ياجماعه ساعدوني فرخ الدره يرجع السيريلاك

[سفير الغرام]

السلام عليكم ورحمة الله وبركاته
كيفكم ياجماعه
أتمنى من اللي عنده أي معلومه لا يبخل علينا واللي ما يعرف شيء يدعي لنا ولفرخنا


الفرخ كان أوكي بس من يومين خمول .. ما يستجيب مثل الاول .. من اول كان على طول يشوف الابره ياكل ..
دحين ولا شيء ما يتحرك لو شافها .. من الاول يصيح لمن يشوفها دحين ولا شيء
وأمس غرته وأتفاجئت قبل لا أنام أنه رجع كل السيريلاكـ
شوفو لي حل يا جماعة الخير الله يسعدكم

[فلونه]

انا كمان مثلك

عندي فروخ دره وكانت تصايح وتاكل كثيرر

وبعد يومين صارت خااامله جدا جدا وتقريبا نايمه طول الوقت

ولا ترضى تاكل وحاطتهم بعيد عن الهواء والمكيف وانظف تحتهم مرتين في اليوم

لاكن حالتها تزداد سوء

الله يستر

الي عنده حل للمشكله يقولنا

[da7om]

أتمنى من اللي يزور الموضوع يفيد الاخوان يا جماعه

[فارس مجهول]

للاسف مابغى اضيق صدركم لكن الفروخ اللي تأتي من برى

سواء نيباليه اوهنديه وغير ذلك من الطيور تقابل بعنايه سيئه واهمال

في الاكل ,الخ وانتوا عارفين ان الطير في هالمرحله العنايه فيه حساسه

فمفروض اول مالواحد يشتري الطير انه يعطيه مضاد حيوي لمدة خمس ايام

كوقايه لانه ممكن يكون حامل لامراض مثل السالمونيلا والكوكسيد وغيرها من

الامراض الاعراض هذي اللي ذكرتها اذا تطور المرض الطير يبدى يرجع الاكل

يفقد الشهيه وخمول ويتحول لون برازه الى الاسود وهذي هي اعراض السالمونيلا

[da7om]

طيب أخوي أدينا أسم المضاد الحيوي ...

[MR.coOol]

بالفعل اكثر الطيور الي ايون برع

خصوصا الدره الهنديه والدره النيباليه فيهم امراض .. وتعبانين بسبب سوء العناية ..


انا ربعي كلهم خذو ذره نيباليه وكلهم ماتو عندهم .. ومن اسئل الناس كلهم يقولون مثل شي اشترو دره وماتو ..

...

وفي واحد شترا له دره نيباله انتاج محلي يعني في بيت .. والحمدالله للحين عايشه وصارت اطير وتتكلم

[da7om]

يا أخوان أنا عندي نفس المشكلهـ
ياجماعه بدل ما تدخلو وتحطمو فينا وبيموت و و و ... أعطونا الحل طيب ؟

[Parrota]

شئ طبيعي يمكن الفرخ ما هضم الاكل
لأني انا كان عندي فرخ درة مطوقة صار
له كم يوم ما أكل بس الحمدالله صار يأكل
انتظر عليه شوي و راح يأكل يمكن شبعان
انتظر و خبرنا شو صار لأن شئ طبيعي سبق
و وضعت موضوع ردو لي الأعضاء يمكن شبع
و انتظرت اليل و الحمدالله اكل لا تقلقو اخواني و
اخواتي اتمنى اني افدتكم

[فكتوري]

السلام عليكم ياخوان للعلم السيرلاك ولا ينفع ولا شي الكل يفكر انه السيرلاك هو الحل انا خذيت اثنين والحمدلله كبرو عندي وكمل ريشهم لا وفيهم قوه غير طبيعيه من صغرهم ولو اقولكم الاكل يمكن تضحكون لاكن الفرخ الي عندي مقارنه بالي ياكل السيرلاك شي مو طبيعي يعني حتا الي شريته منه استغرب لما شافهم وماعطيته غير هالاكل الا وهو الحمص المبشور او المطحون الي بمحلات المكسرات او النخي الي في المكسرات والله تجربه والي حطو السيرلاك اكثرهم يشتكون هذا الي لاحظته ولكم الشكر

[فارس مجهول]

هذي قائمه باهم الادويه من موضوع اخونا حب استطلاع

http://www.2zoo.com/vb/showthread.php?t=87359

وأنا ارشح الباي تريل مضاد قوي وفعال وان شاء الله خير

[فلونه]

السلام عليكم ياخوان للعلم السيرلاك ولا ينفع ولا شي الكل يفكر انه السيرلاك هو الحل انا خذيت اثنين والحمدلله كبرو عندي وكمل ريشهم لا وفيهم قوه غير طبيعيه من صغرهم ولو اقولكم الاكل يمكن تضحكون لاكن الفرخ الي عندي مقارنه بالي ياكل السيرلاك شي مو طبيعي يعني حتا الي شريته منه استغرب لما شافهم وماعطيته غير هالاكل الا وهو الحمص المبشور او المطحون الي بمحلات المكسرات او النخي الي في المكسرات والله تجربه والي حطو السيرلاك اكثرهم يشتكون هذا الي لاحظته ولكم الشكر

