شو لازم اسوي عند مرحلة القلش للكاسكو

[bin dubai]

السلام عليكم

شحالكم شباب عساكم بخير

شباب عندي كاسكو والحين هو في مرحلة القلش

وسوالي هو معروف ان عند مرحلة القلش لازم نعطيهم الفواكه والخضاء المفيدة لكن هو ما يحب الا العنب وجربت اعطيه تفاح ويح ما يحبهم واذا اعطيه شي غير العنب يخاف منه
لكن الحين اعطيه عسل طبيعي مع ماي ويحبه واييد شو رايكم زين له في مرحلة القلش ؟

و كم شهر تقريبا مرحلة القلش الاولى عند الكاسكو

وانا سبحته مرتين خلال مرحلة القلش والتسبوح زين له في مرحلة القلش ؟

وشو لازم اسوي له عشان احافظ على صحته

وهل مناعته تظعف في مرحلة القلش ؟؟

وفي النهاية ان شاء الله تعدي هالمرحلة على خير لانه ما يصفر ويتكلم وايييد

[الهنوف..]

وش هي مرحلة القلش ؟؟
سوري دخلت عرض بس حبيت اعرف ومنكم نستفيد ؟؟؟؟

[bin dubai]

مرحلة القلش : هي تبديل الريش بالكامل للطير :)

[الهنوف..]

ومتى تبدا مرحلة التبديل في اي عمر او متى ؟؟؟؟؟

[د. إحتـراف]

بسم الله الرحمن الرحيم

وعليكم السلام ورحمه الله وبركاته

اولا اخي الامر بسيط ولا تقلق بأذن الله ... فأنك ان اعطيت الكاسكو غذاء غني بالكالسيوم فإن مرجله القلش تقصر وان لم تعطه فإنها تطول ..وفي كلا الحالتين الطير راح يرجع ريشه لكن هي مسأله وقت .

اولا نبدأ في الغذاء المهم في هذه الفتره

البليله { الحمص} يطبخ ويقدم للببغاء عندما يبرد بدون اضافات لا ملح ولا غيره وتكون وجبه لطير يوم واحد في الاسبوع , تشيل الاكل من عند الطير الساعه 10 الليل واليوم الثاني الصباح بعد الفجر تحط له البليله وتخلي الطير لحاله وهو راح ياكلها لكن في الاول راح يستغرب ويبغاله شويه وقت

الخيار الجزر تقدمهم لطير مره واحده في الاسبوع .

الارز الابيض يكون مطبوخ سااده بدون ملح ولا اي اضافات .

ثانيا الترويش تروش الطير عاادي بدون اي مشاكل احنا الحين في الصيف كل يومين تروش الطير او كل 3 ايام .

والاهم في هذه المرحله التشميس كل يوم بعد العصر تكون الشمس خفيفه تعرض الطير لشمس يوميا لانها تساعده في القلش . بس قبلها ترش الطير رش خفيف جدا بالماء وتتركه في مكان مافيه هواء لحد ماينشف وتعرض الطير لشمس لمده نص ساعه .


ومتى تبدا مرحلة التبديل في اي عمر او متى ؟؟؟؟؟



وعن سؤالك اختي اهي تجي كل سنه مره لطيور اكثر شي , ومالها عمر محدد في كل عمر تجي لطيور

تقبل مروري

[شيبردد]

اخوي انتبه من العسل كثرته يضر الطير

انتبه تعطيهه ششي مالح او حالي لانه يسبب له اسهال ويودي للموت لاسمح الله


نصصيحه لاتوكله عسسل

[bin dubai]

ماشاء الله اخوي دكتور احتراف ما قصر بس عندي سوال انا ببغائي ما يتقبل غير العنب والحب وعسل مخفف بالماي بس هالاشياء شو اسوي له عشان يتقبلهم اكثر عن جي

و اخوي شيبرد كل شي اذا زاد عن حده ينقلب ضده ,,, بس العسل يوم يكون مخفف بالماي تعطيه مرتين باليوم يشربه لمدة خمس دقايق ويكون يوم او يومين بالشهر ما يضر :) والعسل له فوايد