وأخيراً . موضوع اول انتاج لي . موضوع متحدث .

[Dark.Love]

بسم الله الرحمن الرحييم
اللهم صلِ على محمدٍ وآل محمد
وأخيراً بعد انتظار شهرين من توالف الكروان
وضعوا اول بيضه
وإن شاء الله اصورها لكم وأضع الصوره
ننتظر دعواتكم وآرائكم ونصائحكم
علماً تاريخ وضع البيضه الأولى
والله ماأدري يمكن
29/4/2010
أو
30/4/2010

[الآسطورهـ]

ماشاء الله تبارك الله

عالبركه .. وعقبال مايفقسون وتشوفهم يكبرون قدامك .. :D

[zErOkA]

ما شاء الله مشكوررررررررررررررررررررر

[الطائر الغامض]

ماشاءلله يارب يفقص كل البيض اللي يجيبونه........

[عاشق الكوكتيييل]

مبروووووووك اشاءالله يفقصون كل البيض

[Dark.Love]

ماشاء الله تبارك الله

عالبركه .. وعقبال مايفقسون وتشوفهم يكبرون قدامك .. :D


الله يبارك فيك يارب
ان شاء الله
:)

[Dark.Love]

ما شاء الله مشكوررررررررررررررررررررر


انت الي مشكوور عـ الرد

. أجمل تحيهـ .
:D

[Dark.Love]

ماشاءلله يارب يفقص كل البيض اللي يجيبونه........


يارب جميعاً
ان شاء الله يكون افضل انتاج لي ولك
:D

[Dark.Love]

مبروووووووك اشاءالله يفقصون كل البيض


الله يبارك فيك
يارب وعقبالك
:)

[Dark.Love]

ان شاء الله
التحديث الأول سيكوون بعد قلييل
وصورة المفاجئه
لتفرحوا معي
:)

انتظرونااا

[fotoo]

انشاء الله
يفقسون
ونشوف خيرهم

[Dark.Love]

مشكووور اخي
يارب الله يسمع منك
وعقبال عندك

والآآآن حان وقت صورة المفاجئه

. :)

[عاشق الكوكتيييل]

متى التحديث الجديد

[Dark.Love]

[ تحــــــديــــــــث رقـــــــ 1 ـــــم ]


بسم الله الرحمن الرحيم
كما وعدتكم
ان اضع لكم صورة البيضه
ها انا افي بوعدي لكم
:D
تفضلووو

ماشاء الله
ماشاء الله


http://center.jeddahbikers.com/download.php?img=516480

وآسف انها كبيرة نوعاً ما
ولكن ليس لدي برنامج تصغير الحجم

خلاص لن افتح صندوق التفريخ الى في تاريخ
2010/5/20

دعواتكم وانتظرونا بتحديثات جديده

. أجمل تحيهـ .

[iCare]

احذف الصورة الأولى بالطلب من المشرف

كذا ما نقدر نشوف شي من كبرالصورة الاولى

مبروك عليك


بس ما شفنا صور الوالدين ..؟!

[Dark.Love]

تم مراسله المشرف
وتم التعديل . الله يجزاه خير . [ الأسد الملك ]
صوره الوالدين الآن سوف اضعهم
في التحيث الثاني
بس طبعاً صور قديمة لهم
لان ماأبي اروح ازعجهم ..
انتظرونا

[ســوكــي ~!]

الله يوفقك ان شاء الله

وتشوف احلى فراااخ

ويرزقك تربيتهم ^^ ويعجبونك ان شاء الله

بنتظااااااارك

[Dark.Love]

[ تحــــــديــــــــث رقـــــــ 2 ـــــم ]

بسم الله الرحمن الرحيم
سأتحدث في هذا التحديث عن الزوج

أولاً سأضع الصور من ثم المعلوماات

الإنثى لوحدهاا
ما شاء الله
http://up.qatifyat.com//uploads/images/qatifyat-11681d49e3.jpg

الذكر لوحده
ما شاء الله


http://up.qatifyat.com//uploads/images/qatifyat-2c63a41356.jpg

وصورة اخرى للذكر

http://up.qatifyat.com//uploads/images/qatifyat-2c63a41356.jpg

والآن صورة وهم مع بعض في ثاني يوم شريت فيه الأنثى

http://up.qatifyat.com//uploads/images/qatifyat-81919324f4.jpg

صورة اخرى وهم مع بعض

http://up.qatifyat.com//uploads/images/qatifyat-6e26a39213.jpg


والآن سأبدأ بطرح المعلوماات

أولا الذكر ..
طبعاً مو غرييب عليكم
:D
من اجمل ماربيت من الطييور
فقد ربيته مند كان عمره 6 أشهر الى أن اصبح عمره 9 سنوااات وقلييل
صرااحة لونه عاجبني بالقووه
وأتوقع انه قادر تماماً على تخصييب البيض
إلا اذا كانت الأنثى بها شئ
او ليس لديها خبرررة

الأنثى ..
اشتريتها قبل
شهرين
وكانت متوحشه وعضتهااا قويه
عمرهاا ماأدري عنهااا ولا سألت احد بعد
على طووول ثاني يوم وضعتهم مع بعض وكانوو مره كيووت

بالأول ظننت انهااا صغيره حتى وصل بي التفكيير إلا تغيرهاا بأنثى اكبر سناً وذا خبره
ولكن الله وفقني ولم اقدم على شئ
وكانت النتيجه
بيضه جمييله من زوج جمييل

يارب يكتمل حظن البيض ويطلعوون لي فرووخ جميييلة زيهم

والآن ننتظر ردودكم الأجمل

. أجمل تحيهـ .

[الطائر الغامض]

ماشاءلله تبارك الرحمن
طيور روعة وانتاجها اروع الله يحفضها لك يارب
ويارب تشوف احلى فروخ

[Dark.Love]

سوكي
مشكوور اخوي
ان شاء الله
وعقبالك

. أجمل تحيهـ .

[Dark.Love]

الطائر الغامض
مشكووور اخوي عـ الإطراء الجمييل

وكذلك طيورك وان شاء الله نتشارك في حلااوة الإنتاج
:)

. أجمل تحيهـ .

