yellow crowned amazon

[ri940449]

شباب صار لي اسبوع ماخذ اليلو كروند امازون فرخ ما شاء الله عليه اجتماعي وسريع الفهم ويستجيب للحركات.
هل يتكلم هذا النوع من الامازونات وفي اي عمر يبدأ الكلام وكيف يمكنني معرفة عمر الطائر

[رحماك ربي]

اخوي انا عندي واحد والطائر لطيف جدا ولما يبلغ يتغير لون عيونه من الاسود للاحمر وسواد فالنص
وهذا يحدث فالشهر السابع تقريبن.

وعن الكلام البعض يقول انه طائر جيد فالكلام ويأتي في المرتبه الرابعه في الامزونيات.

والبعض يقول انه طائر غبي بس ناس خبره قالو يعتمد على ذكاء الطائر اذا الطائر ذكي
بتحصله يتكلم وما في احسن عنه واذا غبي لو ان شاء الله من احسن نوع فالبغبغاء ما راح يتكلم.

وفي واحد من الاعضاء كتب ربيعه اشترا يلو ناب امزون واللي يعتبر افضل نوع وما اتكلم و? كلمه.

مبروك عالبغبغاء واتمنى اين فدتك اخوي.

[ri940449]

مشكور اخوي رحماك على الرد شكلي لو ماخذ لي كاسيكو ارخص واحسن لي

[رحماك ربي]

العفو اخوي.

صراحه احسن لك الكل يقول الكاسكو احسن عن اليلو كراون فالكلام.

لو ما عندك مانع تقولي بكم خذته؟

انا افكر اخليه عندي واخذ كاسكو صراحه لان اذا بعته ما راح يجيب قيمه.

[ri940449]

260 دينار بحريني يعني حدود 2500 درهم اماراتي
اخوي رحماك ما في موقع حلو يعطينا معلومات مفصلة عن الامازون اللي شفته في اليو تيوب عن اليلو كرون يتكلم ويضحك زين بس ما ادري

[رحماك ربي]

ما شاء الله سعر حلو. انا اللي اعرفه عندكم فالبحرين اهتمام كبير فالبغبغاء وفي مزارع
لتربية وتفريخ البغبغاء واكيد في ناس فالبحرين يقدرون يفيدونك.

للاسف ما لقيت اي موقع يهتم او يعطيك معلومات مفيده عن اليلو كراون كل عضو عنده رأي مختلف ومب عارفين
كلام من فيهم صحيح. انا دخلت على اليوتيوب وشفت المقاطع صراحه اشوف كلامه زين. انا بصبر عليه 6 شهور اذا شفته ما تكلم ببيعه.