ماشاء الله تبارك الرحمن

الله يخليلك فروخك

طيب الحمص نسلقه والا نشتريه ناشف ونطحنه

وفيه حمص معلب ماينفع لو غسلته وطحنته وحطيت معاه خبز مطحون؟؟

الله يرضى عليك ياليت تقولنا على الطريقه

وتكسب اجر في فروخنا

[فكتوري]

السلام عليكم اختي فلونه الحمص هو الحمص الناشف اليابس الي حجمه صغير تلقينه دايم بالمكسرات وممكن تلقينه بالمحامص مطحون واذا مالقيتي خذيه واطحنيه نفس القهوه بس يكون بدون ملح انا الصبح اخلطه للطير مع عصير كوكتيل مراعي وبالليل مع ماء بس لاكن لما تزيد قابلية الطير ممكن تزيدين عدد الوجبات الى ثلاث لاتضغطين على الطير كل فتره وتعطينه لانه بيغتث وبيصير معاه عسر هضم كل ماعطيتيه فتره اطول كل ماكان الهضم عنده جيد حتا العصير يخلي سرعة نمو الريش عنده شي مو طبيعي وهذي صورة الطير ودعولي
http://www.2zoo.com/vb/showthread.php?t=157664

[ردريجو]

وانا بعد عندي فرخ دره ومشكور اخوي فكتوري على المعلومات المفيدة ومشالله طيرك في صحة جيدة

[فكتوري]

حياك الله ردريجو وحاضرين في اي وقت

[فلونه]

مشكوور كثيررر اخوي فكتوري

وان شاء الله من بكره راح اترك السيريلاك

واعطيله الخلطه هذي

الله يعطيك الف عافيه

لاكن وين صاحب الموضوع ... طمنى على الفرخ اللي عندك

ايش اخباره

[فكتوري]

انشالله وراح تلاحظين التغير على الطير والله علمي علمج مادري وين راح صاحب الموضوع بس الله يحفظه انشالله موجود ولا غايب وتقبلي تحياتي

[da7om]

ماشاء الله تبارك الله ..
أنا عندي المشكله أنه ما ياكل وبطنه فاضي .. وإذا أكلته يرجع اللي أكله .. نفس مشكله سفير الغرام
يعني مو شبعان ..

[فلونه]

وانا كمان نفس الشي

مثل فرخك اخ da7om صار يرجع السيريلاك وبطنه فاضيه

انته تعطيله سيريلاك حق اطفال والا المخصص للطيور؟؟

وكمان مايرضى ياكل بس نايم وخااامل

مادري هل ينفع نعطيه مضاد والا قوي عليه

وفيه ناس قالوا اعطيله موية فيها ثوم

ممكن تكون الفروخ نفسها مريضه او من سيريلاك الاطفال؟؟

ياليت اللي مر عليه حاله مثل كذا يقلنا ايش الحل

[da7om]

لا أنا أعطيه سيريلاكـ العادي .. وقد غريت قبل كذا الكروان ما منه مشكله السيريلاكـ
المشكلهع مو في السيرلاكـ ..

أنا أتصلت على بيطري قال أعطيه مضاد . يعني المضاد ما يضر الفرخ
بس لازم تعرف كم الكميه
أنا خربتها مع الفرخ حق خخخ حطيت له مضاد وفيتامين وغريته بالقوه الصبح هع

[فكتوري]

السلام عليكم والله ياجماعه اعتقد الشغله الي تعانون منها شغلت بيطري انا والله طرحت فكرتي وطريقتي بتربية فرخ الدره والحمدلله من اول ماخذيتهم على نفس هالطريقه بالتغذيه مافيه يوم مشالله لقيتهم تعبانين ولو ادري كان شريت فروخ الدره الي بالسوق كلها على الاقل احتكر السوق هههههههههههه لاكن يالله تقريبا خلصت الكميات الي بالسوق والي عنده رافع السعر وايد وانا صراحه ياشباب مركز على البلوفرنتد والكاسكو بس حبيت اجرب الدره وصراحه العنايه به متعبه جدا نفس فروخ الطيور الاخرى وتقبلوا تحياتي

[فلونه]

ايوه صحيح انا عندي فرخ كروان وماشاء الله عليها بديت افطمها الحين

وذكيه ماشاء الله واذا ناديتها تجيني طيران تعرف اسمها

واعطيها سيريلاك حق الاطفال

لاكن الدره هذي مادري ايش قصتهم

شكلهم كلهم مرضى والله يستر

ياليت اخوي تقولي ايش اسم المضاد وقد ايش الكميه

لانه ماعندنا بياطره يعرفوا شي في الطيور