[Dark.Love]

اخوااني
لدي سؤااال نسيت ان أضعه
\
/
\

هو كم يوم يأخد الزوج لوضع البيضه الأخرى
؟

[عاشقة الظلام]

مبروك على الانتاج الجديد وانشاء الله الله اتممها على خير وتورينه فراخم
وبالنسبة لسؤالك

يكون الفاصل بوضع البيض الاولى والتي تليها يومين او ثلاثة بلكثير وهكذا لحين وضع البيض كاملاً

[عاشق الكوكتيييل]

مبروووك والصور طالعة وكلشي تمام وانشاءالله تشووف انتاج انتاجهم :88:

[روجيادا]

ماشاء الله طيور تهبل ان شاء الله يتشوف احلى انتاج ,,, بس انت لاتزعجهم
عندي سؤال.. كم متوسط عمر الكوكتيل؟

[حسن بن علي]

ماشاء الله

الف الف مبروك
وانشاء الله يفقص كل البيض

[Dark.Love]

مبروك على الانتاج الجديد وانشاء الله الله اتممها على خير وتورينه فراخم
وبالنسبة لسؤالك

يكون الفاصل بوضع البيض الاولى والتي تليها يومين او ثلاثة بلكثير وهكذا لحين وضع البيض كاملاً

الله يبارك فيكِ
يارب

يعني يومان او ثلاث
مشكوووورة عاشقه على الرد
. أجمل تحيهـ .

[Dark.Love]

مبروووك والصور طالعة وكلشي تمام وانشاءالله تشووف انتاج انتاجهم :88:

مشكووور والله طمنتني
ان شاء الله
وعقبالك
:)

[Dark.Love]

ماشاء الله طيور تهبل ان شاء الله يتشوف احلى انتاج ,,, بس انت لاتزعجهم
عندي سؤال.. كم متوسط عمر الكوكتيل؟

ردك الي يهبل اخوي
يارب جميعاً
ولا يهمك كل الهدوء موجود عندهم
بالنسبه لسؤالك
انا سمعت انه يوصل 15 سنهـ

. أجمل تحيهـ .

[Dark.Love]

ماشاء الله

الف الف مبروك
وانشاء الله يفقص كل البيض

الله يبارك فيك
يارب جميعاً

. أجمل تحيهـ .

[Dark.Love]

[ تحــــــديــــــــث رقـــــــ 3 ـــــم ]

بسم الله الرحمن الرحيم
طبعاً اليوم مابحط صور
بتكلم عن اول ماشريت الأنثى وطريقه سلوك الذكر معاهاا

أولا
انا ماكنت افكر في الإنتاج أبداً
ولكن هنالك من اقنعني بحلاوه انتاج الكروان وسهولته
ومن ثم عطاني صاحبي رابط هذا المنتدى وسجلت فيه ولقييت فيه قسم للكروان
ودخلت وقرأت مواضيع ومن ثم اتى الأخ آي كير بوضع موضوع انتاجه الثاني
الذي افادني انا كثيراً

ومنذ ذلك الوقت طخت في راسي سالفه الإنتاج
وجلست ازن فوق رأس ابويي روح وياي ووديني .. :)

ليين راح وياي مره ماعجبني شئ
مره ثانيه
شفت انثى تلعب لعب في السلاكه
قلت له عطني وياها بدون ماأسأل عن السعر وكان سعرهاا رمزي جداً
200 ريال فقط

جبتهااا بالليل وخليتهاا لوحدها
وفي الصباح وضعتهاا في القفص المجهر بأدواات الإنتاج والي كان فيه الذكر
ومسرررع ماتوالفوا صارت الأنثى تلحق في الذكر
وتدخل معه البياضه بس مافي انتاج أو عمليه تلقيح . . ؟
حيرني الموضوع ومن ثم عرفت لماذا
كنت حاطنهم في الصاله الي فيها جهال واجد رايحين جايين
يعني مكاان ازعاج
وفكرت وين اضعهم وكان في البيت بناء وقلت ماليي الى غرفه السطح
غرفه قبل ماأركب السطح هدوء ماأحد يدخلهاا إلا انا وأخوي الي اكبر مني لأن يحب الذكر كثييير
المهم وضعتهم في تاريخ 27/3/2010
وماكملووو شهرين إلا المفاجئه
كنت راكب لهم بغيير الأكل وزي عوايدي العب مع الذكر شوي

وكان داخل البياضه قمت انا فتحت البياضه ولا اشوف إلا الذكر طافر عليي وطلع من البياضه
وانتبهت ان تحت الأنثى بيضه قمت على طووول أغلقت البياضه
وشفت الذكر نافش ريشه كأنه يستعد لهجووم
قلت في بالي حان وقت التغيير الآن بينقلب عليي 180 درجه
وبالفعل صار الي صار والآن من اتقرب للقفص ابغير الأكل او الشرب
يستعد للهجوم يفكر بدخل يدي له

طبعاً ماقدرت اصور لكم القفص ومكان وجوده
فلذالك ماحطيت صور في هذا التحديييث

اتمنى انكم استفدتوا من قصه حياتي . :)
وماتوقعون في نفس الغلط الي وقعت فيه انا
هوو وضع الزووج في مكاان ازعاااج

بالتوفيق للجميع
. أجمل تحيهـ .

[الأسد الملك]

تحديثات جميله جداً

وطيور روعهـ

الله يحفظهم لك ويفقسون بسلام :D

والموضوع مثبت :)

بالتوفيق

[الطائر الغامض]

ماشاءلله قصة حلوة
...........
بس كيف كان شعورك اول ما فكيت العش وشفت البيضة....؟؟؟
والله انا ما اعرف كيف اوصف شعوري
اول ما فتحت العش
وشفت اول بيضة......
والله كان شعور خيالي :D:D:D:

:rolleyes::rolleyes:

[Dark.Love]

تحديثات جميله جداً

وطيور روعهـ

الله يحفظهم لك ويفقسون بسلام :D

والموضوع مثبت :)

بالتوفيق

الأجمل مرورك عزيزي
والله يحفظ لك جمييع طيورك
شكراً اخي على الطلات الرائعه

. أجمل تحيهـ .

