شويه اسئلة عن البادجي

[abo-khallody]

السلام عليكم

انا مربي بلابل سابق وبصراحه ودي اجرب نوع جديد من الطيور

وطاح في بالي نوعين وهما البادجي والكروان

فياليت اللي عنده خبره يجاوبني مشكورا

1- كم اسعار النوعين , وهل يفضل اني اخذ اليف جاهز او اخذ فروخ واربيهم بنفسي؟
2- هل البادجي والكروان يستطيعون العيش لوحدهم (بدون انثى) والا لازم اجيبلهم زوج؟ ووش افضل اجيب ذكر او انثى ؟
3- كم يعيش البادجي والكروان ؟وهل يعيشون في الاجواء الحاره والبارده؟
4- هل البادجي والكروان يغردون ام بس تصفير؟وهل في امكانيه تعليم الكلام؟
5-سمعت انه يجب عليك تجيبهم قفص خاص محكم القفل لانهم اذكياء ويفتحون القفص ؟ هل هذا صحيح ؟
6- هل عضتهم قويه :D ؟ لاني جربت عضه البلبل حليله :p ؟
7- وش تنصحوني اخذ بادجي ولا كروان ؟

والله يعطيكم العافيه وآسف على الاطالة

[the master2010]

1- مادري كم بالدمام بس بس بالمدينه الزوج الاسترالي 150 ريال والانجليزي 200 ريال والهولندي الله اعلم

2- ايه يعشون لان الكروان طائر حنون ولازم زوج بادجي زوج كروان وعادي لو الفرق بس مساحه تكون كبيره واكل بكمية اكبر عشان لا تسير مشاجرات

3- البادجي يعيش حسب تربيتك والكروان بإمكانك طرح السؤال في القسم المخصص له

4- ايه اخوي يتكلمون زي الببغائات وتصفيرات كل شي الحمدالله

5- البادجي ذكي بس مو شرط

6- لو انك ناعم<< خخخخخ بتكون قويه عليك لكن انا ماتألمني بس لازم توديه مره في الشهر عندالبيطري يبرد منقاره لانه لو صار طويل تبدأ بالالم

7- والله اللي تناسبه الظروف ونوع تربيتك يعني لكن لانك طرحته في قسم البادجي رح تلاقي اقبال اكثر على البادجي وانا افضلهم الاثنين كل واحد احلى من الثاني

الله يعافيك وهذا الواجب

واي استفسار انا جاهز

[abo-khallody]

2- ايه يعشون لان الكروان طائر حنون ولازم زوج بادجي زوج كروان وعادي لو الفرق بس مساحه تكون كبيره واكل بكمية اكبر عشان لا تسير مشاجرات


اجيب وزوج ولا مااجيب ؟؟ بصراحه اجابتك معقده هههههههههههه


6- لو انك ناعم<< خخخخخ بتكون قويه عليك لكن انا ماتألمني بس لازم توديه مره في الشهر عندالبيطري يبرد منقاره لانه لو صار طويل تبدأ بالالم



ههههههههههه لا ميب قصه نعومه , بس عندي اطفال في البيت وخايف عليهم

والله يعطيك العافية على الاجابات