالتوفيق ان شاءالله


معليش اخوي انا اسف

ما شفت ردك قبلي:)

[النمر الأبيض]

السلام عليكم ورحمة الله وبركاته
الثعبان اللي عندك هو نفسه الثعبان الدفان (sand boa ) يعني من أسمه التراب شي ضروري
من ناحية الأكل أنا أفضل أنك تحط فيران بيض صغار أو هامسترات أما البيض فما عندي معلومة عنه
ومن ناحية حجم الحوض 50 سم راح يكون ممتاز جدا لان حجمها أصلا ما يتعدى 80 سم في أعلى الحالات
يعني قليل اللي يوصل إلى هالحجم والغالبية ما بين ال50 وال60 سم
والحرارة مثل كل الثعابين ما في شي زود
والله أعلم

[LiMiTeD]

أولا الحوض شكبره لازم يكون ؟
الحين محطوطه مؤقتاً بحوض عرضه شبر !!
ههههههههههههه

كل ما كبر الحوض كان احسن بس مو اشوفك شاري واحد طولها 3 امتار :)


فالسؤال بما إنها أغلب الوقت دافنه نفسها تحتاج دفايه

اذا كنت تقصد الدفا داخل حوض البايثون مافي مشكله بس اذا بحوض بروحها لازم دفا

و شلون راح يكون حجمها أكبر شي ؟

40 سانتي او اكثر بشويه

و الأكل شنو ؟ الريال قالي بيض فري بس أتوقع كبير عليها
و قالي فيران بيض مادري شلون الحين ؟
عندي همسترات صغار تقريباً أعطيها ؟

اكيد ماتاكل البيض الي ما يفهم بهالهوايه يقولك بيض واهو مايري شنو السالفه
على العموم اكلها فيران يناسبون حجمها


و وين أوكلها لازم مكان فيه تراب لأن ما ودي أوكلها بمكانها

لا مولازم مكان فيه تراب


و تحتاج حوض فيه ماي ؟

ليش مضخم السالفه بكلمة حوض تقر تحط اي شي صغيره فيه ماي :)




ملاحظه:قبل لا تشتري اي شي لازم تشوف تاكل ولا لا

[مهووس الحيوانات]

أنا مالي خبرة واسعة بس لازم أقول الي عندي لعل وعسى ينفع أحد

الي أعرفه عن الدفان Sand boa - Eryx jayakari

انه ليلي المعيشة وهو بوا قصيرة طولها بين 40 - 50 سم بالكثير

ويتغذى على القوارض والأبراص (البرعصي/الوزغة/أبو بريص)

=-=

و الله يحفظلك البوا تبعك ، ماشالله جميلة جدًّا :)

[|| PyTHoN ||]

تسلمون عالرد ~

المشكله اهو الظاهر موكلها بيض فري يعني على كلامه !

انزين الفار شكبره < بعطيها همستر ^^"


يعني اهي مثل ما شايفين حجمها متن الصبع
يعني الهمستر شمتنه لازم نفسها ولا أمتن دبل ؟!
شلون بالضبط
ولا المواليد الي توهم لونهم أحمر ؟

..

[خالد414]

تسلمون عالرد ~

المشكله اهو الظاهر موكلها بيض فري يعني على كلامه !

انزين الفار شكبره < بعطيها همستر ^^"


يعني اهي مثل ما شايفين حجمها متن الصبع
يعني الهمستر شمتنه لازم نفسها ولا أمتن دبل ؟!
شلون بالضبط
ولا المواليد الي توهم لونهم أحمر ؟

..

هلا بك اخوي

بالنسبه للاكل حسب المتوفر عندك

او اللي ياكل الثعبان

عطه فار او هامستر يكون صغير عمره

يعني من اسبوعين الى شهر احسن

[الآسطورهـ]

وعليكم السلام

الاخوان جزاهم الله خير ماقصرو معك

لكن حبيت افيدك بنقطه محد ذكرها

يفضل يكون ارتفاع الرمل بالحوض 7 - 10 سـم

عشان تاخذ راحتها اكثر ..

بالتوفيـق

[|| PyTHoN ||]

و اذا كبرت تاكل أحجام كبيره عادي ؟

[|| PyTHoN ||]

إنزين شوفو الحجم ,,

http://img72.imageshack.us/img72/3170/85747513.jpg

http://img34.imageshack.us/img34/2244/57097883.jpg

مناسب ولا لا ؟

و اذا مناسب كل جم يوم أوكلها ؟

[مهووس الحيوانات]

بالنسبة للأكل انا مادري بالضبط

لكن عطها قطعة لحم مثل أحد الأعضاء هنا في المنتدى شفته يعطيها لحم ، والمفروض تكون عارف وش كانت تاكل قبل ما تشتريها .

=-=

وبالنسبة للتراب يفضل انه يكون رمل ناعم لأنه مثل بيئة الدفان ، وهو يحب يدفن نفسه بين الرمال الناعمة وما يستفيد من التراب الخشن .

[النمر الأبيض]

من ناحية الأكل أتوقع أنه ممكن ياكل بعض السحالي الصغيرة مثل الوزغ او البريعصي
او اي سحالي صغيرة الحجم (بالنسبة لحجمه هو )