[Dark.Love]

ماشاءلله قصة حلوة
...........
بس كيف كان شعورك اول ما فكيت العش وشفت البيضة....؟؟؟
والله انا ما اعرف كيف اوصف شعوري
اول ما فتحت العش
وشفت اول بيضة......
والله كان شعور خيالي :D:D:D:

:rolleyes::rolleyes:

تبي تعرف شعوري
والله شعوور ماينوصف
خيالي بالفعل
اقول لك نزلت من فووق ركييض وانا اترقص
هههههههه
هوو نفس شعووور كل مربي يطمح لما توصلناا اليه
حتى لو كان البيض فاسد .. الله لا يقوول ..
نفرح ونقوول كل مربي يقع في حفرره ولكن يحاول ان يتفادى الشارع الذي مر عليه لكي لا يقع في نفس الحفرره
. موفق اخي ننتظر فرحتك . بتاريخ 2010/5/16
وانتظر فرحتي بتاريخ 2010/5/20

. أجمل تحيهـ .

[روجيادا]

الله يفرحك بأحلى انتاج ^^ وعقبال مايفقس البيض اللي عندي واشوف اول انتاج لي وافرح فيهم ^^

[Dark.Love]

يارب يفقس البيض الي عندك والي عندي والي عند الجمييع
بأحلى انتاج
ولا تنسى تشاركناا فرحتك
اوك .
. أجمل تحيهـ .

[حسن بن علي]

ماشاء الله الله يوفقك

[Dark.Love]

ويوفقك ويوفق الجمييع
:)

[iCare]

هههههههه ...

و الله مستانسين لك ياخي و الله يتم فرحتك , و لا تحاتي البيض فاسد , الذكور بها العمر يعرفوا شغلهم زين ما زين

و الله يديم الوناسة , بس المرة الثانية اللي تبيض فيها طيورك ما راح تترقص من الفرحة ... المرة الأولى غييير !

انا عندي زوجين المفروض يفقس بيضهم في 15- 20 مايو , و الاثنين اول انتاج لهم .. فان شا الله انا بعد بشارككم بالفرحة ( و في رواية آخرى اشارككم بالفرخة )

و اخ دارك لوف قرب اذنك بقول لك حاجة

ترى الانثى بـ 200 ريال غاااالية , و بالأخص انها نورمل ! ( إلا إذا كانت أليفة فالسعر مناسب )

بس في خبر لطيف , جميع الاناث بالانتاج راح تكون مثل لون الاب , و الذكور غالبا راح يكونوا رمادي , لكن احتمال تطلع الوان اخرى ..

[Dark.Love]

هههههههه ...

و الله مستانسين لك ياخي و الله يتم فرحتك , و لا تحاتي البيض فاسد , الذكور بها العمر يعرفوا شغلهم زين ما زين

و الله يديم الوناسة , بس المرة الثانية اللي تبيض فيها طيورك ما راح تترقص من الفرحة ... المرة الأولى غييير !

انا عندي زوجين المفروض يفقس بيضهم في 15- 20 مايو , و الاثنين اول انتاج لهم .. فان شا الله انا بعد بشارككم بالفرحة ( و في رواية آخرى اشارككم بالفرخة )

و اخ دارك لوف قرب اذنك بقول لك حاجة

ترى الانثى بـ 200 ريال غاااالية , و بالأخص انها نورمل ! ( إلا إذا كانت أليفة فالسعر مناسب )

بس في خبر لطيف , جميع الاناث بالانتاج راح تكون مثل لون الاب , و الذكور غالبا راح يكونوا رمادي , لكن احتمال تطلع الوان اخرى ..



هههههههه

انا اقووول هالذكووور بهالعمر وأول انتاج
مايعرف يمهـ ارحميني .. خخخ ..

لا عاد المررره الثانيه اخف من الأولى
مابترقص بس آكييد بفرح

اوووهـ هالشهر هذا انتاج وافر من اعضاء المنتدى [ الله يزييد ويبارك ويفررح الجمييع ]

احلف ..!
انا يوم ادووور والله هذا هذه ارخص وحده شفتهاا
رحت خمسه محلات الي عنده مرضه والي يقوول منقطع من السوق والي شفت عنده انثى يبيها بـ 180 بس جسمهاا ضعيييف وريشهاا رايح فيهاا
الله وفقني في المحل السادس
وشفت هالإنثى تلعب لعب وازعااج
طبعاً ماكاسرت مع الهندي الي هنااك كنت ابي افتك من الروحه والجيه

اممممم
يعني الواان حلووه
ويمكن تكوون في طفراات ويطلعووا الوان مشكله .

يالله لا تنسى تمول لناا مواضيعك لإنتاجك الجدييد

. أجمل تحيهـ .

[iCare]

هممم ...

ان شا الله بحط صور لآخر انتاج عندي, وايت فيس ...
لكن لما يصير عندي وقت فضاوة " اختبارات "

إذا تبي تشتري طير , دور لك بسوق الخميس .. عندك خيارات اكثر !

و انت منين بالقطيف ؟ لا يكون تطلع من جيراننا ..

[Dark.Love]

اييه ..
والله سووق الخميس صعبه شوي
انا ماأنام من وقت
يعني ما ليي خلق من صباح الله خيير اروح سوق
انا من القديح

وماشاء الله عليك انتجت الوايت فيس
الله يتمم على خيير والله يوفقك في الإختبارات
واحناا بعد عندناا اختبارات بس كل شئ ماشي الحمد لله
:)

[Dark.Love]

شباب تذكرت شئ
ابي الأكلاات الي لازم احطهاا في هالمرحه للزوج
وابي نوع اكل ممتازه للطيور سمعت " الكروان " مو زين اكلهم
:)

[Dark.Love]

وين الشباب
...!

[iCare]

هالمرحلة حط لهم حبوب

و احسن خلطة للحبوب , انا اشتري من سوق الخميس , واحد سيهاتي يبيعها الكيلو بـ 10 ريال

[عاشق الكوكتيييل]

صح اكل "الكروان" مو زين فانصحك خذ لهم خطلة منوعة من الحبوب

[Dark.Love]

هالمرحلة حط لهم حبوب

و احسن خلطة للحبوب , انا اشتري من سوق الخميس , واحد سيهاتي يبيعها الكيلو بـ 10 ريال



اممممم
ان شاء الله السبووع الجاي اروح
وان شاء الله اكلمك تقول ليي وين يجلس

[Dark.Love]

صح اكل "الكروان" مو زين فانصحك خذ لهم خطلة منوعة من الحبوب


مشكووور للتعقييب
ان شاء الله اخد لهم خلطه منوعه
.

[Dark.Love]

شباب بالنسبه للبيض بالبقسماط يصلح احط لهم الحين .؟
وجرجير وخس .؟

انتظركم

[عاشق الكوكتيييل]

اكيييد راح تفيدهم هاذي الاطعمة بس متى التحديث الجديد

[Dark.Love]

مشكوووور عاشق
عـ الرد
ان شاء الله بعد هاليومين لان مشغووول بالمره
وان شاء الله افكر في موضوع للتحديث
لان مخي مشوش
:)

. أجمل تحيهـ .

[Dark.Love]

[ تحــــــديــــــــث رقــــــ 4ـــــم ]



هلا شباب وبنات


شخبار الكل ان شاء الله بخييير


بما اني هاليوميين كووم اختبارات عندناا


فما قدرت اشبك عالنت او اسوي تحديييث


في هذا التحدييث سأسرد اخبار الزوج


طبعاً انا صار لي فتره مافتحت البياضه


الأمس استغلييت فرصه ان الذكر والإنثى خارج البياضه وفتحتهاا


وشفت مفاجئه كبيييره


ثلاث بيضااات ولا أجممل


الله يزيد ويبارك ويتمم عـ خيير


طبعاً تكلمت في التحدييث الي راح عن سلوك الذكر معايا


الله يهدييه كنت مدلعنه آخر دلع


والحيين ماتتخيلوون كييف صار معايا


عنييييييف لدرجه مو طبيعيه


وإذا اتقرب الى القفص كأنه يدري يطلع من البياضه


وينفش ريشه ويحاول يضربني


لكن لألف عيين ألف عيين تكرمُ


بس الحمد لله عـ كل شئ


بما اني باربي احد عياله


ان شاء الله يطلع مثله يوم كان شباب << خخخخخ


طبعاً صور للقفص والثلاث بيضات باحطهاا في التحدييث الخامس


وسوييت شئ باقوله لكم التحديث الجاي


تريونااا
وأدعووا لناا نعدي الإختبارات
وخاصه اختبار [ الكيمياء ]
بكرهـ
:D


. أجمل تحيهـ .

[عاشق الكوكتيييل]

مبرووووووووووووك على الثلاث بيضات وانشاءالله 100000000000000000000000بيضة


و متى بتحط التحديث الخامس

[عاشقة الظلام]

كل التوفيق لك اخوي في الانتاج وفي الدراسة
ومتنطرة شوفة الفراخ

[بيرلي]

مبرووك وبالتوفيق ويتربون بعزك وان شاء الله تفقس معك

[Dark.Love]

مبرووووووووووووك على الثلاث بيضات وانشاءالله 100000000000000000000000بيضة


و متى بتحط التحديث الخامس

الله يبارك فيك
وان شاء الله عقبالك

والله التحدييث الخامس تو الناس عليه
ان شاء الله بعد يوميين او ثلاث بالكثيير

[Dark.Love]

كل التوفيق لك اخوي في الانتاج وفي الدراسة
ومتنطرة شوفة الفراخ


مشكووور عاشقه عـ الدعووه

مو بس انتين ؟
انا اكثر منك
:)

[Dark.Love]

مبرووك وبالتوفيق ويتربون بعزك وان شاء الله تفقس معك


الله يبارك فيك
الله يوفقك وعقبالك
ان شاء الله
:)

[kaserii]

انشاء الله يفقسو كلهم، ويكونوا مخصبين، وتشوفلهم أحلى الألوان والتشكيلات.


تحية للجميع...

[Dark.Love]

ان شاء الله
الله يسمع منك
وعقبالك
:)

[عاشق الكوكتيييل]

أخوي دارك لوف متى راح تحط التحديثات الجديدة لان شوي طولتوون واحنا نبي نستفيد من تجاربكم الممتعة فلا تطولون علينا الله يخليكم

[Dark.Love]

أخوي عاشق الكوكتييل
أشكرك جداً عـ التفاعل الواضح
ان شاء الله اليوم اقدر احط التحدييث
والله انا ودي احط التحديث الجديد بس الله يهدي الظروووف << :)
اتريونااا ان شاء الله اليوم
:)

[Dark.Love]

[ تحـــــــديـــــث رقـــــــ 5 ــــــم ]

بسم الله الرحمن الرحيم
شخبار الكل ان شاء الله بخيير
أولاً أعتذر من كل قلبي على التأخيير الخارج عن ارادتي
وأدري بكم طيبيين وبتسامحوني :D

نخش في الموضووع .. >

\
/
تحدثناا في التحدييث السابق عن سلووك الزوج بعد وضع البيض
واتتمنا التحدييث بخبر وضع الثلااث بيضاات
واليوم باحط لكم صور الثلاث بيضاات
بسم الله ما شاء الله
http://www.2zoo.org/get-5-2010-2zoo_org_o7rigcyy.JPG

وهذه صور القفص قبل ماأنضف ارضيته لان بسررعه صورت لا اطول عليهم ..
http://www.2zoo.org/get-5-2010-2zoo_org_y3ngh4mk.JPG

http://www.2zoo.org/get-5-2010-2zoo_org_jii8iaw2.JPG

طبعاً انا شفت الثلاث بيضات وفرحت
لكن بعد خمس ايام من وضع البيضه الثالثه
ركبت لهم زي العاده بغير الأكل والشرب
شفت شئ كدر خاطري
وهووو ..

http://www.2zoo.org/get-5-2010-2zoo_org_ekx0ku0t.JPG



نعم رمي بيضه من الثلاث في ارضيه القفص
بصراحه كدر خاطري بس قلت الحمد لله
أول انتاج وأفضل المنتجيين يصير لهم هالشئ
ومافي طرييق يخلوا من الحفر والمعرجاات

أما الآن باقي بيضتاان
وخمس ايام عن موعد تفقييس البيضه الأولى , ان شاء الله مو الي رموهاا , :D


وفي نهايه التحدييث ابعث لكم اجمل سلامْ ياأجمل اعضاء

طبعاً التحدييث القادم سيكوون يوم الخميس الموافق 2010/5/20
وهووو موعد التفقييس

. أجمل تحيهـ .
. Dark.Love .

[عاشق الكوكتيييل]

والله افجعتني بالبيضة وانشاءالله يعوضك عن البيضة في الانتاج الثاني 10000 بيضة وانشاءالله يفقسون البيضتين و تفرح بهم بس الطائر الغامض باقي لطيورة يوم وما حط تحديث من زماان بس ابي اعرف ليش هو موقوف؟؟؟

وانشاءالله عقبالي في الانتاج:88:

[عاشقة الظلام]

الله اعوض عليك اخوي بالبيضة الي سقطة من العش ونشاء الله يطرح الله البركة في البيضتين الباقيتين وتشوف احلى فراخ

[وهيبان]

لم تسقط ولكن اكتشف الزوج انها غير مخصبة فاستبعدوها
بانتظار صور الفروخ بعد الفقس

[Dark.Love]

والله افجعتني بالبيضة وانشاءالله يعوضك عن البيضة في الانتاج الثاني 10000 بيضة وانشاءالله يفقسون البيضتين و تفرح بهم بس الطائر الغامض باقي لطيورة يوم وما حط تحديث من زماان بس ابي اعرف ليش هو موقوف؟؟؟

وانشاءالله عقبالي في الانتاج:88:


مشكوووور والله عاشق
والله انت متابع لمواضيع الأعضاء اول بأول
والله يرزقك على قد نيتك ..
والله انا علمي علمك واحاتي وضعه
ماأدري ليش موقووف
وان شاء الله فقسوا البيض بتاعوو

يارب ..
:D
. تحيهـ .

[هاوي تربيه]

ما شاء الله تبارك الله
الله يعوض عليك
ويفقس باقي البيض
تحياتي
أبوعبدالله

[Dark.Love]

الله اعوض عليك اخوي بالبيضة الي سقطة من العش ونشاء الله يطرح الله البركة في البيضتين الباقيتين وتشوف احلى فراخ


.. :D
يارب
ولكن لا أؤمن بالنجاح
إلا بعد الفشل ..
. تحيهـ .

[Dark.Love]

لم تسقط ولكن اكتشف الزوج انها غير مخصبة فاستبعدوها
بانتظار صور الفروخ بعد الفقس


وهذا ماقلته انا
عندما قلت رمي وليس سقووط ..
يارب يفقسوا وابشر بسعدك ..
:D

[Dark.Love]

ما شاء الله تبارك الله

الله يعوض عليك
ويفقس باقي البيض
تحياتي

أبوعبدالله



ان شاء الله
وعقبالك .

[درب الزمن]

مشاء الله تبارك الله

[Dark.Love]

مشاء الله تبارك الله



باركـ الله بيك
. تحيهـ .

[ماين كون]

لو سمحت اخوي كم سعر الكروان بالريال

[الطائر*الغامض]

لو سمحت اخوي كم سعر الكروان بالريال

سعر الجوز حدود 350 _400 ريال ..........

[الطائر*الغامض]

يالله اخوي دارك لوف مو اليوم يومك يعني اليوم الموعود
خبرنا فقص شي.......؟؟

[Dark.Love]

لو سمحت اخوي كم سعر الكروان بالريال


اخوي سعر الجوز الغير منتج يبدأ من 300 الى 450
أما الجوز المنتج يبدأ من 550 الى 800 اذا كان مع الفراخ
طبعاً شامله الألوان الغاليه مثل . وايت فيس . ألبينيو . مصبغ . ألخ .
. تحيهـ .

[Dark.Love]

يالله اخوي دارك لوف مو اليوم يومك يعني اليوم الموعود
خبرنا فقص شي.......؟؟


والله يالخوي لا شئ يذكر حتى الآن
بالإنتظار
ربماا البيضه التى رموهاا هي البيضه الأولى ننتظر الى الغد
. أو الليله .
. تحيهـ .

[عاشق الكوكتيييل]

أخوي دارك لوف فقس البيض ولا لا؟؟

هو البيض راح يفقس اليوم ولا بكرة؟؟؟ بس انشاءالله يفقس وتفرح بالفرووخ

[Dark.Love]

هلا هلا عاشقووهـ ..
والله مافقس شئ
وهو المفرووض البيضه الأولى اليوم
وماطلع شئ
البيضه الثانيه غداً او الي بعدو
ان شاء الله وعقباااالك
. تحيهـ .

[عاشق الكوكتيييل]

أخوي دارك لوف يمكن مو الحين موعد تفقيس البيض يمكن العصر لو الليل بس انت كل ساعة لو ساعتين بطل العش يمكن تلاقي فرخ انشاءالله

وعقبالي في الانتاج

[حسن بن علي]

ننتضر صور الفروخ

[iCare]

^
مدري هذي يسموها نصيحة او ..... ؟
إذا ما يبي يشوف الفروخ ابد خليه يفتح العش كل ساعة

[الطائر*الغامض]

اي والله مو كل ساعة ساعتين لا كل يوم او يومين افتح العش
ويارب يفقص البيض.......

[Dark.Love]

أخوي دارك لوف يمكن مو الحين موعد تفقيس البيض يمكن العصر لو الليل بس انت كل ساعة لو ساعتين بطل العش يمكن تلاقي فرخ انشاءالله

وعقبالي في الانتاج


لا مايصير كل ساعه لو ساعتيين
جدئ يخظوون الزوج البيض
وباي باي انتاج
انا اشوف فرصه الزوج مو بداخل العش وأكثر شئ الصباح
ان شاء الله بكره الصباح بابطل العش
واذا ماطلعوا من العش مافي الا حيين يطلعوا من العش
. أجمل مافي الإنتاج الصبر .
. والله ايدي تحرقني تقول لي افتح العش . . بس انا حاقرنهاا .

هع
. تحيهـ .

[Dark.Love]

ننتضر صور الفروخ



هم اول خلهم يخرجوا
وانا أنتظر خرووج الفرووخ
. تحيهـ .

[Dark.Love]

^
مدري هذي يسموها نصيحة او ..... ؟
إذا ما يبي يشوف الفروخ ابد خليه يفتح العش كل ساعة


شكراً عـ التعقيب
فعلاً كل ساعه تخلي الزوج يحرك البيض كثير مما يودي الى فساده
. تحيهـ .

[Dark.Love]

اي والله مو كل ساعة ساعتين لا كل يوم او يومين افتح العش
ويارب يفقص البيض.......


سي ..
فقط الآن يوم لو يوميين
أما في البدايه عدم فتحه افضل
.
يارب وعقبال بيض طيورك

[iCare]

انا سبقتكم و واحد من الزوجين اللي قلت لك عليهم فقس 4 فروخ ما شا الله , اول انتاج له ...

اما الزوج الثاني من 4 بيضات اثنين ملقحات , وحدة يبدو انها فاسدة لأنها تصير حمرا بالضوء و المفروض في هالفترة تكون سودا تقريباً , يعني الزبدة اني اترجا من الزوج الثاني بيضة وحدة تفقس بس ... و ان شا الله تفقس خير و بركة

تاريخ تفقيس اول بيضة من الزوج الثاني كان 18 / 6 / 2010

و كأقصى حد لو قلنا ان الانثى كانت تبيض يوم و توقف يوم = 18+ 6 = 24 ... يعني المفروض بالكثير بالكثير لو كانت آخر بيضة حطها الزوج هي اللي اترجاها تقفص راح تقفس قبل يوم 25 من هالشهر " ميلادي " ....

و يلا انا انتظر معاكم بعد بيضة وحدة تفقس :D

[Dark.Love]

والله فرحت لك آي كيير
مبروووك عليك
تستاهل كل خيير
ما شاء الله عليك انتاجك رائع
ان شاء الله تفقس آخر بيضه عندك
وأنا تفقس أول بيضه عندي
. أنتظر صور فروخك .
. أجمل تحيهـ .

[aljaafari]

والله وانا اقرى موضوعك يخوي تحمست كثير وعندي يخوي سؤال
انا عندي السلاكة 3متر في 3 متر طبعاً حاطها خارج المنزل بس المشكله الجو حر ما ادري ينفع احط زوج كروان فيها وهل ينتجون مع ان الجو عندنا حار اخاف ما يتحملو الحرارة ولا وش رايك

على فكره يخوي وش صار على البيض فقس ولا باقي ويعطيك العافيه على هذا الموضوع الاكثر من رائع

[Dark.Love]

مرحباً بك أخي
والله بالنسبه للسلاكه إذا كانت بقرب اشجار بيغطي عليهاا ان شاء الله ينتجوون
أما اذا بوحدهاا مافي بقربهاا شئ من مسمى الأشجار فهنالك يمكنك ان تقوول ان الجو خطر على الكروان
وانا أعرف ناس كثيير عندهم سلاكه وأنتجوا فيهاا ولا قالوا مشكله مع الجو او ماشابه
علماا بأن الأشجار تعطي جو لطييف
..
أما البيض فلا شئ يذكر
مازلت انتظر خرووج فرخ واحد
. أجمل تحيهـ .
:)

[aljaafari]

مرحباً بك أخي
والله بالنسبه للسلاكه إذا كانت بقرب اشجار بيغطي عليهاا ان شاء الله ينتجوون
أما اذا بوحدهاا مافي بقربهاا شئ من مسمى الأشجار فهنالك يمكنك ان تقوول ان الجو خطر على الكروان
وانا أعرف ناس كثيير عندهم سلاكه وأنتجوا فيهاا ولا قالوا مشكله مع الجو او ماشابه
علماا بأن الأشجار تعطي جو لطييف
..
أما البيض فلا شئ يذكر
مازلت انتظر خرووج فرخ واحد
. أجمل تحيهـ .
:)


راح اصور السلاكه يخوي واحطها تشوفو موقها واذا كانت تناسب او لا وانا بصراحه محتار بين انتاج الكروان او الدره المطوقه ابي الي يتحمل الحراره اكثر وبصراحه ودي احط الكروان مع الدره في السلاكه بس ما ادري يصلحون ولا كذا ما ينتجون وهل يعيشون مع بعض ولا تصير مشاكل بينهم اتمنا تفيدني يخوي

[عاشق الكوكتيييل]

ها أخوي دارك لوف بشر صار شي ولا لا؟؟

و انشاءالله يفقسوون بيضك الحين

[عاشق~الحمام]

::..سامحني اخوي ما رديت بالموضوع انا اليوم قريت الموضوع بالكامل مفيد ربي يوفقك ..::
::..الف الف مبروك عليك الثلاث بيضات..::
::.. الله يصبرك بعد رمي اول بيضه ..::
::..الف الف الف مبروك اخوي آي كير على الأنتاج بأنتضار الصور..::
::..اخوي الله يوفقك وتشوف الفروخ قريباً بأذن الله..::

[Dark.Love]

راح اصور السلاكه يخوي واحطها تشوفو موقها واذا كانت تناسب او لا وانا بصراحه محتار بين انتاج الكروان او الدره المطوقه ابي الي يتحمل الحراره اكثر وبصراحه ودي احط الكروان مع الدره في السلاكه بس ما ادري يصلحون ولا كذا ما ينتجون وهل يعيشون مع بعض ولا تصير مشاكل بينهم اتمنا تفيدني يخوي


طيب انا أنتظر الصوور
أما بالنسبه لـ إنتاج الدره المطوقه فلا علم لي به
تقدر مدام السلاكه 3م في 3م تقدر تقسمهاا 1.5 في 1.5 لكل فصيله
وفي عدناا مثال حي الأخ حسن بن علي عنده سلااكه وفرخوا طيوره وأخرجوا فرووخ جمييله
بالنسبه لـ التشاجر افذتك بأنك تقسم السلاكه نصفيين بوضع سبك في المنتصف
وتقدر تنتج الكروان وأي طير آخر
. تحيهـ .

[Dark.Love]

ها أخوي دارك لوف بشر صار شي ولا لا؟؟

و انشاءالله يفقسوون بيضك الحين


والله اخوي عاشق
لا يوجد شئ
وشكلي ليووم الأربعاء اذا ماطلع شئ بشييل البيض وبكسره
وبشييل البياضه لمده سبوووع لإعطاء الزوج راحه
ومن ثم انتظر الإنتاج الجديد
هذا تخطيط ليوم الأربعاء وان شاء الله مايصيير
وتفقس بيضع عـ الأقل بكره لو الي بعدوو
. تحيهـ .

[Dark.Love]

::..سامحني اخوي ما رديت بالموضوع انا اليوم قريت الموضوع بالكامل مفيد ربي يوفقك ..::
الغائب عذره معااه . أن تأتي متأخرا خير من الا تأتي ابداً
ويوفقك ربي
::..الف الف مبروك عليك الثلاث بيضات..::
الله يبارك فييك
::.. الله يصبرك بعد رمي اول بيضه ..::
ويصبر الكل الي صابتهم هالحاله
::..الف الف الف مبروك اخوي آي كير على الأنتاج بأنتضار الصور..::
ربماا الصور غداً في موضووعه المستقل :)
::..اخوي الله يوفقك وتشوف الفروخ قريباً بأذن الله..::
يارررب الله يسمع منكم جميعاً
أشكركم من كل قلبي عـ هالوقفاات الجمييله مارح انسهاا لكم بحياتي
وعقبال ماأوقف معكم في أفراحكم




. أجمل تحيهـ .

[الطائر*الغامض]

يالله ننتظر انا وانتا والله بدأت اشك في البيض
بس يااااااااااااااارب يفقص بيض طيوري وطيورك وكل طيور المنتدى
ونشوف على الاقل لو فرخ واحد.....يارب

[Dark.Love]

يالله ننتظر انا وانتا والله بدأت اشك في البيض
بس يااااااااااااااارب يفقص بيض طيوري وطيورك وكل طيور المنتدى
ونشوف على الاقل لو فرخ واحد.....يارب



الله يسمع منك يارب
وانا شكيت فيه من زماان بس الصبر ثم الصبر
ان شاء الله يفقس ولو فرخ واحد للجميع
. تحيهـ .

[عاشق الكوكتيييل]

لا تفقدوون الأمل يا أخوان (الطائر الغامض,دارك لوف)حتى لو في هالتجربة ما فلحتوون ولا حصلتوون شي انشاءالله في التجربة الثانية تحصلوون فرووخ قد ما تبوون فلا تحبطوون روحكم وانشاءالله عقبالي في الانتاج عقبال جميع اللي ما انتجو في في جميع الطيور ليس فقط الكوكتيييل

[الطائر*الغامض]

اشكرك الف شكر اخوي عاشق على رفع المعنويات
وخلاص الله يوفقنا في الانتاج الجاي......
بس دحين يا دارك لوف رميت البيض ولا لسا موجود في العش........؟؟

[Dark.Love]

لا تفقدوون الأمل يا أخوان (الطائر الغامض,دارك لوف)حتى لو في هالتجربة ما فلحتوون ولا حصلتوون شي انشاءالله في التجربة الثانية تحصلوون فرووخ قد ما تبوون فلا تحبطوون روحكم وانشاءالله عقبالي في الانتاج عقبال جميع اللي ما انتجو في في جميع الطيور ليس فقط الكوكتيييل



أشكرك جداً عزيزي
لا بأس في التجربهـ الأولى
ولكن في التجربه الثانيه المفرووض مانغلط
والله هوو الرازق
وعقبالك وعقبال الكل
. أجمل تحيهـ .

[Dark.Love]

اشكرك الف شكر اخوي عاشق على رفع المعنويات
وخلاص الله يوفقنا في الانتاج الجاي......
بس دحين يا دارك لوف رميت البيض ولا لسا موجود في العش........؟؟


وأنا اشكرك للمتابعه
ان شاء الله نوفق يارب
لا لساا موجوود بالعش
ان شاء الله يوم الخمييس اشيله
والله ضميري يأنبني
ودي اشوف الزوج يرمي البيض ولا انا اشيله
:)
وانت شلتهـ ولا لساا .؟
. تحيهـ .

[Dark.Love]

[ نصفـــ تحدييييث رقــ 6 ـــم ]

بسم الله الرحمن الرحييم
اللهم صلِ على محمدٍ وآل محمد

شباااب ابيكم تفسروون لي حالهـ وبسرعه
الآن تو راكب مررره للزووج
وشفت فيه بيضه لونهاا برتقالي و كانت ليننه
طبعاً البيضه تو واضعنهاا الزوج
ماأدري هل لم تكمل فتره الحضانه في بطن الإنثى .؟
صراحه اول مره اشوف بيض جي في حياتي
البيضه طبعاً صورتهاا انا وهي خارج البياضه
أسفل القفص وانا شلتهاا وحطيتهاا في البياضه عـ شان يستفيذ منهاا الزوج
. يعني ياكلوهاا .
وان شاء الله يوم السبت بشييل كل البيض والبياضه بعد
الى تاريخ 2010/6/5 ان شاء الله بعود اضع لهم البياضه
وان شاء الله خيير

[عاشق للببغاء]

إن شاء الله يفقس لكم البيض وبيض جميع الاعضاء
وإن شاء الله تمتلئ بيوتكم فروخ

[Dark.Love]

أشكرك عاشق للببغاء
على الرد
ولكن لم يجعل الفشل للأمل مكان ليمكث فيه
الله يعوض عليناا في الإنتاجات الجايهـ
. تحيهـ .

[iCare]

دراك لوف , خروج بيض لين " يسمى خداج " يحدث غالباً لدى الاناث الجديدة على النتاج و بسبب سوء التغذية او وضع بيض لأول مرة ...

ارفع البيضة عنهم , و اذا البيض القديم كمل اكثر من 25 يوم فأعتقد افضل انك تشيله , و مادمك لقيت خداج فأتوقع ان الانثى راح تبيض بيض جديد خلال هالكم يوم

ارفع الخداخة و ارميها لأنها ما راح افيدهم , و لو انشقت راح توسخهم و تطلع ريحة بالعش

[Dark.Love]

اممممم يعني زي الأولاد الي يطلعوو بدون مايكملوا 9 أشهر
انا شلتهاا
وزين انهاا ما أنشقت
يعني الإنثى بتوضع بيض جديد في هالكم يووم
وانا اقوول باشيل البياضه عنهم
انا اليوم شلت بيضه من الثنتين لان صار لونهاا اسود قلييل
طلع فيهاا جنين ميت وماء له ريحه كريه
ولكن البيضه الأخيره عـ ماأعتقد ماكملت 25 يوم لكن باشيلهاا يوم السبت ان شاء الله
. الآن ماأقدر اشييل البياضه .؟
أنا ابيي انضفهاا لهم وأعطيهم راحهـ بس الذكر الله يهدييه مايعطي مجااال . ههههه

. أجمل تحيهـ .

[Dark.Love]

شباب عـ حسبي الآن تاريخ وضع البيضه الثالثه 2010/5/8
يعني لساا ماتكمل 21 يووم أصلاَ
إذا البيضه الي في العش هي البيضه الثالثه يعني غداً ان شاء الله تكمل 21 يووم
. تخيلوووا تفقس وهذا مستحيييل
. آخر موعد لهاا يوم السبت
وباشيهاا برمهاا
. أجمل تحيهـ .

[عاشق الكوكتيييل]

لاتدير بال ترى بتفقس البيضة انشاءالله بس حط لينا اخبار الفرووخ اول باول

[Dark.Love]

ان شاء الله
عاشقووهـ ترى محسوبه لك رفع المعنوييااات
وبنردهاا لك ولكن بالبركاات . :)
الله يسمع منك
ياااارب
. تحيهـ .

[الطائر*الغامض]

يعني من جد ما كملت 21 يوم.....
بس ان شاءلله تفقص وتفرح بها يارب.............

[Dark.Love]

نعم لم تكمل .!
تصوور .!
ان شاء الله
مع ان الأمل مفقوود
ولازلت ابحث عنه في ارجاء البلده
والله كرييم .:)
. تحيهـ .

[Dark.Love]

بسم الله الرحمن الرحيم .
اللهم صلِ على محمدِ وآل محمد
. شخبار الجمييع ان شاء الله بخيير
بعد فقد الأمل وانتهاء فتره حضانه البيض
تم كسر البيض بنجااح
وبالفعل طلع البيض غير مخصب
وتم أيضاً تنضييف البياضه ووضع نشاره جديده وكنست الغرفه بعد .. :)
هههههه
كل هذا انتظااار الإنتاااج الجديد
وان شاء الله تتم على خيير في الإنتاج الجاي
وأخيراً وليس أخيراً
تشرفت بمعرفه الأعضاء والمتابعيين لي على الدواام
وأود أشكر من كل قلبي عضوين هم . الطائر الغامض & . عاشق الكوكتيييل
صراحه ماتركوني لا في السراء ولا الضراء
ولكن الشكر لا يُقتصر على الإثنين هاولا
الى جمييع اعضاء قسم الكرووان وزواره الذين ردوا علي ورفعوا من معنويااتي
انا أعلم وأجزم أن جمييع الأعضاء مثل الطائر & عاشقووه
ولكن لِكل ظروووفه
الله يوفق الجمييع
للعلم ولجميع من فشلوا في الإنتاج
[ ليس فشلك في الإنتاج يعني نهايه العالم لالالا انه بدايه لعالم جديد ]

. أجمل تحيهـ .
. برائحهـ الورد المحمدي .






Darkooh.21

[عاشق الكوكتيييل]

والله تسلم أخوي دارك لووف على مدحي أنا و الطائر الغامض و على الكلام الحلو وانشاءالله في التجربة الثانية تحصل قد ما تبي من فروووخ وحتى الطائر الغامض وانشاءالله ايضا تعلمتوا من هاذي التجربة الحلوة كل ما هو مفيد لكم وانشاءالله تحصل في التجربة الثانية أحلى الفرووخ

وانشاءالله عقبالي في الأنتاج


أخووك



عاشق الكوكتيييل

[Dark.Love]

والله تسلم أخوي دارك لووف على مدحي أنا و الطائر الغامض و على الكلام الحلو وانشاءالله في التجربة الثانية تحصل قد ما تبي من فروووخ وحتى الطائر الغامض وانشاءالله ايضا تعلمتوا من هاذي التجربة الحلوة كل ما هو مفيد لكم وانشاءالله تحصل في التجربة الثانية أحلى الفرووخ

وانشاءالله عقبالي في الأنتاج


أخووك




عاشق الكوكتيييل




مدح .؟
للأسف ياليته كان مدحاً
ولكن الي مكتووب عالجبين لازم تشوفه العين
وهذه حقيقه
ان شاء الله في الإنتاجات الجايه
ولم ينتهي مشواري سأظل جازماً على الإنتاج في طيور الكوكتييل حتى لو كلفني ذلك
شراء ازواج اخرى
سأنتج يعني سأنتج
.. ويش رايك فيي وأنا قوي . ههههه

بالفعل فكره الإنتاج تم حفرهاا في دماغي
والله الموفق في كل الأحوال
. أجمل تحيهـ .
Darkooh.21

[عاشق الكوكتيييل]

والله قوي:D

وانا بعد راح انتج الكوكتييل يعني انتجة لو ويش يصير راح انتجة و على فكرة انا انتجت كروان بس مو في البيت في زراعتنا يعني ابدل ما و اكل و امشي عنهم لاكن اللين تنتج في بيت او محل انت فية على طوول تحس انك انجزت شي عضيم واتحس ايضا بحلاوة الانتاج وانك تعبت و تعبت حق تنتج الكروان

[Dark.Love]

نعم ..
هذه حلاوه الإنتاج
. تحيهـ .

[الطائر*الغامض]

اشكرك اخي دارك لوف جزيل الشكر,,,
والله يوفقنا ويوفق كل اللي لم يفلحوا في الانتاج الاول
وينجحنا في الانتاج الثاني يارب,,,,,,,,,,,,,,,,,

[Dark.Love]

الشكر موصل لك
الله الموفق
ان شاء الله نوفق في الإنتاجات الجايه
. تحيهـ .

[اسير القفص]

ماهــو بيده يفــارقني ولاكان الفراق منــاه ْْْْمشا عجل وانا عارف تباعد به مقاديرهـ الركن الهادئ. ... يارب حقق لها مراده يارب ... اللهم آآميييين,, ...

[Dark.Love]

أنا داري مهو بيده
ولا يوم تمني يفارقني
ولكن ياحبيبي الأقدار
تودينا للركن الخالي
..
شكراً
ويارب يتحقق مرادك
ومرادنا
. تحيهـ .

[iCare]

ههههههههه

ايش السالفة ؟ صارت ملحمة اشوف

[Dark.Love]

هههههههه
أبد والله
بس لازم نعطي جو للنهايات
. أجمل تحيهـ .

[Dark.Love]

معلوومهـ ..
اسفل بطن الإنثى منتفخ بوضووح ربماا قرب وضع البيض الجديد
دعواتكم
.
. تحيهـ .

[عاشق،الخليج]

ياله يارب تشوف احى انتاج

[Dark.Love]

يارب
وعقبالكـ
. تحيهـ .

[عاشقة الظلام]

اتمنى لك كل التوفيق في الانتاج الجاي.

[Dark.Love]

أشكرك
وننتظر موضوع انتاجك الجديد
:)
. تحيهـ .

[أحبك توتو]

مبروووووووووك

[الطائر النبيل]

ماشاء الله ومشكورررررر

[الطائر النبيل]

ومبروووووووك

[الطائر النبيل]

ماشاء الله ومشكوووووور

[KaKa_22]

مبروووووووك

[الطائر النبيل]

ماشاء الله تبارك الرحمن